যিরমিয় 51:24 - Chakma Bible

²⁴ লগেপ্রভু কোইয়্যেদে, “বাবিল আর বাবিলোত্ বজত্তি গুরিয়্যে বেক্কুনে সিয়োনত্ যেদক্কানি অন্যেয় কাম্ গোজ্যন্ তমা চোগো মুজুঙোত্ মুই সিয়েনির ফল দিম।”

যিরমিয় 51:24 Iomraidhean Croise

গীতসংহিতা 79:10

অন্য জাদ্‌তুনে কিত্তে কবাক্, “কুদু গেলঅ তারার গোজেনে?” তুই আমা মুজুঙোত্ তারারে জানেই দে, তঅ চাগরুনোর লো ঝড়ানার হেনাগান তুই নিবে।

যিশাইয় 48:14

তুমি বেক্কুনে এগত্তর্ ওইনে শুনো। মূত্তিগুনো ভিদিরে কুবো ইয়েনি পৌইদ্যেনে আগে কোইয়্যে? বাবিলো বিরুদ্ধে লগেপ্রভুর বেঈ লোইয়্যে মানুচ্চো তা নিজোর আওজ্‌‌চান পুরেব; লগেপ্রভুর আঢ্‌তানি বাবিলিয়গুনোর বিরুদ্ধে উদিবো।‌

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিশাইয় 66:6

শুন, শঅরত্ গন্ডগুল অর্; শুন, উবোসনা-ঘরত্ হৈ চৈ অর্; এইয়্যেদঅ লগেপ্রভুর্ রঅ-তা শত্রুগুনোর যিয়েনি পাওনা তে সিয়েনি দের্।

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যিরমিয় 50:10

বাবিলানরে লুদো অবঅ; যিগুনে তারে লুদেবাক্ তারা বেক্কুনে হুজি অবাক্। মুই লগেপ্রভু এ কধাগান কঙর্।

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 51:23

তরে দিইনে মুই গরক্ আর ভেড়া পালুনোরে চুরমার গোজ্যং, তরে দিইনে চাষী আর বলদতুনোরে চুরমার গোজ্যং, তরে দিইনে শাজন্‌গুরিয়্যেগুনোরে আর রাজার কামগুরিয়্যেগুনোরে চুরমার গোজ্যং।

যিরমিয় 51:35

সিয়োনর আদাম্মেগুনে কদন্, “আমা কিয়্যেনি উগুরে যে অত্যেচার গরা ওইয়্যে সিয়েনি বাবিল উগুরেয়ো গরা ওক্। যিগুনে বাবিলোত্ বজত্তি গরন্ আমা লোগানিত্তে তারা দায়ী থাদোক্।”

যিরমিয় 51:49

বাবিলানত্যে যেবাবোত্যেগুরি বেক্ পিত্‌‌‌‌‌‌‌‌‌‌থিমীগানর্ মানুচ্চুন মরিনে পড়ি এলাক্ সেবাবোত্যেগুরি ইস্রায়েলীয়গুনোরে মারে ফেলানার কারনে বাবিলীয়গুনোর্‌অ মরিনে পড়ি থাহ্ পুরিবো।

যিরমিয় 51:56

বাবিল বিরুদ্ধে এবঅ ভস্তগুরিয়্যেবো; তা যোদ্ধাগুনে ধরা পড়িবাক্ আর তারার ধনুগানি ভাঙি যেবঅ; কিত্যে লগেপ্রভু হেনাসুজিয়ে গোজেন; বাবিলোরে তারা সাজা তারারে দিবো।

আবিলেচ্ 3:64

ও লগেপ্রভু, তারার্ কাম মজিম্ তুই তারারে ফল দে।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 18:24

ভাববাদীগুনোর, গোজেন মানুচ্চুনোর আর যিদুক্কুন মান্‌‌জ্যরে এ পিত্‌থিমীত মারে ফেলা ওইয়্যে, সিগুনোর্ লো-নি এই বাবিলোত্ পাহ্ যেয়্যে।”

ফগদাং পেইয়্যে 6:10

তারা দাঙর্ দাঙর্ রঅ ছাড়িনে কলাক্, “ও পবিত্র আর সত্যময় প্রভু, যিগুনে এ পিত্‌থিমীর, তারারে বিচের্ গত্তে আর তারা উগুরে আমার লোর্ হেনা শুজোধে তুই আর কদক্ দেরি গুরিবে?”