যিরমিয় 7:15 - Chakma Bible

¹⁵ মুই তমা ভেইয়ুনো উগুরে, অত্তাৎ ইফ্রয়িমর মানুচ্চুনো উগুরে যেবাবোত্যে গোজ্যং সেবাবোত্যে মঅ মুজুঙোত্তুন তমারে ঠিলিনে ফেলেই দিম।”

যিরমিয় 7:15 Iomraidhean Croise

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

২ রাজাবলী 24:20

যিরূশালেম আর যিহূদার মানুচ্চুনোর কারনে লগেপ্রভু রাগে জুলি উদিলো আর যেরেন্দি তে তা মুজুঙোত্তুন্‌ তারারে দূর্‌ গুরি দিলো। পরেন্দি সিদিকিয় বাবিলোর রাজার বিরুদ্ধে উল্লোমী গুরিলো।

২ বংশধর 15:9

সে পরেন্দি তে যিহূদা আর বিন্যামীনর বেক্‌ মানুচ্চুনোরে আর ইফ্রয়িম, মনঃশি আর শিমিয়োন চাগালার যিদুক্কুন্‌ মান্‌জ্যে তারা ভিদিরে বজত্তি গত্তন্‌ তারারে এক লগে এগত্তর্‌ গুরিলো। আসার গোজেন লগেপ্রভু তা লগে আগে দেগিনে ইস্রায়েলর বোউত্‌ মান্‌জ্যে তা পক্ষ নিইনে তাইদু এলাক্‌।

গীতসংহিতা 51:11

তঅ মুজুঙোত্তুন্ মরে দূর্ গুরি ন-দিচ্; মঅ ভিদিরেত্তুন্ তর্ সুদ্ধো-সাংগ আত্মাগানরে ন-নেযেচ্।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 23:33

লগেপ্রভু মরে কলঅ, এ মানুচ্চুনে বা কনঅ ভাববাদী বা ধর্মগুরু যেক্কে তরে পুযোর্ গুরিবো, লগেপ্রভুর কধানি কি? সেক্কে তুই তারারে কবে, লগেপ্রভু কোইয়্যেদে, তুমি মর্ বোঝা বুধি আর মুই তমারে ফেলেই দিম।

যিরমিয় 23:39

সালে মুই ঘেচ্চেকগুরি মঅ মুজুঙেত্তুন তমারে তুলি নিইনে মেলা মারি দিম আর যে শঅরান্ মুই তমারে আর তমা পুরোণিমানুচ্চুনোরে দুয়োং সেই শঅরানরেয়ো মঅ মুজুঙেত্তুন মেলা মারি দিম।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিরমিয় 52:3

যিরূশালেম আর যিহূদার মানুচ্চুনোত্যে লগেপ্রভু রাগে ফুলি উঠ্যে আর যেরেদি তে তা মুজুঙোত্তুন্ তারারে দূর্ গুরি দিয়্যে। পরেদি সিদিকিয় বাবিল রাজার বিরুদ্ধে উল্লোমি গুরিলো।

যিরমিয় 9:19

সিয়োনত্তুন এ আবিলেচর্ কধাগান শুনো যার্, “আমি কেধোক্ক্যেন গুরি ভস্ত ওই গেলং! কেধোক্ক্যেন গুরি এত্তমান লাজত্ পড়িলোং! আমা ঘরানি ভস্ত ওই যেইয়্যে, সেনত্তে আমাত্তুন দেজ্ ছাড়িনে যাহ্ পুরিবো।”

যিহিষ্কেল 23:31

তুই তর্ বোন্নোর্ পধেদি যেইয়োচ্; সেনত্তে সিয়েনর্ গলস্‌চো মুই তঅ আঢত্ তুলি দিম।

যিহিষ্কেল 33:25

সেনত্তে তুই তারারে কঅ, প্রভু লগেপ্রভু কোইয়্যেদে, তুমি দঅ লো সুদ্ধো য়েরা খর্, মূত্তিপূজো গরর্ আর লো ঝরর্; সালে কি তুমি দেজর্ অধিকারী অবা?

হোশেয় 1:4

সেক্কে লগেপ্রভু হোশেয়রে কলঅ, “তুই তা নাঙান্ যিষ্রিয়েল রাগা, কিত্যে যিষ্রিয়েল শঅরত্ বোউত মান্‌জ্যরে যেহূ মারে ফেলেয়্যে বিলি মুই তা বংশবোরে যাদিমাদি সাজা দিম আর ইস্রায়েল রেজ্যগানরে শেজ্ গুরি দিম।‌‌

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

হোশেয় 13:16

শমরিয়ার মানুচ্চুনে তারার্ গোজেন বিরুদ্ধে উল্লোমী গোজ্যন বিলি দায়ী অবাক্। তারা যুদ্ধোত্ মুরি যেবাক্; তারার্ পুয়ো-ঝিগুনোরে মাদিত্ আছাড় মারিনে নিগুজ্ গরা অবঅ আর তারার্ পিদিলী মিলেগুনোর্ পেটতুন্ ফাদি ফেলা অবঅ।”

হোশেয় 7:13

অভিশাব্ পোড়োক্ তারার্, কিত্যে তারা মত্তুন্ ভান্ন্যেই পধেদি যেইয়োন। তারার্ সর্বনাশ ওক্, কিয়া তারা মঅ বিরুদ্ধে উল্লোমী গোজ্যন। মুই তারারে উদ্ধোর্ গুরিবাত্তে চাং মাত্তর্ তারা মঅ বিরুদ্ধে মিজে কধা কন্।

হোশেয় 9:13

ইফ্রয়িমরে মুই সোর ধোক্ক্যেন দোল্ জাগাত্ লাগেয়্যে দেখ্যং। মাত্তর্ ইফ্রয়িমে তা পুয়ো-ছাগুনোরে নিগিলেনে নেযেব তাইদু যে তারারে মারে ফেলেব।”

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

যোনা 2:4

মুই কলুং, মরে তঅ চোগো মুজুঙোত্তুন্ দূর্ গুরি দিয়্যে ওইয়্যে; তো মুই আরঅ তর্ সেই সুদ্ধো-সাংগ ঘরান ইন্দি রিনি চেইম্।

গণাণা 1:32

যোষেফর পূঅগুনো ভিদিরে ইফ্রয়িমোর্‌ বংশধরুনো ভিদিরে যিগুনোর্‌ বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন, বংশ আর পরিবারর্‌ পরিচয় মজিম তারার্‌ নাঙানি লিগি নেযা অলঅ।