যিরমিয় 6:17 - Chakma Bible

¹⁷ মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিরমিয় 6:17 Iomraidhean Croise

যিশাইয় 21:11

দূমা, অত্তাৎ ইদোম পৌইদ্যেনে আগাম্ কধা ইয়েন; সেয়ীরত্তুন্ কনজনে মরে ডাগিনে কলঅ, “চুগিদার্‌বো, রেত্তো আর কদক্কন্ আঘে?”

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিরমিয় 18:12

মাত্তর্ তারা জোব্ দিবাক, ‘কনঅ লাভ নেই। আমা পরিকল্পনা মজিম আমি চলিবোং; আমি বেক্কুনে নিজোর নিজোর ভান্ন্যেই মনর্ একঘেয়েমিলোই চলিবোং।’ ”

যিরমিয় 25:4

লগেপ্রভু যুনিয়ো তার বেক চাগরুনোরে, অত্তাৎ ভাববাদীগুনোরে বার্ বার্ তমা ইধু পাদেয়্যে তো তুমি ন-শুনো বা মনযোগ্‌অ ন-দুয়ো।

যিরমিয় 6:18

সেনত্তে ও অন্য জাদ্‌তুন, শুনো; মঅ মানুচ্চুনোর যিয়েন অবঅ সিয়েন রিনি চঅ।‍‍‍

যিরমিয় 7:28

সেনত্তে তুই তারারে কবে, ‘তুমি সেই জাদ্, যে তার গোজেন লগেপ্রভুর আওজ্ মজিম ন-চলে বা তার সংশোধনত্ ন-শুনোন্। সত্যগান ভস্ত ওই যেইয়্যে; কনজনে সে পৌইদ্যেনে মুয়োদিয়ো ন-আনন্।’ ”

যিরমিয় 8:5

সালে কিত্তে যিরূশালেমর এ মানুচ্চুনে ভান্ন্যেই পধেদি যেইনে আর ফিরি ন-এজন্? তারা ছলনাগানরে আজাবোদে ধুরি রাগান; তারা ফিরি এত্তে অস্বিগের্ গরন।

যিহিষ্কেল 3:7

মাত্তর্ ইস্রায়েলীয়গুনে তঅ কধানি শুনিবাত্তে ন-চেবাক্, কিত্যে তারা মঅ কধানি শুনিবাত্তে ন-চান; ইয়েনর কারনান্ অলঅ, গোদা ইস্রায়েল জাদ্‌‌‌‌তো আগাত্যা-মনর্ আর একবুচ্চ্যে।

হোশেয় 8:1

তুই শিংগা বাজা। লগেপ্রভুর মানুচ্চুনোর্ বিরুদ্ধে শত্রুগুনে সাড়াল্যে চিল ধোক্ক্যেন এত্তন্, কিত্যে মানুচ্চুনে মর্ দিয়্যে সুদোমান্ অমান্য গোজ্যন আর মঅ রীদি-সুদোমানির্ বিরুদ্ধে উল্লোমী গোজ্যন্।

হবক্‌‌‌‌কূক 2:1

মুই মর্ চুগিদার-জাগানত্ থিয়্যেম্, দেবাল উগুরে জাগা নেযেম্; তে মরে কি কবঅ আর মঅ আবিত্তিগানর্ কি জোব্ দিবো সিয়েনত্তে বাজ্জেই থেইম্।

সখরিয় 1:4

তুমি তমা পূরোণি মানুচ্চুনো ধোক্ক্যেন ন-ওইয়ো। তারা ইধু আগ ভাববাদিগুনে মর্ এ কধাগান ফগদাং গোজ্যন্দে যে, তারা যেন তারার ভান্ন্যেই পথ আর ভান্ন্যেই অভ্যেসত্তুন্ ফিরোন্। মাত্তর্ তারা সিয়েন ন-শুনোন্ আর মঅ কধাগান মনযোগঅ ন-দুয়োন।

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।