যিরমিয় 51:9 - Chakma Bible

⁹ মান্‌‌‌‌জ্যে কন্, “আমি বাবিলরে গম্ গুরিবাত্তে চেরেস্‌‌‌‌টা গুরির্, মাত্তর্ তে গম্ ন-অয়। আঢঅ, আমি তারে ছাড়িনে যে যার্ দেজত্ যেই, কিত্তে তার্ সাজাগান আগাজত্ সং লুম্বেগোই, সিয়েন মেঘ সং অজলত্ উঠ্যেগোই।”

যিরমিয় 51:9 Iomraidhean Croise

২ বংশধর 28:9

ওদেদ নাঙে লগেপ্রভুর এক্কো ভাববাদী শমরিয়াত্‌ এলঅ। সৈন্যদলুনে যেক্কে শমরিয়াত্‌ ফিরি এত্তন্‌ সেক্কে তে তারা লগে দেগা গুরিনে কলঅ, “তমা পূরোণি মানুচ্চুনোর গোজেন লগেপ্রভু যিহূদা উগুরে অমকদ বেজার্‌ ওইয়্যে বিলিনে তে তারারে তমা আঢত্ তুলি দিয়্যে। মাত্তর্‌ রাগর্‌ সুরে তুমি তারারে যেধোক্ক্যেন গুরিনে মারে ফেল্য সে কধাগান স্বর্গয়ান সং লুম্মেগি।

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

যিশাইয় 13:14

শিগের্ গুরিবাত্তে লড়া হেইয়্যে উরিঙো ধোক্ক্যেন্, গরক্ বাদে ভেড়া ধোক্ক্যেন্ পত্তিজনে তার নিজো মানুচ্চুনো ইদু ফিরি যেবাক্, পত্তিজনে তার্ নিজো দেজত্ ধেই যেবাক্।

যিশাইয় 47:15

যিগুনো লগে তুই কাম্ গোজ্যস্ আর চিগোনত্তুন্ ধুরি বেবসা গোজ্যস্ তারা সেবাবোত্যে অবাক্। তারা পত্তি জনে নিজো নিজো পধেদি চলদন্; একজন্অ নেই যে তরে রোক্ষ্যে গুরি পারে।”

যিরমিয় 46:16

তারা বার্ বার্ উজোত্ হেবাক্; তারা একজনে আর একজন উগুরে পড়িবাক্। তারা কবাক্, ‘উদো, আঢঅ আমি অত্যেচারিগুনো তলোয়ারত্তুন্ দূরোত্ যেইনে আমা নিজো মানুচ্চুনো ইধু আর নিজো দেজত্ ফিরি যেই।’

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 50:16

বাবিলত্ যিগুনে বীজ ফেলান্ আর অক্ত মজিম্ ফসল কাবন্ তারারে বেক্কুনোরে শেজ্ গুরি দুয়ো। অত্যেচারির্ তলোয়ারর্ দরে পত্তিজনে তা নিজো মানুচ্চুনো ইধু ফিরি যেবাক্, পত্তিজনে তা নিজো দেজত্ ধেই যেবাক্।

যিরমিয় 8:20

মঅ মানুচ্চুনে কদন্, “খেত-খেত্তি কাবিবার সময় গেলঅ, গরম কাল্‌অ থুম্ ওই গেলঅ, মাত্তর্ আমি দঅ উদ্ধোর্ ন-পেলং।”

হোশেয় 7:13

অভিশাব্ পোড়োক্ তারার্, কিত্যে তারা মত্তুন্ ভান্ন্যেই পধেদি যেইয়োন। তারার্ সর্বনাশ ওক্, কিয়া তারা মঅ বিরুদ্ধে উল্লোমী গোজ্যন। মুই তারারে উদ্ধোর্ গুরিবাত্তে চাং মাত্তর্ তারা মঅ বিরুদ্ধে মিজে কধা কন্।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।

ফগদাং পেইয়্যে 18:5

তার পাপ্‌পানি আগাজ সং অজল ওইয়্যে আর তার্ ভান্ন্যেই কামর কধানি গোজেনে মনে গোজ্জ্যে।