যিরমিয় 51:5 - Chakma Bible

⁵ ইস্রায়েল আর যিহূদারে তারার গোজেন বেগত্তুন্ খেমতাবলা লগেপ্রভু ছাড়ি ন-যায়, যুনিয়ো ইস্রায়েলর সেই সুদ্ধো-সাংগ মানুচ্চোর্ মুজুঙোত্ তারার্ দেজ্‌‌চান দুষে ভরা ওইয়্যে।

যিরমিয় 51:5 Iomraidhean Croise

১ রাজাবলী 6:13

মুই ইস্রায়েলীয়গুনোর ইদু বজত্তি গুরিম আর মঅ মানুচ্‌ ইস্রায়েলীয়গুনোরে মুই ন-ছাড়িম্‌।”

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

ইষ্রা 9:9

আমি চাগর্ অলেয়ো আমা চাগর্ খাদানার্ সময়োত্ আমা গোজেনে আমারে ছাড়ি ন যায়। পারস্যের রাজাগুনো মুজুঙোত্ তে আমা উগুরে বিশ্বেজি বেবহারান্ গোজ্যে। তে আমারে জাগেই তুল্যে যেনে আরঅ আমি আমার্ গোজেন ঘরান বানেই পারি আর সিয়েনর্ ভাঙা জাগায়ান ঠিগ্ গুরিই পারি। তে যিহূদা আর যিরূশালেমত্ আমারে গমেডালে থেবার বেবস্থা গোজ্যে।

গীতসংহিতা 94:14

লগেপ্রভু কনদিন্‌অ তা মানুচ্চুনোরে ন-ছাড়িবো; যিগুনে তার নিজোর সোম্বোত্তি তারারে তে ফেলেই ন-দিবো।

যিশাইয় 44:21

“ও যাকোব, ও ইস্রায়েল, তুই ইয়েনি বেক্কানি মনত্ রাগা, কিত্তে তুই মর্ চাগর। মুই তরে বানেয়োং, তুই মর্ চাগর; ও ইস্রায়েল, মুই তরে ভুলি ন-যেম্।

যিশাইয় 51:15

মুয়ই লগেপ্রভু, তমা গোজেন। মুই সাগরানরে লাড়িলে তার তুবোলানিয়ে গুজুরি উদে। মঅ নাঙান বেগত্তুন্ খেমতাবলা লগেপ্রভু।

যিশাইয় 62:12

তা মানুচ্চুনোরে কুয়ো অবঅ, “লগেপ্রভুর নাঙে যুদো গোজ্যে মানুচ্, অত্তাৎ লগেপ্রভুর উদ্ধোর্ গোজ্যে মানুচ্।” ও যিরূশালেম, তরে কুয়ো অবঅ, “তোগেই পেইয়্যে শঅর, অত্তাৎ ফিরেই আন্যে শঅর।”

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 14:9

কিত্তে তুই দিগ্‌‌‌‌‌‌‌কাবুলো ওইয়্যে মান্‌‌‌‍জ্য ধোক্ক্যেন, রোক্ষ্যে গুরি ন-পাজ্যে এমন যোদ্ধা ধোক্ক্যেন ওইয়োচ্? ও লগেপ্রভু, তুই আমা ভিদিরে আগচ্ আর আমি দঅ তরই; তুই আমারে ছাড়ি ন-যেচ্।

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 31:37

যুনি উগুরে আগাজ্‌চানরে মাবা যায় আর তলেদি পিত্‌থিমীর খুদোবো তোগেইনে পাহ্ যায় সালেন্ ইস্রায়েলীয়গুনে যিয়েনি গোজ্যন সিয়েনিত্তে মুই তারারে এলাফেলা গুরি পারং। মুই লগেপ্রভু এ কধাগান কঙর্‍।” ‍‍‍‍‍‍‍‍‍‍‍‍‍‍‍‍‍‍‍‍‍‍‍

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

যিরমিয় 51:19

যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

হোশেয় 2:1

তমা ভেইয়ুনোরে তুমি কবা অম্মি (যিয়েনর্ ভেদ্‌তান্ মঅ মানুচ্) আর বোনুনোরে কবা রুহামা (যিয়েনর্ ভেদ্‌‌তান্ দোয়্যের মানুচ্)।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হোশেয় 4:1

ও ইস্রায়েলীয়গুন, তুমি লগেপ্রভুর কধানি শুনো, কিত্যে যিগুনে দেজত্ বজত্তি গরন্ তারা বিরুদ্ধে লগেপ্রভুর এক্কান আবিত্তি আঘে। সিয়েন অলঅ, দেজত্ বিশ্বেজ্ আর গভীন্ কোচ্‌পানা নেই আর গোজেনরে কনজনে সত্য গুরি ন-জানন্;

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

সখরিয় 12:6

সেদিন্যে যিহূদার নেতাগুনোরে মুই দার্‌‌‌‌‌‌বো কুড়ো ভিদিরে জ্বোল্‌‌‌‌‌‌‌জোল্যে আঙারা ধোক্ক্যেন আর শোজ্য বনা ভিদিরে জ্বোল্‌‌‌‌‌‌‌জোল্যে বম্বা ধোক্ক্যেন গুরিম। তারা ডেনে-বাঙে কায়কুরে বেক্ জাগায়ানি গজক্ গুরিবাক্, মাত্তর্ যিরূশালেম মানুচ্চুনে আরঅ তারার নিজো জাগানত্ বজত্তি গুরিবাক্।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

সখরিয় 2:12

সুদ্ধো-সাংগ দেজত্ তার সোম্বোত্তি ইজেবে লগেপ্রভু যিহূদা দেজ্‌‌‌চান গজক্ গুরিবো আর যিরূশালেমানরে আরঅ বেঈ নেযেব।

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।