যিরমিয় 51:45 - Chakma Bible

⁴⁵ ও মর্ মানুচ্চুন্, বাবিল ভিদিরেত্তুন্ নিগিলি এজঅ। তুমি পত্তিজনে নিজো জিংকানিগানি রোক্ষ্যে গরঅ। লগেপ্রভুর জ্বোল্‌‌‌‌‌‌‌‌‌জল্যে রাগত্তুন্ দাবা যেইনে ধেই যঅ।

যিরমিয় 51:45 Iomraidhean Croise

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

যিরমিয় 50:8

ও ইস্রায়েলীয়গুন, তুমি বাবিলত্তুন্ ধেই যঅ; বাবিলীয়গুন দেজ্‌‌‍চান ছাড়ি যঅ আর পাল আগে আগে যেইয়্যে পাদাগুনো ধোক্ক্যেন্ অ।

যিরমিয় 51:50

তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিরমিয় 51:9

মান্‌‌‌‌জ্যে কন্, “আমি বাবিলরে গম্ গুরিবাত্তে চেরেস্‌‌‌‌টা গুরির্, মাত্তর্ তে গম্ ন-অয়। আঢঅ, আমি তারে ছাড়িনে যে যার্ দেজত্ যেই, কিত্তে তার্ সাজাগান আগাজত্ সং লুম্বেগোই, সিয়েন মেঘ সং অজলত্ উঠ্যেগোই।”

সখরিয় 2:7

ও সিয়োনর্ মানুচ্চুন, তুমি যিগুনে বাবিলোত্ বজত্তি গরর্, তুমি ধেই এজঅ।”

গণাণা 16:26

মোশি ইস্রায়েলীয়গুনোরে কলঅ, “তুমি এই পাজি মানুচ্চুনোর্‌ তাম্বুলো কায়কুরেত্তুন্ সুরি যঅ। তারার কনঅ জিনিস তুমি ন-ধোজ্য; যুনি সিয়েন্‌ গরঅ সালে তারার্‌ পাবত্তে তমারেয়ো শেজ্ গুরি ফেলা অবঅ।”

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

২ করিন্হীয় 6:17

গোজেনে আরঅ কোইয়্যেদে, “ইয়েনত্যে তুমি অবিশ্বেজিগুনো ভিদিরেত্তুন্ নিগিলি এজঅ আর ফারগ্ অ। কনঅ অসিজি জিনিস ন-ধোজ্জো, সালে মুই তমারে মানি লোম্।”

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।