যিরমিয় 7:10 - Chakma Bible

¹⁰ সে পরেদি এইনে তুমি মঅ ঘরত্ মঅ মুজুঙোত্ এইনে থিয়্যেইনে কঅ, তুমি গমে আগঅ। তুমি সিয়েনি গরঅ যেনে তুমি সেই জঘন্য কামানি গুরি যেই পারঅ।

যিরমিয় 7:10 Iomraidhean Croise

১ রাজাবলী 9:3

লগেপ্রভু তারে কলঅ, তুই যে তবনা আর কোজোলিগান মইদু গোজ্যস্‌ সিয়েন্‌ মুই শুন্ন্যং। তর্‌ বানেয়্যে এ তবনা-ঘরান্‌ জিংকানিবর্‌ মর্‌ থেবারঘর্‌ ইজেবে মঅ নাঙে যুদো গোজ্যং। ইয়েন উগুরে নিত্য মঅ চোখ্‌কুন্‌ আর মনান্‌ থেবঅ।

২ রাজাবলী 21:4

লগেপ্রভু যে ঘরান পৌইদ্যেনে কোইয়্যে, “মুই যিরূশালেমত্‌ বজত্তি গুরিম,” লগেপ্রভুর সে ঘরান ভিদিরে তে কয়েক্কো ডালিপূজো বানেল।

২ বংশধর 33:4

যে ঘরান পৌইদ্যেনে লগেপ্রভু কোইয়্যে, “মুই জিংকানিবর যিরূশালেমত্‌ বজত্তি গুরিম,” লগেপ্রভুর সে ঘর ভিদিরে তে কয়েক্কো ডালিপূজো বানেল।

২ বংশধর 33:7

তে যে মূত্তিবো কাবিনে বানেইয়্যে সিবে নেযেইনে গোজেন ঘরত্‌ রাগেল। গোজেনে এ ঘরান পৌইদ্যেনে দায়ূদ আর তার্‌ পুয়ো শলোমনরে কোইয়্যেদে, “এ ঘরান্‌ আর ইস্রায়েলর পুরো গুট্টিগুনো ভিদিরেত্তুন্‌ মর্‌ বেঈ লোইয়্যে এ যিরূশালেমানরে মুই উমরত্তে মর্‌ থেবার্‌ জাগা বানেম্‌।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

যিশাইয় 48:2

তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিরমিয় 32:34

মঅ ঘরত্ তারা তারার সাংগাদিক্ মূত্তিগুন বোজেইনে সিয়েন অসিজি গোজ্যন্।

যিরমিয় 34:15

কয়েকদিন অলঅ তুমি মনান ফিরেইনে মঅ চোগেদি যিয়েন ঠিগ্ সিয়েনই গোজ্যন্, অত্তাৎ তুমি পত্তিজনে তমা ইব্রীয় ভেইয়ুনোরে উদ্ধোর্ ফগদাং গোজ্য। এমন কি, মঅ ঘরত্ মঅ মুজুঙোত্ তুমি মঅ সুদোমান মানিবা বিলিনে রাজি ওইয়ো।

যিরমিয় 44:9

যিহূদা দেজত্ আর যিরূশালেমর পধে পধে তমা পুরোণি মানুচ্চুনোর, যিহূদার রাজা আর রাণিগুনোর আর তমার্ আর তমা মোগ্‌কুনোর পাচ্চ্যেমির্ কধানি কি তুমি ভুলি যেইয়ো?

যিরমিয় 7:11

মঅ ঘরান কি তমা ইধু ডাগেত্তুনোর্ আড্ডার্ জাগা ওইয়্যে? মুই লগেপ্রভু কঙর্, মুই ইয়েনি দেগঙর্।

যিরমিয় 7:14

যে ঘরান উগুরে তুমি নির্ভর গোজ্য সেই ঘরান মুই মর্ থেবার জাগা বানেয়োং, আর এ জাগায়ান মুই তমার আর তমা পুরোণি মানুচ্চুনোরে দুয়োং। মাত্তর্ তমা পাপ্‌‌‌পানিত্তে এ ঘরানরে আর এ জাগায়ানর অবস্থা মুই সেবাবোত্যে গুরিম যেবাবোত্যে মুই শীলো উগুরে গোজ্যং। ‌

যিরমিয় 7:30

লগেপ্রভু কোইয়্যেদে, “মঅ চোগেদি যিহূদার মানুচ্চুনে ভান্ন্যেই কাম গোজ্যন। মঅ ঘরত্ তারা তারার জঘন্য মূত্তিগুন বোজেইনে সিয়েনরে অসিজি গোজ্যন্।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

যিহিষ্কেল 23:29

তারা তরে ঈচ্ গুরিবাক্ আর তর্ দুঘোর্ ফলুন নেযেবাক্। তারা তরে লাংটা-বাংটা আর খালি গুরি থোই যেবাক্। তর্ বেশ্যেগিরির্ লাজানাগান সেক্কে ফগদাং অবঅ। তর্ বেভিচের্ আর বেশ্যেগিরির কারনে ইয়েনি তঅ উগুরে এবঅ, কিত্যে তুই জাদ্‌তুনো লগে বেভিচের্ গোজ্যস্, অত্তাৎ তারার্ মূত্তিগুন দিইনে নিজোরে অসিজি গোজ্যস্।

যিহিষ্কেল 23:37

তারা বেভিচের্ গোজ্যন আর তারা আঢত্ লো আঘে। তারার্ মূত্তিগুন পূজো গুরিনে তারা বেভিচের্ গোজ্যন; এমন্ কি, মত্তে জর্ম দিয়্যে ঝি-পুয়োগুনোরে তারা মূত্তিগুনোর হানা ইজেবে আগুনোত্ পুড়িনে উৎসর্ব গোজ্যন্।

যিহিষ্কেল 23:39

সেই একই দিনোত্ তারা তারার্ মূত্তিগুন ইধু তারার্ ঝি-পুয়োগুনোরে জবাই গোজ্যন্ আর মঅ ঘরত্ সোমেইনে সিগুন অসিজি গোজ্যন্। তারা মঅ ঘর ভিদিরে এ কামানি গোজ্যন্।

যিহিষ্কেল 33:25

সেনত্তে তুই তারারে কঅ, প্রভু লগেপ্রভু কোইয়্যেদে, তুমি দঅ লো সুদ্ধো য়েরা খর্, মূত্তিপূজো গরর্ আর লো ঝরর্; সালে কি তুমি দেজর্ অধিকারী অবা?

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

দানিয়েল 9:18

ও মর্ গোজেন, তুই কান্ দে, শুন; তঅ চোগ্‌‌‌‌‌কুন খুল্ আর যে শঅরান তঅ নাঙে চিনেজানা সিয়েনর ভস্ত অনা একপল্লা চাহ্। আমা নিজো গুণে নয় বরং তর্ দাঙর্ দোয়্যেত্তে আমি তইদু কোজোলী গুরির্।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

আমোষ 4:5

তুমি ভালেদির্ উৎসর্ব ইজেবে সদা দিয়্যে রুটি দুয়ো আর তমা নিজো আওজে দিয়্যে উৎসর্বর জিনিস্‌‌চানিলোই বাড়্‌বো গরঅ, কিত্যে ও ইস্রায়েলীয়গুন, তুমি দঅ সিয়েন গুরিবাত্তে গম্‌‌ পঅ। মুই প্রভু লগেপ্রভু এ কধাগান কঙর্।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

মালাখি 3:15

ইক্কিনে আমি বাড়্‌বো গুরিয়্যেগুনোরে বর্ পেইয়্যে কোর্; অয়, অন্যেয়গুরিয়্যেগুনে ভালেদি গোজ্যন্; তারা গোজেনরে যগা নেইনেয়ো রেহাই পাদন্।’ ”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।