যিরমিয় 51:2 - Chakma Bible

² বাবিলরে ঝাড়িবাত্তে আর তা দেজ্‌‌‌‌চানরে ভস্ত গুরিবাত্তে মুই তাইধু বিদেশীগুনোরে পাদেম; তা দযার্ দিনোত্ তারা বেক্কানিত্তুন্ তা বিরুদ্ধে যেবাক্।

যিরমিয় 51:2 Iomraidhean Croise

যিশাইয় 41:16

তুই সিগুনোরে ঝারিলে বোইয়্যেরানে তারারে তুলি নেযেব আর তুট্যেবোইয়্যেরানে তারারে ছিদি দিবো। মাত্তর্ তুই লগেপ্রভুরে নিইনে হুজি গুরিবে আর ইস্রায়েলর সেই সুদ্ধো-সাংগ মানুচ্চো তর্ বাঈনী গুরিবার জিনিস অবঅ।

যিশাইয় 43:14

লগেপ্রভু, তমার্ উদ্ধোরগুরিয়্যে, ইস্রায়েলর্ সেই সুদ্ধো-সাংগ মানুচ্চো এ কধাগান কোইয়্যেদে, “মুই তমাত্তে বাবিলোত্ মানুচ্ পাদেম আর যে জাহাজ্‌চান নিইনে বাবিলীয়গুনে বাড়্‌‌বো গুরিদাক্ সিয়েনত্ গুরি ধেই যেইয়্যে মানুচ্চুনো ধোক্ক্যেন্ গুরি সে বাবিলীয়গুনোরে আনিম্। ‌

যিরমিয় 15:7

দেজর শঅর-গেদো ইধু মুই কুলোত্ গুরিনে তঅ মানুচ্চুনোরে ঝারিম। মঅ মানুচ্চুনো উগুরে মুই পুয়ো-ছা মরানার দুঘ্ আনিম আর তারারে ভস্ত গুরিম, কিত্তে নিজো পথ্‌‍তানিত্তুন তারা ন-ফিরোন্।‍

যিরমিয় 50:29

লগেপ্রভু কোইয়্যেদে, “বাবিল বিরুদ্ধে বেক্ ধনুবলাগুনোরে ডাগঅ। সিয়েনর চেরোকিত্তে সৈন্যগুনো-তাম্বুল ফেলঅ; কাররে ধেই যেবাত্তে ন-দুয়ো। তা কামর্ ফল্ তারে দুয়ো। তে যেবাবোত্যে গোজ্যে তা উগুরে সেবাবোত্যে গরঅ, কিত্তে তে লগেপ্রভুর বিরুদ্ধে, ইস্রায়েলর সেই সুদ্ধো-সাংগ মানুচ্চোর বিরুদ্ধে নিজোরে দাঙর্ গুরি দেগেয়্যে।

যিরমিয় 50:32

সেই বাড়্‌‌‌বোগুরিয়্যেবো উজোত্ হেইনে পড়ি যেবঅ আর কনজনে তারে উদিবাত্তে বল্ ন-দিবাক্; তা শঅরানিত্ মুই আগুন ধোরেই দিম্, সিয়েনে তা চেরোকিত্তে বেক্কানি পুড়ি ফেলেব।”

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”