যিরমিয় 51:27 - Chakma Bible

²⁷ “তুমি দেজ ভিদিরে বাবতা তুলো। জাদ্‌‌‌তুনো ভিদিরে শিঙে বাজঅ। তা বিরুদ্ধে যুদ্ধোত্তে জাদ্‌‌‌তুনোরে যুক্কোল্ গরঅ; তা বিরুদ্ধে অরারট, মিন্নি আর অস্কিনস রেজ্যগানিরে ডাগঅ। তা বিরুদ্ধে এক্কো সেনাপতিরে নেযঅ; পুগ্-যুগ ধোক্ক্যেন ভালোক্কুন ঘোড়া পাধেই দুয়ো।

যিরমিয় 51:27 Iomraidhean Croise

পত্থম 10:3

গোমর পুয়োগুন্‌ অলাক্‌ অস্কিনস, রীফৎ আর তোগর্ম।

পত্থম 8:4

সাত মাস সতর দিনোত্‌ জাহাজছান্‌ অরারট মুড়োবো উগুরে যেইনে আক্‌সো থেলঅ।

২ রাজাবলী 19:37

একদিন্যে যেক্কে সন্‌হেরীবে তা দেবেদাবো নিষ্রোকর মন্দিরোত্‌ পূজো গরের্‌ সেক্কে অদ্রম্মেলক আর শরেৎসর নাঙে তার্‌ দ্বিবে পুয়ো তারে লাম্বা ছুড়িলোই মারে ফেলেইনে অরারট দেজত্‌ ধেই গেলাক্‌। সন্‌হেরীবোর জাগানত্‌ তা পুয়োবো এসর-হদ্দোনে রাজা অলঅ।

১ বংশধর 1:6

গোমরর পুয়োগুনে অলাক্‌ অস্কিনস, দীফৎ আর তোগর্ম।

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিশাইয় 37:38

একদিন্যে সন্‌হেরীবে যেক্কে তা দেবেদা নিষ্রোকর মন্দিরোত্ পূজো গরের্ সেক্কে অদ্রম্লেলক আর শরেৎসর নাঙে তার্ দ্বিবে পুয়ো তারে তলোয়ার্‌‌‌লোই মারে ফেলেইনে অরারট দেজত্ ধেই গেলাক্। সন্‌হেরীবর জাগানত্ তার পুয়ো এরস-হদ্দোনে রাজা অলঅ।

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যিরমিয় 46:23

মিসর ঝাড়ানি গভিন্ অলেয়ো তারা সিয়েনি কাবি ফেলেবাক্। তারা পুগ্-যুগত্তুনঅ সোংখ্যেদি বেশ্; তারারে গুণো ন-যায়।

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

যিরমিয় 50:9

মুই উত্তোরেদি দেজত্তুন্ দাঙর্ দাঙর্ জাদ্‌‌‍‍তুনোরে এগত্তর্ গুরিম আর তারারে রাগ্ তুলি দিইনে বাবিল বিরুদ্ধে আনিম। তারা বাবিল বিরুদ্ধে সৈন্যগুনোরে সাজেবাক্ আর সিয়েন গজক্ গুরিবাক্। কাবিল্ যোদ্ধাগুনে ধোক্ক্যেন তারার সেলুন্ বিফল ন-অবাক্।

যিরমিয় 51:12

বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

যিরমিয় 51:14

বেগত্তুন্ খেমতাবলা লগেপ্রভু তার নিজো নাঙে শমক্ হেইনে কোইয়্যেদে, “মুই হামাক্কায় এক ঝাক্ পুগ্-যুগ্ পাল ধোক্ক্যেন মানুচ্ দিইনে তরে ভর্‌‌‌‌‌পুনং গুরিম, আর তারা তঅ উগুরে জিদেনার ডাগনি দিবাক্।”

যিরমিয় 51:28

তা বিরুদ্ধে যুদ্ধো গুরিবাত্তে জাদ্‌‌‌‌তুনোরে, মাদীয় রাজাগুনোরে, তারার্ শাজন্‌গুরিয়্যে গুনোরে আর বেক্ রাজার কামগুরিয়্যে গুনোরে আর তারার শাজনর্ অধীন বেক্ রেজ্যগানিরে যুক্কোল্ গরঅ।

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যোয়েল 3:9

তুমি জাদ ভিদিরে এ কধাগান ফগদাং গরঅ: “তুমি সুদ্ধো-সাংগ যুদ্ধোত্তে নিজোরে যুক্কোল্ গরঅ, বোলী মানুচ্চুনোরে ডাগি আন। বেক্ যোদ্ধাগুনে কায়কুরে যেইনে আক্রমন গোরোক্।

আমোষ 3:6

শঅরত্ শিংগার রঅ শুনিলে কি মানুচ্চুনে ন-গির্‌গিরান? লগেপ্রভু ন-ঘোদেলে কি শঅরত্ দযা ঘদে?

সখরিয় 14:2

যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।

বিচের গুরিয়্যেগুন 6:5

তারা তারার্‌ য়েমান পালুন্‌ আর তাম্বুলানি লোইনে পংগপালুনোর ঝাগঅ ধোক্কেন্‌ এদাক্‌; তারার্‌ মানুচ্চুন আর উট্‌তুন্‌ গুণি ন-পুড়েইয়্যে। তারা দেজ্‌চান শেজ্‌ গুরি দিবার আজালোই এদাক্‌।