যিরমিয় 51:21 - Chakma Bible

²¹ তরে দিইনে মুই ঘোড়া আর ঘোড়া মাউট্‌‌তোরে চুরমার গোজ্যং;

যিরমিয় 51:21 Iomraidhean Croise

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

গীতসংহিতা 76:6

ও যাকোবর গোজেন, ঘোড়া আর রথচালেয়্যেগুনে তর্ ধমক হেইনে গভিন ঘুমোত্ ঢুলি পোজ্যন্।

যাত্রা 15:1

ইয়েন পরেদি মোশি আর ইস্রায়েলীয়গুনে লগেপ্রভুর নাঙে এই গীদ্‌‌তো গেলাক্: মুই লগেপ্রভুর নাঙে গীদ্ গেইম্‌, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীর্ দলুনোরে তেয়ই বড়গাঙর্ পানিত্‌ ফেলেই দিলো।

যাত্রা 15:21

মোশির্‌ গীদ্‌তোর্‌ জোবত্‌ মরিয়মে এই গান্নো গেলঅ; “তুমি লগেপ্রভুর্‌ নাঙে গীদ্ গঅ, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীগুনোর দলুনোরে তেয়ই‌ ফেলেই দিলো বড়গাঙ পানিত্।”

যাত্রা 15:4

ফরৌণর রথ আর সৈন্যদলুনোরে তেয়ই‌ বড়গাঙ পানিত্‌ ফেলেই দিলো; ফরৌণর বেঈ লোইয়্যে কাম্‌গুরিয়্যেগুনোর্‌ দল্লো লোহিত সাগরত্‌ ডুবিনেই মুরিলাক্।

যিশাইয় 43:17

তে রথ, ঘোড়া আর দরমর সৈন্যদল্লোরে নিগিলেই আন্যে। তারা এক সমারে সিয়েনত্ পোজ্যন্, আর্ উদি ন-পারন্। তারা চেরাগ বুদ্ধি ধোক্ক্যেন মুরি যেইয়োন্।

যিরমিয় 50:37

তার বেক্ ঘোড়া, রথ আর বিদেশী সৈন্যগুনো বিরুদ্ধে রোইয়্যেদে তলোয়ার; তারা মিলে ধোক্ক্যেন বল্‌‌পোজ্যে ওই যেবাক্। তা ধন-সম্পদ বিরুদ্ধে রোইয়্যেদে তলোয়ার; সিয়েনি বেক্কানি লুট্ ওই যেবঅ।

যিহিষ্কেল 39:20

মঅ টেবিলোত্ তুমি পেট ভুরিনে ঘোড়া, রথচালেয়্যে, খেমতাবলা মানুচ্ আর নানান্ বাবোত্যে সৈন্যগুনোর য়েরা হেবা।

মীখা 5:10

লগেপ্রভু কত্তে, “ও ইস্রায়েল, সে সময় মুই তঅ ভিদিরেত্তুন্ তঅ ঘোড়াগুনোরে শেজ্ গুরি ফেলেম আর তঅ রথ্‌তানিরে ভস্ত গুরি দিম।

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

সখরিয় 12:4

সেদিন্যে মুই পত্তি ঘোড়ারে দর্‌বুক্ লাগেম্ আর ঘোড়াচালেয়্যেগুনোরে পাগল বানেম। যিহূদার মানুচ্চুনো উগুরে মুই উজিয়ার গুরি নজর্ রাগেম্, মাত্তর্ অন্য জাদ্‌‌‌‌‌‌তুনোর বেক ঘোড়াগুনোরে চোগ্‌কান্ গুরি দিম।‌‌‌

ফগদাং পেইয়্যে 19:18

যেন তুমি রাজা, সেনাপতি, বোলী মানুচ্‌, ঘোড়া আর সেই ঘোড়াত্ চোজ্জ্যে মানুচ্চুনোরে, গিরোজ্ আর চাগরুনোর আর চিগোন-দাঙর বেক্‌ মানুচ্চুনোর য়েরানি হেই পারঅ।”