যিরমিয় 6:27 - Chakma Bible

²⁷ লগেপ্রভু কোইয়্যেদে, “মুই তরে মঅ মানুচ্চুনোর যগাচেইয়্যে বানেয়োং যেনে তুই তারা ইন্দি খিয়েল্ রাগেইনে তারা পথ্‌তানি পোরোক্কে গুরি পারচ্।‌‌

যিরমিয় 6:27 Iomraidhean Croise

যিরমিয় 1:18

এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

যিরমিয় 15:20

এ মানুচ্চুনো ইধু মুই তরে পিদোলর্ এক্কো দরমর দেবাল ধোক্ক্যেন গুরিম; তারা তঅ বিরুদ্ধে যুদ্ধো গুরিবাক মাত্তর্ তরে ওদেই দি ন-পারিবাক্, কিত্তে মুই লগেপ্রভু কঙর্, তরে উদ্ধোর গুরিবাত্তে আর বাজেবাত্তে মুই তঅ লগে লগে থেম্।

যিরমিয় 9:7

সেনত্তে বেগত্তুন খেমতাবলা লগেপ্রভু কোইয়্যেদে, “চঅ, মুই তারার তুদোগান নিগিলেনে পোরোক্কে গুরিম, কিত্তে মঅ মানুচ্চুনোরে নিইনে মুই আর কি গুরি পারিম?

যিহিষ্কেল 20:4

ও মান্‌জ্যর পুয়োবো, তুই কি তারারে বিচের্ গুরিবে? সালে তারার্ পুরোণি মানুচ্চুনোর জঘন্য আচার-বেবহারর কধানি তারারে জানা।

যিহিষ্কেল 22:2

ও মান্‌‌‌‌‌‌‌‌জ্যর পুয়োবো, তুই কি বিচের্ গুরিবাত্তে যুক্কোল্ আগচ্? সালে তুই লো ঝোরেয়্যে এই শঅরানর্ বিচের্ গর্। তুই তার্ বেক জঘন্য কামানির কধা তারে জানা।