যিরমিয় 51:38 - Chakma Bible

³⁸ তা মানুচ্চুনে বেক্কুনে সিংহ ধোক্ক্যেন গুজুরিবাক্, সিংহ ছঅগুনো ধোক্ক্যেন গোঁ গোঁ গুরিবাক্।

যিরমিয় 51:38 Iomraidhean Croise

২ শমূয়েল 17:8

তুই দঅ হবর্‌ পাজ্, তঅ বাপ্পো আর তা মানুচ্চুনে যোদ্ধা। তারা ছঅ কাড়ি নেযেয়্যে ঝার্‌বো ভালুগো ধোক্ক্যেন্‌ দর্‌গরেপারা। সিয়েন বাদেয়ো তঅ বাপ্পো এক্কো জদবদে যোদ্ধা; তে তার সৈন্যদলুনো ভিদিরে রেত্‌ ন-কাদেদ।

গীতসংহিতা 34:10

দামারা সিংহগুনোর্ হানার অভাব অয়, তারা পেত্‌ফরায় দুঘ্ পান্; মাত্তর্ যিগুনে লগেপ্রভুর আওজ্ মজিম চলন্ তারার্ ভালেদির্ অভাব ন-অয়।

গীতসংহিতা 58:6

ও গোজেন, তুই পাজিগুনোর দাত্‌তুন তারার মুয়ো ভিদিরে ভাঙি ফেলা; ও লগেপ্রভু, সেই দামারা সিংহগুনোর ধারেয়্যে দাত্‌তুন তুই ভাঙি ফেলা।

যিশাইয় 35:9

সিয়েনত্ কনঅ সিংহ ন-থেবাক্, কনঅ চিৎনপুজ্যে য়েমানে সেই পধেদি ন-যেবাক্। সিয়েনত্ তারারে দেগা ন-যেবঅ, মাত্তর্ বানা মুক্তি পেইয়্যে মানুচ্চুনে সেই পধেদি আঢিবাক্,

যিশাইয় 5:29

পাড়ি সিংহ ধোক্ক্যেন্ তারার্ গুজুরোনিগান্; তারা দামাড়া সিংহ ধোক্ক্যেন্ গুজুরিবাক্ আর শিগের্ গুরিবার অক্তত্ গো গো রঅ গুরিবাক্। সে শিগেরুন্ তারা বুয়োই নেযেবাক্; তারা আঢত্তুন্ কনজনে সিগুন রোক্ক্যে গুরি ন-পারিবাক্।

যিরমিয় 2:15

সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

সখরিয় 11:3

ভেড়া গরগ্‌কুনোর আবিলেচ্ শুনো; তারার্ গম্ গম্ চড়াইদ্যে বামানি বর্‌বাত্ ওই যেইয়্যে। সিংহগুনোর গুজুরোনি শুনো; যর্দনর ঝারানি ভস্ত ওই যেইয়্যে।

বিচের গুরিয়্যেগুন 16:20

সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।