যিরমিয় 6:21 - Chakma Bible

²¹ সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিরমিয় 6:21 Iomraidhean Croise

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

যিশাইয় 8:14

সালে তে অবদে এক্কান পবিত্র আশ্রয়র জাগা, মাত্তর্ ইস্রায়েলীয়গুনোর্ দ্বিয়েন দেজত্তে তে এমন্ এক্কো পাত্তর্ অবঅ যেনে মান্‌জ্যে উজোত্ হান আর যিবে মান্‌জ্যর উজোত্ হেবার্ কারন ওই থায়। যিরূশালেম মানুচ্চুনোত্তে তে অবঅ এক্কো ফাল্ আর এক্কান্ জাল।

যিশাইয় 8:15

তারা ভিদিরে ভালোক্ জনে উজোত্ হেবাক্। তারা পড়ি যেইনে ভস্ত অবাক্; ফালত্ আক্‌সো যেইনে তারা ধরা পড়িবাক‌্।” ‍

যিরমিয় 13:14

আংগুর-রস পিলে ধোক্ক্যেন গুরি মুই একজন উগুরে আর একজনরে আছাড়্ মারিনে চুরমার গুরিম; বাপ্ ওক্ বা পুয়ো ওক্ বেক্কুনোরে চুরমার গুরিম। মুই কনঅ কোচ্‌‌পানা বা দোয়্যে বা মেয়্যে ন-গুরিম; তারারে ভস্ত গুরিম্‌‌‍‍বে গুরিম।’ ”

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 18:23

মাত্তর্ ও লগেপ্রভু, মরে মারেই ফেলেবাত্তে এই বেক্ কুজুরোমির কধানি দঅ তুই হবর্ পাজ। তারার এই অন্যেয়ানি তুই খেমা ন-গুরিচ্ বা তঅ চোগো মুজুঙোত্তুন তারার পাব্‌‌‌‍‍‍‍পানি পুজি ন-ফেলেচ্। তঅ মুজুঙোত্ তারা পড়ি যাদোক্; তর্ রাগর সময়োত্ তুই তারারে সাজা দিচ্।‍

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিহিষ্কেল 3:20

“আরঅ, যুনি কনঅ গম্ মানুচ্ তার ঠিগ্ পধত্তুন্ ফিরিনে ভান্ন্যেই কাম্ গরন আর মুই তা মুজুঙোত্ এক্কান দযা রাগাং, সালে তে মুরিবো। তুই তারে উজিয়ার ন-গরচ্ বিলি তে তার পাপত্তে মুরিবো। যেদক্কানি গম্ কাম তে গোজ্যে সিয়েনি আর ইদোত্ তুলো ন-অবঅ; মুই তরে তার্ মরণত্তে দায়ী গুরিম।

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

লেবীয় 26:37

কনজনে তারার্‌ পিজেন্দি ন-লোড়েলেয়ো যুদ্ধোর্‌ আদত্তুন্‌ বাঁচিবাত্তে আদি যেইয়্যে মান্‌জ্য ধোক্ক্যেন গুরি দাবা দিবাত্তে যেইনে তারা এক্কো আর এক্কো উগুরে পড়িবাক্। শত্রুগুনোর মুজুঙোত্ তুমি থিয়্যেই ন-পারিবা।

রোমীয় 11:9

রাজা দায়ূদেয়ো কোইয়্যেদে, তারার্ হানার্ পরব্‌‌পুন্ ফাল্ আর জাল ধোক্ক্যেন্ ওক্‌, সিয়েনি যেন তারার্ উজোত্ হেবার্ কারন অয়, আর তারার্ যিয়েন পাওনা সিয়েন যেন তারা পান্।

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।