যিরমিয় 6:10 - Chakma Bible

¹⁰ মুই কা লগে কধা কোম্ আর কারে উজিয়ার গুরিম যেনে তারা মঅ কধাগান শুনোন্? তারার কানানি ঢিবে দুয়োন সেনত্তে তারা ন-শুনোন্। লগেপ্রভুর কধানি তারার ঈচ্ গুরিবার বেপার ওইয়্যে; তারা সিয়েনত্ কনঅ গম্ ন-পান।

যিরমিয় 6:10 Iomraidhean Croise

গীতসংহিতা 1:2

বানা লগেপ্রভুর রীদি-সুদোমেই তার্ হুজি, আর সিয়েন তার্ দিনো-রেদোর্ ধ্যান।

গীতসংহিতা 119:16

তর্ সুদোম ভিদিরে থানা মুই হুজি অং; তর্ কধানি মুই ভুলি ন-যেম।

গীতসংহিতা 119:174

ও লগেপ্রভু, তুই মরে উদ্ধোর্ গুরিবে সেনত্তে মুই আওজ্ গুরি বাজ্জেই আগং; তর্ বেক উগুমানি মর্ হুজির কধা।

গীতসংহিতা 119:24

তঅ কধানি মর্ হুজি অইদ্যে কধা; সিয়েনি মরে সল্লা দে।

গীতসংহিতা 119:35

তর্ উগুমোর পধেন্দি মরে চালা, কিত্তে সিয়েনিলোই মুই হুজি অং।

গীতসংহিতা 119:70

তারার মনানি পেদডাম ধোক্ক্যেন দাঙর্, মাত্তর্ মুই তর্ বেক উগুমানিলোই হুজি অং।

গীতসংহিতা 119:77

মঅ উগুরে তর্ দোয়্যে-মেয়্যেগান্ লামি এজোক্ যেনে মুই বাঁজি থাং, কিত্তে তর্ উগুমানিয়ে মরে হুজি গরায়।

গীতসংহিতা 40:8

ও মর্ গোজেন, তর্ আওজ মজিম জিংকানি কাদানা মর্ হুজি; তর্ বেক্ উগুমানি মর্ মনত্ আঘে।”

যাত্রা 6:12

জোবত্‌ মোশি লগেপ্রভুরে কলঅ, “মাত্তর্ ইস্রায়েলীয়গুনে যুনি মঅ কধা ন-শুনোন্‌ সালে ফরৌণে মঅ কধালোই কান্‌ দিবো কিত্যে, মঅ কধানি যেক্কেনে হনত্‌ বাজে?”

যিশাইয় 42:20

তুই ভালোক্কানি দেগিনেয়ো মনান্ ন-দুয়োর; তঅ কানান্ খুলো থেলেয়ো কিচ্চু ন-শুনোর্।”

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিরমিয় 7:13

তুমি এ পাপ্‌পানি গোজ্য, অত্তাৎ মুই তমারে বার বার কলেয়ো তুমি ন-শুনো আর তমারে ডাগিলেয়ো জোব্ ন-দুয়ো।‌

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

যিহিষ্কেল 3:7

মাত্তর্ ইস্রায়েলীয়গুনে তঅ কধানি শুনিবাত্তে ন-চেবাক্, কিত্যে তারা মঅ কধানি শুনিবাত্তে ন-চান; ইয়েনর কারনান্ অলঅ, গোদা ইস্রায়েল জাদ্‌‌‌‌তো আগাত্যা-মনর্ আর একবুচ্চ্যে।

যিহিষ্কেল 33:3

তে দেজ্‌‌‌‌‌‌‌চান বিরুদ্ধে সৈন্যদল এত্তে দেগিনে মানুচ্চচুনোরে উজিয়ার গুরিবাত্তে তূরী বাজেল।

যিহিষ্কেল 33:9

মাত্তর্ তুই যুনি সেই পাজি মানুচ্চোরে তার্ ভান্ন্যেই পধত্তুন্ ফিরেবাত্তে উজিয়ার গরচ্ আর যুনি তে ন-ফিরে সালে তে তার্ পাপত্তে মুরিবো, মাত্তর্ তুই নিজো পরাণান্ রোক্ষ্যে গুরিবে।

আমোষ 7:10

পরেদি বৈথেল ধর্মগুরু অমৎসিয় ইস্রায়েল রাজা যারবিয়াম ইধু এ হবরান পাদেল, “আমোষে ইস্রায়েল ভিদিরে তঅ বিরুদ্ধে এক্কান কুজুরোমী গোজ্যে। দেজ মানুচ্চুনে তার কনঅ কধা সোজ্য গুরি ন-পারদন্।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

লূকে লেখ্যে গম্ হবর্ 11:45

সেক্কে ধর্ম-মাষ্টরুনোত্তুন্ একজনে যীশুরে কলঅ, “মাষ্টরবাবু, এ কধাগান্ কোইনে তুই আমারেয়ো অগমান্ গোজ্যস্।”

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

যোহন 7:7

জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

যোহন 9:40

কয়েক্কো ফরীশীয়ো যীশু সমারে এলাক্। তারা এ কধাগান্ শুনিনে যীশুরে কলাক্, “সালে তুই কি কবাত্তে চাজ্ যে, আমি কানা?”

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

রোমীয় 7:22

মঅ মনানে গোজেনর্ রীতি-সুদোমে হুজি অয়;

দ্বি’লম্বর বিররণ 29:4

মাত্তর্‌ তুমি লগেপ্রভুত্তুন্‌ এচ্চ্যে সং সিয়েনি বুঝিবার মনান্‌, দেগিবার চোক্কুন আর শুনিবার কানানি ন-পঅ।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

২ তীমথিয় 4:3

এন্‌ অক্ত এবঅ যেক্কে সত্য শিক্ষ্যেনি মান্‌জ্যর সোজ্জ্য ন-অবঅ, বরং নিজো আওজ্‌চান পূরোণ গুরিবাত্যে তারা ভালোক্কুন্ মাষ্টর্ তুবেবাক্ যিগুনে তারারে হুজি গরেদে ধোক্ক্যেন শিক্ষ্যে দিবাক্।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।