যিরমিয় 51:8 - Chakma Bible

⁸ বাবিল অদাদৎ পড়ি যেইনে ভাঙি যেইয়্যে। তাত্তে আবিলেচ্ গরঅ। তার্ পীড়েগানত্তে মলম আনঅ; অয়ত তে গম্ অবঅ।

যিরমিয় 51:8 Iomraidhean Croise

যিশাইয় 21:9

চঅ, জড়ায় জড়ায় ঘোড়া চালেয়্যে এজদন্।” সে পরেদি তে কবদে, “বাবিলোর পতন ওইয়্যে, পতন ওইয়্যে। তার বেক্ দেবেদাগুনোর মূত্তিগুন্ চুরমার ওইনে মাদিত্ পড়ি আগন্।”

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

যিশাইয় 47:9

মাত্তর্ পুয়ো-ছা আরানা বা রাণিমিলে অনা এ দিয়্যেনই একই দিনে যে কনঅ সময় তর্ ঘুদিবো। তর্ বোউত্ যাদুবিদ্যে আর বোউত মন্ত্রতন্ত্র থেলেয়ো সিয়েনি তঅ উগুরে যদবদেগুরি ঘুদিবো।

যিরমিয় 46:11

“ও গাবুজ্যে মিলে মিসর, তুই গিলিয়দত্ উদিনে পীড়ে মলম আন। মাত্তর্ মিজে মিজে তুই দারু বাড়েই দুয়োর্; তর্ গম অবার্ কনঅ আজা নেই।

যিরমিয় 48:20

মোয়াবে অগমান ওইয়্যে, কিত্তে তে চুরমার ওইয়্যে। তুমি আবিলেচ্ গরঅ আর কানঅ। অর্ণোন গাঙ পারত্ এ কধাগান ফগদাং গরঅ, মোয়াব ভস্ত ওই যেইয়্যে।

যিরমিয় 48:31

সেনত্তে মুই মোয়াবত্তে আবিলেচ্ গুরিম, বেক্ মোয়াবত্তে কানিম্, কীর-হেরেসের মানুচ্চুনোত্তে বুগ্ চাবেরেম।

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিরমিয় 51:41

শেশকরে, অত্তাৎ বাবিলরে কিবাবোত্যেগুরি গজক্ গরা অবঅ! গোদা পিত্‌‌থিমীগানর্ বাঈনী গুরিবার মানুচ্চোরে কিবাবোত্যেগুরি অধিকার গরা অবঅ! বাবিলরে দেগিনে জাদ্‌‌তুনে আমক্ অবাক্।

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

যিহিষ্কেল 30:2

ও মান্‌‌‌‌‌‌‌‌জ্যর পুয়োবো, তুই এ আগাম্ কধাগান কঅ, প্রভু লগেপ্রভু কোইয়্যেদে, সেই দিন্নোত্তে দুঃখ ফগদাং গরঅ।

দানিয়েল 5:24

সেনত্তে তে সেই আঢ্‌‌তান পাধেইনে এ কধাগান লেগেয়্যে।

দানিয়েল 5:31

আর মাদীয় দারিয়াবসে বাষট্টি বজর্ বয়জত্ রেজ্যর্ ভারান্ গুজি ললঅ।

নহূম 3:19

কন কিজুয়ে তর্ ঘা-গানরে গম্ গুরি ন-পারের্; তঅ আঘাত্‌তান সাংগাদিক্। যিগুনে তঅ হবরান্ শুন্ন্যন্ তারা পত্তিজনে তর্ পতনত্ আঢ্‌‌তালি দেদন্, কিত্যে তর্ অমকদ চিৎনপুজ্যে কামানি কন্না ন-ভুগের্?

ফগদাং পেইয়্যে 14:8

যেরেদি দ্বি-লম্বর আর এক্কো স্বর্গদূত তা পিজে পিজে এইনে কলঅ, “সেই নাঙ্-গোজ্জ্যে বাবিল শঅরান্ ভস্ত ওই যেইয়্যে। যে শঅরানে তার্ বেশ্যেগিরির্ মদ বেক্‌ জাদ্‌তুনোরে হাবেয়্যে সেই শঅরান্ ভস্ত ওই যেইয়্যে।”

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,