যিরমিয় 51:59 - Chakma Bible

⁵⁹ যিহূদার রাজা সিদিকিয়র রাজাগিরির চের্ বজরত্ মহসেয়র নাদিন, অত্তাৎ নেরিয়র পুয়ো সরায় যিবে রাজার এক্কো নিজো কামগুরিয়্যে এলঅ, তে যেক্কে রাজার লগে বাবিলোত্ যেইয়্যে সেক্কে যিরমিয় তারে কিজু উগুম দিয়্যে।

যিরমিয় 51:59 Iomraidhean Croise

ইষ্রা 5:12

মাত্তর্ আমা পূরোণি মানুচ্চুনে স্বর্গর গোজেনরে অহুজি গোজ্যন্ বিলিনে তে বাবিলোর্ রাজা কল্‌দীয় নবূখদ্‌নিৎসরর্ এই উবোসনা-ঘরান ভস্ত গোজ্যে আর মানুচ্চুনোরে বন্দী গুরিনে বাবিলোত্ নেযেয়্যে।

যিরমিয় 28:1

সেই একই বজরত্, যিহূদার রাজা সিদিকিয়র রাজাগিরির পৌইল্যাদি, অত্তাৎ চের্ বজরত্ পাচ্ মাজত্ গিবিয়োন শঅরর্ অসূরর পুয়ো ভাববাদী হনানিয় লগেপ্রভুর ঘরত্ ধর্মগুরুগুনোর আর বেক মানুচ্চুনো মুজুঙোত্ যিরমিয়রে এ কধাগান কলঅ,

যিরমিয় 32:12

সে পরেদি মুই মঅ কাক্কার্ পুয়ো হনমেলর মুজুঙোত্ আর যে সাক্ষীগুনে দলিলোত্ সই গোজ্যন্ তারার আর চুগিদারুনোর উদোনত্ বোস্যে বেক যিহূদীগুনো মুজুঙোত্ সেই দলিলান নেরিয়র পুয়ো বারূকরে দিলুং। এই নেরিয় মহসেয়র পুয়ো।

যিরমিয় 36:4

সেক্কে যিরমিয় নেরিয়র পুয়ো বারূকরে ডাগিলো আর লগেপ্রভু যিরমিয়রে যেদক্কানি কধা কোইয়্যে সিয়েনি তা মুয়োত্তুন্ শুনিনে বারূকে ভাজ্ গুরি রাগেয়্যে সেই বোইবোত্ লিগিলো।

যিরমিয় 45:1

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ যিরমিয় ইধু শুনিনে সিয়েনি নেরিয়র পুয়ো বারূকে গুচ্চ্যেই রাগেয়্যে বোইবোত্ লেখ্যে।

যিরমিয় 52:1

এগোজ্ বজর বয়জত্ সিদিকিয় রাজা অলঅ। তে যিরূশালেমত্ এগার বজর্ রাজাগিরি গোজ্যে। তা মাবো নাঙান্ অলদে হমূটল; তে এলদে লিব্‌না শঅরর্ যিরমিয়র ঝি।