যিরমিয় 52:12 - Chakma Bible

¹² বাবিল রাজা নবূখদ্‌নিৎসরর রাজাগিরির্ ঊনেশ্ বজরর্ পাচ্ মাজর্ দশ দিনোত্ রাজা রোক্ষিদলর্ সেনাপতি ইজেবে যিবে রাজারে সেবা গুরিদো সেই নবূষরদনে যিরূশালেমত্ এলঅ।

যিরমিয় 52:12 Iomraidhean Croise

পত্থম 37:36

ইন্দি মিদিয়নীয়গুনে যোষেফরে মিসরত্‌ নেযেইনে পোটীফর ইধু বিজি দিলাক্। পোটীফরে এলঅ ফরৌণর এক্কো চাগর, তা সৈন্যগুনোর্‌ বেগঅ নেতাবো।

২ রাজাবলী 24:12

যিহূদার রাজা যিহোয়াখীন, তা মাবো, তা বল্‌দিয়্যেগুনে, তা সেনাপতিগুনে আর তা কাম্‌গুরিয়্যেগুনে বেক্কুনে নবূখদ্‌নিৎসরর আঢত্‌ নিজোরে তুলি দিলাক্‌। নবূখদ্‌নিৎসরর রাজাগিরির আস্‌তো বজরত্‌ তে যিহোয়াখীনরে বন্দী গুরি নেযেল।

২ রাজাবলী 25:8

বাবিলোর রাজা নবূখদ্‌নিৎসরর রাজাগিরির্‌ ঊনেশ্‌ বজর পাচ্‌ মাস সাত দিনোত্‌ রাজার রোক্ষ্যেদলর্‌ সেনাপতি নবূষরদনে যিরূশালেমত্‌ গেলঅ।

ইষ্রা 5:12

মাত্তর্ আমা পূরোণি মানুচ্চুনে স্বর্গর গোজেনরে অহুজি গোজ্যন্ বিলিনে তে বাবিলোর্ রাজা কল্‌দীয় নবূখদ্‌নিৎসরর্ এই উবোসনা-ঘরান ভস্ত গোজ্যে আর মানুচ্চুনোরে বন্দী গুরিনে বাবিলোত্ নেযেয়্যে।

নহিমিয় 2:3

তো রাজারে কলুং, “মহারাজ জিংকানিবর্‌ বাঁজি থেজ্‌। মর্‌ পূরোণিমানুচ্চুনে যে শঅরত্‌ গোর্‌ পেইয়োন্‌ সে শঅরান্‌ যেক্কে ভস্ত ওই যেইয়্যে আর সিয়েনর গেট্‌টুন আগুন্দোই পুড়িনে বর্‌বাত্‌ লাগা ওইয়্যে সেক্কে মর্‌ মুয়োন্‌ কিত্তেই সুদোমু ন-লাগিবো?”

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

যিরমিয় 1:3

যোশিয়র পুয়ো যিহূদার রাজা যিহোয়াকীমোর রাজাগিরিত্তুন ধুরি যিহূদার রাজা যোশিয়র পুয়ো সিদিকিয়র রাজাগিরির এগার বজরর পাচ্ মাস সং লগেপ্রভুর কধানি আরঅ ফগদাং ওইয়্যে। সে মাসত্ যিরূশালেমর মানুচ্চুনোরে বন্দি গুরি নেযা ওইয়্যে।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 39:11

বাবিলর রাজা নবূখদ্‌নিৎসরে যিরমিয় পৌইদ্যেনে রাজার চুগিদারুনোর সেনাপতি নবূষরদনরে এ উগুমান দিলো,

যিরমিয় 39:9

সে অক্তত্ যিগুনে শঅরত্ থেলাক্, যিগুনে বাবিলর্ তপ্পে যেইয়োন আর দেজর্ বাদ্‌বাগি মানুচ্চুনোরে বাবিল রাজার চুগিদারুনোর সেনাপতি নবূষরদনে বন্দী গুরিনে বাবিলত্ নেযেল।

যিরমিয় 52:14

রাজার রোক্ষিদলর্ সেনাপতিবোর্ তলেদি বাবিলীয় বেক্ সৈন্যদলুনে যিরূশালেমর দেবালান ভাঙি ফেলেলাক্।

যিরমিয় 52:29

নবূখদ্‌নিৎসরর রাজাগিরির্ আদার বজরত্ যিরূশালেমত্তুন আস্‌‌তোশ বত্রিশজন যিহূদী;

দানিয়েল 1:1

যিহূদার রাজা যিহোয়াকীমর রাজাগিরির্ তিন বজরত্ বাবিল রাজা নবূখদ্‌নিৎসরে যিরূশালেমত্ এইনে শঅরান্ ঘিরি ফেলেল।

দানিয়েল 2:14

রাজার বডিগাত্তুনোর্ সেনাপতি অরিয়োকে যেক্কে সেই সল্লাদিয়্যেগুনোরে মারে ফেলেবাত্তে নিগিলিলো সেক্কে দানিয়েলে বুদ্ধি গুরি উজিয়ারে তা লগে কধা কলঅ।

সখরিয় 8:19

চের্, পাচ্, সাত্ আর দশ মাজর্ উবোস্ থানা যিহূদাত্তে ফুত্তি গরানার্, হুজির্ আর ভালেদির পরব্ ওই উদিবো। সেনত্তে তুমি সত্য আর শান্তিগানরে কোচ্‌পেবা‌‌।