যিরমিয় 6:16 - Chakma Bible

¹⁶ লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

যিরমিয় 6:16 Iomraidhean Croise

১ রাজাবলী 8:36

মাত্তর্‌ তুই স্বর্গত্তুন্‌ সিয়েন্‌ শুনিজ্‌ আর তঅ চাগরুনোরে, অত্তাৎ তঅ মানুচ্‌ ইস্রায়েলীয়গুনোর পাপ্পানি খেমা গুরি দিচ্‌। জীংকানিগানত্‌ দোলেডালে চুলিবাত্তে তারারে শিক্ষ্যে দিচ্‌ আর সোম্বোত্তি ইজেবে যে দেজ্‌ছান তুই তারারে দুয়োচ্‌ সে দেজ্‌ছানর উগুরে ঝড় দি দিচ্‌।

২ বংশধর 19:11

“লগেপ্রভুর বেক্কানি পৌইদ্যেনে আজল্‌ ধর্মগুরু অমরিয় আর রাজার বেক্কানি পৌইদ্যেনে যিহূদা-গুট্টির নেতা ইশ্মায়েলর পুয়ো সবদিয় তমা উগুরে নেযা অলঅ, আর লেবীয়গুনে তমারে বল্‌ দিবাক্‌। তুমি সাহস গুরিনে কাম্‌ গরঅ। যিগুনে গমেডালে কাম্‌ গুরিবা লগেপ্রভু তারারে লগে থেবঅ।”

গীতসংহিতা 116:7

ও মর্ পরাণান, আরঅ এক্কানা অলর্ অ, কিত্তে লগেপ্রভু তরে বোউত্ ভালেদি গোজ্যে।

যিশাইয় 2:5

ও যাকোবর বংশধরুন্, এজঅ; আঢঅ, আমি লগেপ্রভুর পহ্‌রে আঢাউদো গুরিই।

যিশাইয় 28:12

তে তারারে কোইয়্যেদে, “ইয়েনই সেই জিরেবার্ জাগা, বল্‌‌পোজ্যে মানুচ্চুনে ইয়োত্ জিরেদোক্। চঅ, ইয়েন সেই আরামর্ জাগা।” মাত্তর্ তারা সিয়েন ন-শুনিলাক্।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিশাইয় 46:9

তুমি ভালোক্ দিন আগ পৌইদ্যেনে ইদোত্ তুলো। মুয়ই গোজেন, অন্য আর কনজন নয়; মুয়ই গোজেন, মঅ ধোক্ক্যেন আর কনজন নেই।

যিশাইয় 57:2

যিগুনে গম্ পধেদি চলদন্ তারা সুগ্-শান্দি পেবাক্; তারা মুরিনে মুরি জিরেন্ পেবাক্।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

যিরমিয় 18:12

মাত্তর্ তারা জোব্ দিবাক, ‘কনঅ লাভ নেই। আমা পরিকল্পনা মজিম আমি চলিবোং; আমি বেক্কুনে নিজোর নিজোর ভান্ন্যেই মনর্ একঘেয়েমিলোই চলিবোং।’ ”

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

যিরমিয় 2:25

তুই উজিয়ার অ, ন-অলে তর্ টেঙর্ জদানি বর্‌বাত্ ওই যেবঅ আর তর্ রবুয়োও শুগেই যেবঅ। মাত্তর্ তুই কত্তে, কনঅ লাভ নেই। মুই দেব-দেবদাগুনোরে গম্ পাং, তারা পিজেদি মুই যেম্। ‍‍

যিরমিয় 22:21

তুই যেক্কে গম্ অবস্থায় এলে সেক্কে মুই তরে উজিয়ার গোজ্যং, মাত্তর্ তুই কোইয়োচ্চে, ‘মুই ন-শুনিম।’ পৌইল্যাত্তুন্ ধুরি তঅ বেবহারান এবাবোত্যে; তুই মর্ বাধ্য ন-অচ্।

যিরমিয় 31:21

“তুমি পধে পধে পথ্‌‍‍‍তান চিনিবার চিহ্নো দুয়ো আর খুদো গারঅ। যে পধেদি তুই যেইয়োচ্ সেই রাজপধর্ কধা ইদোত্ রাগা। ও গাবুরী ইস্রায়েল, ফিরি আয়, তর্ বেক শঅরানিত্ তুই ফিরি আয়।

যিরমিয় 42:3

তঅ গোজেন লগেপ্রভু ইধু তবনা গর্ যেনে তে আমারে কোইদে আমি কুদু যেবং আর কি গুরিবোং।”

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিরমিয় 50:5

তারা সিয়োনত্ যেবার পথ্‌তানর্ কধা পুযোর্ গুরিবাক্ আর সিন্দি তারার মুয়োনি ফিরেবাক্। তারা এইনে এমন এক্কো জিংকানিবরর্ সুদোম লগেপ্রভু সমারে নিজোরে জোরেবাক্ যিয়েন মান্‌জ্যে ভুলি ন-যেবাক্।

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিরমিয় 7:3

ইস্রায়েলর গোজেন বেগত্তুন খেমতাবলা লগেপ্রভু কোইয়্যেদে, তুমি যুনি তমা আচার-বেবহার আর কামানি বদল সালে মুই তমার এ জাগানত্ বজত্তি গুরিবাত্তে দিম্।

মালাখি 4:4

তুমি মঅ চাগর্ মোশির রীদি-সুদোমর্ কধা, অত্তাৎ মুই তারে হোরেবত্ বেক ইস্রায়েলত্তে যেদক্কানি সুদোম আর উগুম দুয়োং সিয়েনি ইদোত্ তুলো।

লূকে লেখ্যে গম্ হবর্ 16:29

মাত্তর্ অব্রাহামে কলঅ, মোশি আর ভাববাদীগুনোর্ লেখ্যে বোই দঅ তারা ইধু আঘে। সিগুনে তারা কধাত্ মনযোগ্ দেদোক্।

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যোহন 13:17

ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

প্রেরিত্‌ 17:11

থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।

রোমীয় 4:12

ইয়েন বাদে, চুনু মাঢাবো চামান কাবিবার্ আগেদি অব্রাহামে যেবাবোত্যেগুরি বিশ্বেজর্ পধেদি চুলিদো, যিদুক্কুন্ চুনু মাঢাবো চামান কাপ্যে মানুচ্ সেবাবোত্যেগুরি চলন্ অব্রাহামে তারার্‌অ বাপ।

দ্বি’লম্বর বিররণ 32:7

সেই পুরোণি দিনুনোর কধানি মনত্‌ গর্‌; তমার ভালোক্‌ দিন আগর্ পুরোণি মানুচ্চুনোর কধানি ভাবি চঅ। সেই বেক্‌ দিনুনোর কধানি তমার বাপ্পোনোত্তুন পুজোর গরঅ, তারা তমারে কবাক্; বুড়ো মানুচ্চুনোরে পুযোর্‌ গরঅ, তারা তমারে বুঝেইনে কবাক্।

কলসীয় 2:6

তুমি যেবাবোত্যেগুরি খ্রীষ্ট যীশুরে প্রভু ইজেবে মানি লোইয়ো ঠিগ সেবাবোত্যেগুরি তা সমারে মিজেইনে তমা জিংকানিগানি কাদঅ।

ইব্রীয় 11:2

বিশ্বেজত্যে আমা পূরোণি মানুচ্চুনে গোজেনর্ বাঈনী পেইয়োন।

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

বিচের গুরিয়্যেগুন 2:17

মাত্তর্‌ তো ইস্রায়েলীয়গুনে এ শাজন্ গুরিয়্যেগুনোর কধালোই কান ন-পাদিদাক্‌। লগেপ্রভু উগুরে বিশ্বেজ্ আরেইনে তারা দেব-দেবেদাগুনো ইদু নিজোরে মিজেই দিদাক্‌ আর তারারে পূজো গুরিদাক্‌। তারার্‌ পূরোণি মানুচ্চুনে লগেপ্রভুর উগুম পালন গুরিনে যে বাধ্যতার পদেন্দি চলিদাক্‌ তারা সেই পথ্‌তানন্দি ন-আদিনে কয়েকদিনো ভিদিরেই সে পথ্‌তানত্তুন্‌ সুরি যেদাক্‌।