যিরমিয় 51:15 - Chakma Bible

¹⁵ লগেপ্রভু নিজোর খেমতালোই পিত্‌‌‌‌‌‌থিমীগান বানেয়্যে, তা জ্ঞানান্দোই সংসারান থিদেবর্ গোজ্যে আর বুদ্ধিলোই আগাজ্‌‌‌‌‌‌‌চান বিজেই দিয়্যে।

যিরমিয় 51:15 Iomraidhean Croise

ইয়োব 9:8

তেয়ই দাঙর্‌ আগাজ্‌ছানরে ছিদি দিয়্যে, আর সাগরর্‌ তুবোল উগুরে আঢে।

গীতসংহিতা 104:2

কাবড় ধোক্ক্যেন্ গুরি তুই নিজোরে পহর্ লোই ঢাক্যচ্; দেবাবোরে তুই ছাল ধোক্ক্যেন্ গুরি ছিদি দুয়োচ্।

গীতসংহিতা 104:24

ও লগেপ্রভু, তুই ভালোক্কানি বানেয়োচ্; তর্ জ্ঞান্দোই সিয়েনি বানেয়োচ্; তর্ বানেয়্যে জিনিজে দুনিয়্যেগান ভরা।

গীতসংহিতা 107:25

একপল্লা তা কধালোই অমকদ ঝড় অলঅ, সেক্কে দাঙর্ দাঙর্ তুবোল্ উদিলো।

গীতসংহিতা 136:5

যিবে তার বুদ্ধিলোই আগাজ্‌চান বানেয়্যে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গম্ উপদেজ্ 3:19

লগেপ্রভু গম্ বুদ্ধি দিইনে পিত্‌থিমীর গড়াগান বানেয়্যে, বিচের বুদ্ধিলোই আগাজ্‌ছানরে তা জাগানত্ রাগেয়্যে।

যিশাইয় 40:22

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 42:5

লগেপ্রভু গোজেনে আগাজ্‌ছান বানেইনে মিলি দিয়্যে; তে পিত্‌‌‍‌‍থিমী আর যিয়েনি জোর্মেয়্যে সিয়েনি বেক্কানি বিজেই দিয়্যে; তে সিদুগোর্ মানুচ্চুনোরে নিজেস্ দে আর সিদু আঢাউদো গুরিনে তারারে জিংকানি দে। তে কোইয়্যেদে,

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 48:13

মুই নিজো আঢে পিত্‌‍থিমীর গড়াগান থিদেবর্ গোজ্যং আর ডেন্ আঢে আগাজ্‌‌ছানরে বিজেই দুয়োং; মুই ডাগিলে ইগুনে বেক্কুনে একসমারে থিয়্যেন্।

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিরমিয় 27:5

মর্ বল্লোই আর খেমতাবলা আঢ্‌তোই মুই এ পিত্‌‌‍‌‌‌‌থিমীগান আর তা উগুরে যিদুক্কুন মানুচ্ আর য়েমান বানেয়োং, আর মুই যিবেরে যগাজ্যে মনে গরং তা আঢত্ খেমতা দি থাং।‍‌‍‌‌‌‌‍

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 17:24

গোজেন, যিবে এ পিত্‌থিমীগান্ আর সিয়েন ভিদিরে যিয়েনি আঘে বেক্কানি বানেয়্যে, তেয়ই স্বর্গ আর পিত্‌থিমীর্ গিরোজ্। তে আঢ্‌‌‌তোই বানেয়্যে কনঅ মন্দিরোত্ বজত্তি ন-গরে।

রোমীয় 1:20

গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”