যিরমিয় 6:22 - Chakma Bible

²² লগেপ্রভু এ কধাগান কোইয়্যেদে, “চঅ, উত্তোরে দেজত্তুন একদল সৈন্য এত্তন্; পিত্‌থিমীর শেজ্ দুযিত্তুন এক্কো দাঙর্ জাদ রাগে গং দি এজের্।

যিরমিয় 6:22 Iomraidhean Croise

নহিমিয় 1:9

মাত্তর্‌ তুমি মইদু ফিরি এলে আর মঅ উগুমানি পালন গুরিনে সে মজিম্‌ কাম্‌ গুরিলে, তমার্‌ বন্দীদজাত্‌ থেইয়্যে মানুচ্চুনে যুনি আগাজর্‌ থুম্ দুযিত্‌অ থান্‌ সালে মুই তারারে সিয়োত্তুন্‌ তোগেইনে মর্‌ থেবার ঘর ইজেবে যে জাগায়ান্‌ বেঈ নেযেয়োং সিদু তারারে নেযেম্‌।

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 13:20

লগেপ্রভু কোইয়্যেদে, ও যিরূশালেম, তুই চোগ্ তুল্, রিনি চাহ্, উত্তোরেত্তুন্ শত্রুগুনে এত্তন্। যে পাল্লো তঅ আঢত্ দিয়্যে ওইয়্যে, যে ভেড়াগুনোরে নিইনে বাড়্‌বো গুরিদে তারা কুদু?

যিরমিয় 25:32

বেগত্তুন্ খেমতাবলা লগেপ্রভু কোইয়্যেদে, “চঅ, এক জাদত্তুন্ আর এক জাদত্ দজা ছিদি পোজ্যে; পিত্‌থিমীর শেজ্ ধুজিত্তুন এক্কান দর্‌‌‌‌গরেপারা ঝড় উদের্।”

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 30:5

মুই লগেপ্রভু কঙর্, সুগ্-শান্দির কিজেক্ নয় বরং অমকদ দর্‌‍গরেপারা কিজেক্ শুনো যেইয়্যে।

যিরমিয় 4:16

জাদ্তুনো ইধু আর যিরূশালেম ইধু এ কধাগান ফগদাং গরঅ, “ঘিরিবাত্তে সৈন্যগুনে দূর দেজত্তুন্ এত্তন্; তারা যিহূদার শঅরানির বিরুদ্ধে যুদ্ধোর্ ডাগ দেদন্।‌

যিরমিয় 4:6

সিয়োনত্ যেবার পথ্‌তান দেগেবাত্তে চিহ্নো থিদেবর্ গরঅ। দিরি ন-গুরিনে গমেডালে থেবাত্তে ধেই যঅ, কিত্তে মুই উত্তোরেত্তুন দজা আর দর্‌গরেপারা ভস্ত গরানাগানরে আনিবাত্তে যাঙর্।‍‍‍‍‍

যিরমিয় 47:2

“চঅ, উত্তোরেদি কিবাবোত্যেগুরি পানিগান ফুলি উদের্; সিয়েন ওই উদিবো বান পানি গঙার ধোক্ক্যেন্। সিয়েনে দেজত্ আর সিয়েন ভিদিরে বেক্কানি, বেক্ আদাম আর শঅরানি আর সিয়েন ভিদিরে বজত্তি গুরিয়্যে বেক্কুনোরে ডুবেই দিবো। সেক্কে মানুচ্চুনে কানাকুদি গুরিবাক্; দেজত্ বজত্তি গুরিয়্যে বেক্কুনে আবিলেচ্ গুরিবাক্।

যিরমিয় 5:15

লগেপ্রভু কোইয়্যেদে, “ও ইস্রায়েলীয়গুন, মুই তমা বিরুদ্ধে দূরত্তুন এক্কো জাদরে আনিম্। সিবে এক্কো পুরোণি আর টিগি থেইয়্যে জাদ্; সে মানুচ্চুনোর ভাষা তুমি হবর্ ন-পেবা আর তারা কধানি তুমি ন-বুঝিবে।

যিরমিয় 5:16

তারা জদবদে সেল্ মারন; তারা বেক্কুনে দরমর যোদ্ধা।

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিহিষ্কেল 21:31

মঅ রাগ্‌‌‌‌‌কান মুই তমা উগুরে ঢালি দিম আর তমা বিরুদ্ধে মর্ অমকদ রাগর্ আগুনোত্ ফুন্ দিম। মুই তমারে এমন চিৎনপুজ্যে মান্‌‌‌‌‌‌‌জ্য আঢত্ তুলি দিম যিগুনে ভস্ত গুরিবার কামত্ কাবিল্।

যিহিষ্কেল 23:22

সেনত্তে মুই প্রভু লগেপ্রভু কঙর্, তর্ যিদুক্কুন লাঙরে তুই ঈচ্ গোজ্যস্ মুই তারারে তঅ বিরুদ্ধে উচ্চোমি তুলি দিম আর চেরোকিত্তেত্তুন্ মুই তারারে তঅ বিরুদ্ধে আনিম্।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।