যিরমিয় 51:36 - Chakma Bible

³⁶ সেনত্তে লগেপ্রভু কত্তে, ও যিরূশালেম, মুই তর্ তপ্পে ওম্ আর তর্ ওইনে হেনা সুজিম্; মুই তা সাগরান শুগেই ফেলেম আর বেক্ পয়নালাগুন শুগুনো বানেম।

যিরমিয় 51:36 Iomraidhean Croise

গীতসংহিতা 107:33

তে গাঙানিরে ধূল্যেচর-চাগালা ধোক্ক্যেন্ গরে, পয়নালারে গরে শুগুনো ভূই ধোক্ক্যেন্,

গীতসংহিতা 140:12

মুই হবর্ পাং লগেপ্রভু দুঘিমানুচ্চুনোর্ তপ্পে রায় দিবো আর নাঢা মানুচ্চুনোত্তে দোল্ বিচের গুরিবো।

গম্ উপদেজ্ 22:23

কিত্তে লগেপ্রভু মাম্‌লাত্ তারার তপ্পে নিবো, আর যিগুনে তারা জিনিসছানি কাড়ি নেযান্ তে তারা পরাণান্ কাড়ি নিবো।

গম্ উপদেজ্ 23:11

কিত্তে তারার্ উদ্ধোর্ গুরিয়্যেবো খেমতাবলা; তে তঅ বিরুদ্ধে মগদ্দমাত্ কুদুম্মো ইজেবে তারার তপ্পে নিবো।

যিশাইয় 19:5

য়্যেল্ গাঙর্ পানিগান শুগেই যেবঅ, আর গাঙান সংমোধ্যে চর্ পড়িনে সিয়েন ফাদি যেবঅ।

যিশাইয় 43:14

লগেপ্রভু, তমার্ উদ্ধোরগুরিয়্যে, ইস্রায়েলর্ সেই সুদ্ধো-সাংগ মানুচ্চো এ কধাগান কোইয়্যেদে, “মুই তমাত্তে বাবিলোত্ মানুচ্ পাদেম আর যে জাহাজ্‌চান নিইনে বাবিলীয়গুনে বাড়্‌‌বো গুরিদাক্ সিয়েনত্ গুরি ধেই যেইয়্যে মানুচ্চুনো ধোক্ক্যেন্ গুরি সে বাবিলীয়গুনোরে আনিম্। ‌

যিশাইয় 44:27

মুই গভিন্ পানিগানরে কঙর্, ‘তুই শুগেই যাহ্; মুই তর্ গঙারানরে শুগেই ফেলেম।’

যিরমিয় 50:38

হরানে তার বেক্ পানিগান শুগেই যেবঅ, কিত্তে সিয়েন অলঅ মূত্তিগুনোর দেজ্, আর সেই দর্‌গরেপারা মূত্তিগুন সিদুগো মানুচ্চুনোরে পাগল গুরিবাক্।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিহিষ্কেল 25:14

মুই মঅ মানুচ্ ইস্রায়েলর আঢ্‌‌‌‌‌‌তোই ইদোম উগুরে হেনা সুজিম্ আর তারা মর্ অমকদ বেজারে আহ্ রাগে ইদোম বিরুদ্ধে কাম গুরিবাক্। সেক্কে তারা হবর্ পেবাক্, মুই হেনা সুজ্‌‌‌‌‌‌চ্যং।”

হোশেয় 13:15

যুনিয়ো বা ইফ্রয়িমে তা ভেইয়ুনো ভিদিরে ফলায় তো লগেপ্রভুত্তুন্ এক্কান পূগো বোইয়্যের ধূল্যেচর-চাগালাত্তুন্ বেঈ এবঅ; তার্ পয়নালাবোত্ পানি ন-থেবঅ আর তার্ কুয়োবো শুগেই যেবঅ। তার্ ভান্ডালর্ বেক মংগা জিনিসচানি লুদো অবঅ।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

দ্বি’লম্বর বিররণ 32:43

ও বেক জাদর্‌ মানুচ্চুন, তুমি লগেপ্রভুর মানুচ্চুনো সমারে তার বাঈনী গরঅ, কিত্যে তে তার চাগরুনোর লো-গানর্ হেনা শুজিবো, তার শত্রুগুনোরে সাজা দিবো আর তার দেজ্‌চান আহ তা মানুচ্চুনোর পাপ ঢাগিবার বেবস্থা গুরিবো।

ফগদাং পেইয়্যে 16:12

সে পরেদি ছ লম্বর স্বর্গদূত্‌তো বড়্‌গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্‌তান যুক্কোল অবাত্যে সেই গাঙান পানিগান শুগেই গেলঅ।