যিরমিয় 52:33 - Chakma Bible

³³ যিহোয়াখীনে জেলখানার কাবড়্-চুগোরানি খুলি ফেলেল আর জিংকানির্ বাদবাগি দিনুন্ দোলেডালে রাজা সমারে হানা-দানা গুরিনে কাদেই দিলো।

যিরমিয় 52:33 Iomraidhean Croise

পত্থম 41:14

সেক্কে ফরৌণ যোষেফরে ডাগি আনিবাত্তে মানুজ্‌ পাদেল, আর তারা যাদিগুরি জেলখানাত্তুন্‌ তারে নিগিলেই আনিলাক্। যোষেফে দাড়ি কাবিনে কাবড়-চুগোর্‌ বুদুলিনে ফরৌণ মুজুঙোত্ যেইনে আঝিল্ অলঅ।

পত্থম 41:42

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।

২ শমূয়েল 9:13

রাজার টেবিলোত্‌ হানা-দানা গুরিদো বিলিনে মফীবোশতে যিরূশালেমত্‌ থেদঅ। তার দ্বিয়েন টেঙই অাদুর্।

২ শমূয়েল 9:7

দায়ূদে তারে কলঅ, “তুই ন-দোরেচ্‌। মুই তরে কোচ্‌পানা দেগেইনে তঅ বাপ্‌পো যোনাথন উগুরে হামাক্কায় বিশ্বেজ্ গুরিম। তর্‌ আজুবো শৌলর বেক্‌ জাগা-জোমিগানি মুই তরে ফিরেই দিম, আর তুই আমিঝে মঅ টেবিলোত্‌ বোইনে হানা-দানা গুরিবে।”

১ রাজাবলী 2:7

মাত্তর্‌ গিলিয়দর বর্সিল্লয়র পূঅগুনো উগুরে বিশ্বেজ্ গোজ্য। তর্‌ টেবিলোত্‌ যিগুনে তর্‌ লগে হানা-দানা গরন্‌ তারা ভিদিরে তুই তারারেয়ো জাগা দিস্‌। তর্‌ ভেই অবশালোমর্ ইত্তুন্‌ ধেই যেবার অক্তত্‌ তারা মর্‌ কায় এইনে থিয়্যেইয়োন।

২ রাজাবলী 25:29

যিহোয়াখীনে জেলখানা কাবড়-চুগোড়ানি খুলি ফেলেল আর জীংকানির বাদবাগি দিনুন্‌ সুদোম মজিম রাজার লগে হানা-দানা গুরি কাদেই দিলো।

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

সখরিয় 3:4

সেই দূত্‌তো নিজো মুজুঙোত্ থিয়্যেই থেইয়্যে অন্য দূত্‌তুনোরে কলঅ, “তার কজরা কাবড়-চুগোরানি খুলি ফেলঅ।” সে পরেদি তে যিহোশূয়রে কলঅ, “চাহ্, মুই তঅ পাপ্পানি দূর্ গুরি দুয়োং‌‌ আর মুই তরে দোল্ কাবড়-চুগোর্ উরেম।”