যিরমিয় 50:37 - Chakma Bible

³⁷ তার বেক্ ঘোড়া, রথ আর বিদেশী সৈন্যগুনো বিরুদ্ধে রোইয়্যেদে তলোয়ার; তারা মিলে ধোক্ক্যেন বল্‌‌পোজ্যে ওই যেবাক্। তা ধন-সম্পদ বিরুদ্ধে রোইয়্যেদে তলোয়ার; সিয়েনি বেক্কানি লুট্ ওই যেবঅ।

যিরমিয় 50:37 Iomraidhean Croise

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

গীতসংহিতা 76:6

ও যাকোবর গোজেন, ঘোড়া আর রথচালেয়্যেগুনে তর্ ধমক হেইনে গভিন ঘুমোত্ ঢুলি পোজ্যন্।

যিশাইয় 19:16

সেদিন্যে মিসরীয়গুনে মিলে ধোক্ক্যেন অবাক্। তারা বিরুদ্ধে বেগত্তুন্ খেমতাবলা লগেপ্রভু আঢ্ তুলিবো আর সিয়েন দেগিনে তারা দরে গির্‌গিরেবাক্।‍

যিশাইয় 45:3

মুই তরে আন্ধার জাগাত্ থোইয়্যে ধন-সোম্বোত্তি আর লুগেয়্যে জাগাত থুবেই থোইয়্যে ধন দিম, যেনে তুই হবর্ পাজ্, মুয়ই লগেপ্রভু, ইস্রায়েলর গোজেন, যিবে তঅ নাঙান্ ধুরিনে ডাগে।

যিরমিয় 25:20

সিদুগোর্ বেক বিদেশীগুনোরে; ঊষ দেজর্ বেক রাজাগুনোরে; পলেষ্টীয়গুনোর বেক রাজাগুনোরে, অত্তাৎ অস্কিলোন, গাজা, ইক্রোণ আর অস্‌দোদর বাদবাগি ভাগ্‌কানর রাজাগুনোরে;‌‌‌‌‌

যিরমিয় 25:24

আরবর বেক্ রাজাগুনোরে; ধূল্যেচর-বামর্ বজত্তি গুরিয়্যে বিদেশী বেক রাজাগুনোরে;

যিরমিয় 48:41

তার বেক্ শঅরানি অধিকার গুরিনে ঘরানি গজক্ গরা অবঅ। সেদিন্যে মোয়াব যোদ্ধাগুনোর মনত্ পুয়ো পুদেয়্যে মিলের্ পীড়ে উদেদে মনান ধোক্ক্যেন অবঅ।

যিরমিয় 50:10

বাবিলানরে লুদো অবঅ; যিগুনে তারে লুদেবাক্ তারা বেক্কুনে হুজি অবাক্। মুই লগেপ্রভু এ কধাগান কঙর্।

যিরমিয় 50:26

ও বাবিল শত্রুগুন, তুমি দূরোত্তুন্ তা বিরুদ্ধে এজঅ। তা গোলাঘরানি খুলি ফেলঅ; এগত্তর্ গোজ্যে শোজ্য ধোক্ক্যেন সিয়েনরে কুড়্ বান। তারে পুরোপুরিভাবে ভস্ত গরঅ, সিয়েনর কিচ্চু বাগি ন-রাগেয়ো।

যিরমিয় 51:21

তরে দিইনে মুই ঘোড়া আর ঘোড়া মাউট্‌‌তোরে চুরমার গোজ্যং;

যিরমিয় 51:22

তরে দিইনে মুই মরদ আর মিলেগুনোরে চুরমার গোজ্যং, তরে দিইনে বুড়ো আর চিগোন্ গুরোগুনোরে চুরমার গোজ্যং, তরে দিইনে গাবুজ্যে আর গাবুজ্যে মিলেগুনোরে চুরমার গোজ্যং।”

যিরমিয় 51:30

বাবিল যোদ্ধাগুন যুদ্ধো গরানা থামেয়োন; তারা তারার তাম্বুলো ভিদিরে রোইয়োন। তারার খেমতা ফুরেই যেইয়্যে; তারা মিলে ধোক্ক্যেন বল্‌‌‌‌‌‌পোজ্যে ওই যেইয়োন। তারার থেবার জাগানিত্ আগুন বাজেই দিয়্যে ওইয়্যে; বাবিলর্ বেক্ গেট্‌‌‌‌‌‌তুনোর্ লাগাড়াগুন ভাঙি ফেলা ওইয়্যে।

যিরমিয় 51:4

তারা বাবিল পধে পধে অমকদ আঘাত্ পেইনে মুরিনে পড়ি থেবাক্।

যিহিষ্কেল 30:5

কূশ, পূট, লূদ আর বেক্ আরব দেজ্‌‌চান, কূব আর কায়কুরে দেজর্ মানুচ্চুনে যুদ্ধোত্ মিসর লগে মারা পড়িবাক্।

যিহিষ্কেল 39:20

মঅ টেবিলোত্ তুমি পেট ভুরিনে ঘোড়া, রথচালেয়্যে, খেমতাবলা মানুচ্ আর নানান্ বাবোত্যে সৈন্যগুনোর য়েরা হেবা।

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

নহূম 3:13

তঅ সৈন্যগুন দঅ বেক্কুন্ মিলে ধোক্ক্যেন্। তঅ দেজর্ গেইট্টুন্ তঅ শত্রুগুনোর্ মুজুঙোত্ এক্কুবারে খুলো রোইয়্যে; আগুনানে সিগুনোর হুক্কুন্ পুড়ি ফেলেয়্যে।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।