যিরমিয় 6:20 - Chakma Bible

²⁰ ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

যিরমিয় 6:20 Iomraidhean Croise

২ শমূয়েল 15:12

উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।

১ রাজাবলী 10:10

তে রাজারে সাড়ে চের্‌ টনত্তুন্‌অ বেশ্‌ সোনা, ভালোক্কানি তুম্বাজ্‌ মজলা আর মানেক্‌ দিলো। শিবার রাণী রাজা শলোমনরে যেদক্কানি মজলা দিয়্যে সেদক্কানি মজলা আর কনদিনঅ দেজত্‌ আনা ন-অয়।

গীতসংহিতা 40:6

য়েমান আর অন্য উৎসর্ব তুই ন-চাজ্, পুজ্যে আর পাপ-উৎসর্বয়ো তর্ দরকার নেই; মাত্তর্ তর্ কধা শুনিবার কানান্ তুই মরে দুয়োচ্।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

যাত্রা 30:23

তুই কয়েক্কো গম্‌ জাদর্‌ মশলা, অত্তাৎ পাচ্ কেজি গন্ধরস, আড়ি কেজি তুম্বাস দারচিনি, আড়ি কেজি বচ,

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

যিশাইয় 1:11

লগেপ্রভু কোইয়্যেদে, “তমার্ কনঅ য়েমান-উৎসর্ব মর্ দরকার্ নেই। ভেড়া আর পক্তামক্তা য়েমান তেল্লোই পুজ্যে-উৎসর্ব যেন মঅ গত্তনাবো সং উঠ্যেগি; গোরু, ভেড়া ছঅ আর ছাগল লুয়োলোই মুই কনঅ হুজি ন-অং।

যিশাইয় 60:6

ধূল্যেচরেদি যেইয়্যে উটো পিদিত্ যেইয়্যেগুন্দোই তমা দেজ্‌চান ভুরি যেবঅ, ভুরি যেবঅ মিদিয়ন আর ঐফার বোলী উট্‌তুন্দোই। তারা সোনা আর তুম্বাজ্ আগর্‌বাট্টি্‌লোই শিবা দেজত্তুন এবাক্ আর লগেপ্রভুরে বাঈনী গুরিবাক্।

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিরমিয় 14:10

এ মানুচ্চুনে পৌইদ্যেনে লগেপ্রভু কোইয়্যেদে, “তারা ঘুরি বেড়াদে গম্‌‌‌‍‍পান; তারা তারার টেঙানি ন-থামান্। সেনত্তে মুই তারারে গুজি ন-লং; মুই এবেরা তারার পাজিগানির পৌইদ্যেনে ইদোত্ তুলিম আর পাপত্তে সাজা দিম্।”

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

যিহিষ্কেল 27:22

শিবা আর রয়মার বেবসায়ীগুনেয়ো তঅ লগে বেবসা গুরিদাক্; তঅ পযাপিরানির বদলে তারা দিদাক্ নানান্ বাবোত্যে গম্ গম্ মজলা, মংগা পাত্তর্ আর সোনা।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:4

তারা লগেপ্রভুর নাঙে আংগুর-রসচোই পানীয়-উৎসর্ব ন-গুরিবাক্ আর তারার্ য়েমান-উৎসর্বগানিয়ো তারে হুজি ন-গুরিবাক্। সেবাবোত্যে উৎসর্ব তারা ইধু আবিলেচ্‌গুরিয়্যেগুনো হানা ধোক্ক্যেন অবঅ; যিগুনে সিয়েন হেবাক্ তারা বেক্কুনে অসিজি অবাক্। সে হানাগান তারার্ নিজোর পেট্‌পরা মারেবাত্তে অবঅ, সিয়েন লগেপ্রভুর ঘরত্ ন-এবঅ।

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।