যিরমিয় 51:19 - Chakma Bible

¹⁹ যিবে যাকোবর্ পাওনা ভাগ্ তে ইগুনো ধোক্ক্যেন নয়, কিত্তে তেয়ই বেক্ জিনিস্‌‌‌‌‌‌‌‌‌‌চানির সিরিস্‌‌‌‌‌‌‌‌‌‌টিগুরিয়্যে আর ইস্রায়েল তার বিশেষ সোম্বোত্তি। তা নাঙান্ বেগত্তুন্ খেমতাবলা লগেপ্রভু।

যিরমিয় 51:19 Iomraidhean Croise

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গীতসংহিতা 135:4

লগেপ্রভু যাকোবরে তার নিজোত্তে, ইস্রায়েলরে তার নিজোর সোম্বোত্তি অবাত্তে বেঈ লোইয়্যে।

গীতসংহিতা 16:5

লগেপ্রভু, তুয়ই মর্ সোম্বোত্তি; তুয়ই মর্ তিরেজর্ পানি। মঅ ভাগ্যগান্ তঅ আঢত্ আঘে।

গীতসংহিতা 33:12

বর্‌পেইয়্যে সেই জাদ্‌তো, যিগুনোর গোজেন লগেপ্রভু; সে মানুচ্চুনে বর্‌পেইয়্যে, যিগুনোরে তে নিজোর সোম্বোত্তি ইজেবে বেঈ নেযেয়্যে।

গীতসংহিতা 73:26

মর্ কিয়্যে আর মনান ক্ষয় ওই যেই পারে, মাত্তর্ গোজেনে মর্ মনানর্ বল্ আর মর্ উমরর্ সোম্বোত্তির ভাগ।

গীতসংহিতা 74:2

ইদোত্ তুলি চাহ্ তর্ সেই মানুচ্চুনোর কধানি যিগুনোরে তুই ভালোক্ দিন আগে তঅ মানুচ্ ইজেবে নেযেয়োচ্, যে বংশবোরে তুই তর্ অধিকার ইজেবে উদ্ধোর গুরি আন্যচ্। ইদোত্ তুলি চাহ্ সেই সিয়োন মুড়োবোর কধা যিয়েনরে তুই তর্ থেবার জাগা ইজেবে বানেয়োচ্।

যিশাইয় 47:4

আমা উদ্ধোরগুরিয়্যে অলঅ ইস্রায়েলর সেই সুদ্ধো-সাংগ মানুচ্চো; তা নাঙান বেগত্তুন্ খেমতাবলা লগেপ্রভু গোজেন।

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিরমিয় 10:12

লগেপ্রভু নিজোর খেমতালোই পিত্‌‌‍‌‍‍থিমীগান বানেয়্যে, তারা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌চান বিজেই দিয়্যে।‌‍‌‍‍

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 33:2

লগেপ্রভু কলঅ, মঅ নাঙান্ লগেপ্রভু, মুই কাম্ গরং; যে কামানি মুই গরং সিয়েনির পরিকল্পনা গরং আর সিয়েন থুম্ গরং। মুই কঙর্,

যিরমিয় 50:11

ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

যিরমিয় 51:5

ইস্রায়েল আর যিহূদারে তারার গোজেন বেগত্তুন্ খেমতাবলা লগেপ্রভু ছাড়ি ন-যায়, যুনিয়ো ইস্রায়েলর সেই সুদ্ধো-সাংগ মানুচ্চোর্ মুজুঙোত্ তারার্ দেজ্‌‌চান দুষে ভরা ওইয়্যে।

আবিলেচ্ 3:24

মুই মনে মনে কং, “লগেপ্রভু মর্ সোম্বোত্তি, সেনত্তে মুই তা উগুরে আজা রাগেম।”

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।