যিরমিয় 51:50 - Chakma Bible

⁵⁰ তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

যিরমিয় 51:50 Iomraidhean Croise

গীতসংহিতা 122:6

তুমি যিরূশালেমর সুগ-শান্দিত্ত্যে এ তবনাগান গরঅ, “যিগুনে যিরূশালেমানরে কোচ্‌পান তারার মংগল ওক্।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিরমিয় 31:21

“তুমি পধে পধে পথ্‌‍‍‍তান চিনিবার চিহ্নো দুয়ো আর খুদো গারঅ। যে পধেদি তুই যেইয়োচ্ সেই রাজপধর্ কধা ইদোত্ রাগা। ও গাবুরী ইস্রায়েল, ফিরি আয়, তর্ বেক শঅরানিত্ তুই ফিরি আয়।

যিরমিয় 44:28

যিগুনে যুদ্ধোর্ আঢত্তুন্ রেহাই পেইনে মিসরত্তুন্ যিহূদা দেজত্ ফিরি এবাক্ তারা জনেদি অবাক্ খুবই কম। সে পরেদি যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে এচ্চ্যন্ তারা হবর্ পেবাক্ কা কধা ঠিগ্ থেবঅ-মর্ না-তারার।

যিরমিয় 50:8

ও ইস্রায়েলীয়গুন, তুমি বাবিলত্তুন্ ধেই যঅ; বাবিলীয়গুন দেজ্‌‌‍চান ছাড়ি যঅ আর পাল আগে আগে যেইয়্যে পাদাগুনো ধোক্ক্যেন্ অ।

যিরমিয় 51:45

ও মর্ মানুচ্চুন্, বাবিল ভিদিরেত্তুন্ নিগিলি এজঅ। তুমি পত্তিজনে নিজো জিংকানিগানি রোক্ষ্যে গরঅ। লগেপ্রভুর জ্বোল্‌‌‌‌‌‌‌‌‌জল্যে রাগত্তুন্ দাবা যেইনে ধেই যঅ।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিহিষ্কেল 6:9

সেই বেক্ জাদ্‌তুনো ভিদিরেত্তুন্ তারা মঅ পৌইদ্যেনে এ কধাগান মনে গুরিবাক্ যে, তারার্ অবিশ্বেজি মনানি আর চোগ্‌কুন্দোই মরে কিবাবোত্যেগুরি দুঘ্ দুয়োন; সেই মনান্ মত্তুন্ সুরি যেইয়্যে আর সেই চোগ্‌কুনে তারার্ মূত্তিগুনোরে আওজ্ গুরি কামনা গত্তন্। তারার্ বেক ভান্ন্যেই আর জঘন্য কামানিত্তে তারা নিজেরে নিজে ঘিনেবাক্।

দানিয়েল 6:11

সেক্কে সেই মানুচ্চুনে দল বানিনে সিয়েনত্ যেইনে দানিয়েলরে গোজেন ইধু তবনা গত্তে আর কোজোলী জানাদে দেগিলাক্।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।