যিরমিয় 51:56 - Chakma Bible

⁵⁶ বাবিল বিরুদ্ধে এবঅ ভস্তগুরিয়্যেবো; তা যোদ্ধাগুনে ধরা পড়িবাক্ আর তারার ধনুগানি ভাঙি যেবঅ; কিত্যে লগেপ্রভু হেনাসুজিয়ে গোজেন; বাবিলোরে তারা সাজা তারারে দিবো।

যিরমিয় 51:56 Iomraidhean Croise

পত্থম 49:24

মাত্তর্‌ তা ধনুগান্‌ সেবাবোত্যে থির্ গুরি রোয়্যে আর্‌ আত্তান্‌ আগেদে সেবাবোত্যে কাবিল্, কিত্তে যাকোবর্ সে বোলী গোজেন আত্তানি তা পিজেদি আঘে। তা পিজেদি আঘে সে রোক্ষ্যে গুরিয়েবো, ইস্রায়েলর্ সেই পাত্তর্‌‌বো।

গীতসংহিতা 137:8

ও বাবিল মিলেবো, তরে ভস্ত গরা অবঅ; তুই যেবাবোত্যে আমা উগুরে গোজ্যস্, যে মানুচ্চো তঅ উগুরে সিয়েনি গুরিবো তে বর্ পেইয়্যে!

গীতসংহিতা 37:15

মাত্তর্ তারার্ লাম্বা ছুড়িগানি তারার্ বুগুদ্ সোমেব আর তারার্ ধনুগানি ভাঙি যেবঅ।

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

গীতসংহিতা 76:3

তে সিদু বেক্ জোল্‌জোল্যে সেলুন ভাঙি ফেলেয়্যে, ভাঙি ফেলেয়্যে ঢালানি, তলোয়ার আর যুদ্ধোর আত্যেরানি।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 34:8

ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 59:18

মানুচ্চুনে যিয়েনি গোজ্যন সিয়েনি তে তারারে ফিরেই দিবো; তা বিপক্ষগুনো উগুরে রাগ্ ঢালি দিবো আর শত্রুগুনোর ভান্ন্যেই কামর্ সাজা দিবো। দূর দেজ মানুচ্চুনোর যিয়েনি পাওনা সিয়েনি তে তারারে দিবো।

যিরমিয় 49:35

“মুই বেগত্তুন্ খেমতাবলা লগেপ্রভু কঙর্, মুই এলমর ধনু, তারার খেমতার আজল্ খুদোবো ভাঙি ফেলেম।

যিরমিয় 50:10

বাবিলানরে লুদো অবঅ; যিগুনে তারে লুদেবাক্ তারা বেক্কুনে হুজি অবাক্। মুই লগেপ্রভু এ কধাগান কঙর্।

যিরমিয় 50:36

তার্ ভন্ড ভাববাদীগুনো বিরুদ্ধে রোইয়্যেদে তলোয়ার; তারা ভুল্ ওই যেবাক্। তা যোদ্ধাগুনোর বিরুদ্ধে রোইয়্যেদে তলোয়ার; তারা অমকদ দোরেবাক্।

যিরমিয় 51:24

লগেপ্রভু কোইয়্যেদে, “বাবিল আর বাবিলোত্ বজত্তি গুরিয়্যে বেক্কুনে সিয়োনত্ যেদক্কানি অন্যেয় কাম্ গোজ্যন্ তমা চোগো মুজুঙোত্ মুই সিয়েনির ফল দিম।”

যিরমিয় 51:30

বাবিল যোদ্ধাগুন যুদ্ধো গরানা থামেয়োন; তারা তারার তাম্বুলো ভিদিরে রোইয়োন। তারার খেমতা ফুরেই যেইয়্যে; তারা মিলে ধোক্ক্যেন বল্‌‌‌‌‌‌পোজ্যে ওই যেইয়োন। তারার থেবার জাগানিত্ আগুন বাজেই দিয়্যে ওইয়্যে; বাবিলর্ বেক্ গেট্‌‌‌‌‌‌তুনোর্ লাগাড়াগুন ভাঙি ফেলা ওইয়্যে।

যিরমিয় 51:48

আগাজ্‌‌‌‌‌‌‌‌চান, পিত্‌‌‌‌‌‌‌‌‌থিমীগান আর সিয়েন ভিদিরে বেক্কানিয়ে বাবিল বেপারান্দোই হুজিয়ে রঅ ছাড়িবো, কিত্তে উত্তোরেত্তুন্ ভস্তগুরিয়্যেবো এইনে তারে আক্রমণ গুরিবো। মুই লগেপ্রভু এ কধাগান কঙর্।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

আবিলেচ্ 3:64

ও লগেপ্রভু, তারার্ কাম মজিম্ তুই তারারে ফল দে।

যিহিষ্কেল 39:3

সে পরেদি মুই আঘাত গুরিনে তঅ বাঙ্ আঢত্তুন্ তঅ ধনুগান আর ডেন্ আঢত্তুন্ তর্ সেলুন্ ফেলেই দিম।

যিহিষ্কেল 39:9

সেক্কে যিগুনে ইস্রায়েল শঅরত্ বজত্তি গত্তন্ তারা বারেদি যেইনে দার্‌‌‌‌‌বো ইজেবে আত্যের্ পুড়িবাক্। তারা চিগোন আর দাঙর্ ঢাল, সেল্ আর ধনু আহ্ যুদ্ধোর লুদিক্ আর সেল্ সাত বজর্ সং ধার্‌‌বো বদলে পড়িবাক্।

আমোষ 2:15

ধনুবলাগুনে উজুগুরিনে থিয়্যেই ন-পারিবাক্, যাদিমাদি দাবা যেইয়্যে মানুচ্চুনে ধেই ন-পারিবাক্; এমন কি, ঘোড়া চালেয়্যেবোয়ো নিজো পরাণান রোক্ষ্যে গুরি ন-পারিবো।

ওবদিয় 1:15

“বেক্ জাদ্‌‌তুনোত্তে লগেপ্রভুর দিন্নো কায়কুরে লুম্মেগি। তুই যেবাবোত্যে গোজ্যস্ তঅ উগুরেয়ো সেবাবোত্যে গরা অবঅ; তঅ কামর্ ফল তঅ মাঢা উগুরে ফিরি এবঅ।‌‌

হবক্‌‌‌‌কূক 2:8

তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

২ থিষলনীকীয় 1:6

গোজেনর্ ন্যায়বিচেরান ইয়েন-যিগুনে তমারে দুঘ্ দুয়োন তে তারারে দুঘ্ দিবো;

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”

১ শমূয়েল 2:4

বোলী মান্‌জ্যর ধনু ভাঙি যেইয়্যে, মাত্তর্‌ যিগুনে পড়ি যেইয়োন তারা বোলী ওই উদিনে ঠিয়্যেইয়োন।