যিরমিয় 52:11 - Chakma Bible

¹¹ সে পরেদি তে সিদিকিয়র্ চোগ্ দ্বিবে তুলি ফেলেল, তারে পিদোল শিগোল্লোই বানিনে বাবিলোত্ নেযেল আর তে ন-মরানা সং তারে জেলখানাত্ রাগেল।

যিরমিয় 52:11 Iomraidhean Croise

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 39:7

সে পরেদি তে সিদিকিয়র চোগ্‌কুন্ তুলি ফেলেইনে তারে বাবিলোত্ নেযেবাত্তে পিদল শিগোল্লোই বানিলাক্।

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 17:16

মুই প্রভু লগেপ্রভু মর্ জিংকানির দিব্য দিইনে কঙর্, তারে যে রাজাবো সিংহাসনত্ বোজেল, যিবের্ শমক্তানরে তে ঈচ্ গুরিলো, আর যিবের্ চুক্তি তে ভাঙি ফেলেল তে সেই রাজার দেজত্ বাবিলোত্ মুরি যেবঅ।

যিহিষ্কেল 23:24

তারা আত্যের্, রথ, গাড়ি আর মান্‌‌‌জ্যর এক্কো দাঙর্ দল্লোই তঅ বিরুদ্ধে এবাক্। তারা চিগোন আর দাঙর্ ঢাল্লোই মাঢা রোক্ষ্যে গুরিবার তোক্ক্যে পিনিনে তরে ঘিরিবাক্। সাজা পেবাত্তে মুই তরে তারা আঢত্ তুলি দিম আর তারা তারার্ বিচেরর্ সুদোম্ মজিম তরে সাজা দিবাক্।