যিরমিয় 6:3 - Chakma Bible

³ গরগ্‌কুনে যেবাবোত্যেগুরি ভেড়া পাল্লোই এজন্ সেবাবোত্যেগুরি রাজাগুনে তারার সৈন্যদলুন্দোই তা বিরুদ্ধে এবাক্; সিয়েনর চেরোকিত্তে তারা তাম্বুল টাঙেবাক্ আর যে যার্ জাগানত্ থেবঅ।‌‌‌

যিরমিয় 6:3 Iomraidhean Croise

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

নহূম 3:18

ও আসিরিয়ার রাজা, তঅ নেতাগুনে ঘুমোদন্; তঅ রাজ্‌কামগুরিয়্যেগুনে পড়ি আগন্। তঅ মানুচ্চুনে মুড়োই মুড়োই ছিদি পোজ্যন্, তারারে এগত্তর্ গুরিবার কনজন নেই।

লূকে লেখ্যে গম্ হবর্ 19:43

এমন্ সময় এবঅ যেক্কে শত্রুগুনে তঅ বিরুদ্ধে চেরোকিত্তে দেবাল্ তুলিবাক্ আর তরে ঘিরি রাগেবাক্ আহ্ চেরোকিত্ত্যেত্তুন্ তরে চাপি ধুরিবাক্।