যিরমিয় 50:31 - Chakma Bible

³¹ মুই বেগত্তুন্ খেমতাবলা প্রভু লগেপ্রভু কঙর্, ও বাড়্‌‌বোগুরিয়্যে, চাহ্, মুই তঅ বিরুদ্ধে, কিত্তে তর্ সাজা পেবার সময় এচ্চ্যে।‌‌

যিরমিয় 50:31 Iomraidhean Croise

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিরমিয় 21:13

ও যিরূশালেম, যুনিয়ো তুই কলগ উগুরে পাত্তর সংজাগাত্ আগচ্ তো মুই তঅ বিরুদ্ধে। তুই কোই থাচ্, তমা বিরুদ্ধে কনজনে এই ন-পারিবাক্, কনজনে তমা আশ্রয়ে সোমেই ন-পারিবাক্;

যিরমিয় 48:29

মোয়াব্‌‌পুনে অমকদ চেদেয়্যে। আমি তার চেদেয়্যে কধা, বদ্‌রাগী, মান্‌জ্যরে ঠোগেয়্যে আর মনর্ বাড়্‌বো কধানি হবর্ পেই।

যিরমিয় 49:16

ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

যিরমিয় 50:29

লগেপ্রভু কোইয়্যেদে, “বাবিল বিরুদ্ধে বেক্ ধনুবলাগুনোরে ডাগঅ। সিয়েনর চেরোকিত্তে সৈন্যগুনো-তাম্বুল ফেলঅ; কাররে ধেই যেবাত্তে ন-দুয়ো। তা কামর্ ফল্ তারে দুয়ো। তে যেবাবোত্যে গোজ্যে তা উগুরে সেবাবোত্যে গরঅ, কিত্তে তে লগেপ্রভুর বিরুদ্ধে, ইস্রায়েলর সেই সুদ্ধো-সাংগ মানুচ্চোর বিরুদ্ধে নিজোরে দাঙর্ গুরি দেগেয়্যে।

যিরমিয় 50:32

সেই বাড়্‌‌‌বোগুরিয়্যেবো উজোত্ হেইনে পড়ি যেবঅ আর কনজনে তারে উদিবাত্তে বল্ ন-দিবাক্; তা শঅরানিত্ মুই আগুন ধোরেই দিম্, সিয়েনে তা চেরোকিত্তে বেক্কানি পুড়ি ফেলেব।”

যিরমিয় 51:25

লগেপ্রভু কোইয়্যেদে, ও ভস্তগুরিয়্যে মুড়ো, তুই বেক্ পিত্‌‌‌থিমীগানর ভস্তগুরিয়্যে; মুই তঅ বিরুদ্ধে। মঅ আঢ্‌তান মুই তঅ বিরুদ্ধে বাবেইনে অজল্ মুড়োত্তুন্ তরে গোজ্যেই দিম আর তরে এক্কো পুড়ি যেইয়্যে মুড়ো বানেম্।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

যিহিষ্কেল 38:3

প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্কে।

যিহিষ্কেল 39:1

ও মান্‌‌‌জ্যর পুয়োবো‌, গোগর বিরুদ্ধে তুই এই আগাম্ কধানি কঅ, প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্ষে।

যিহিষ্কেল 5:8

সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

নহূম 3:5

বেগত্তুন্ খেমতাবলা লগেপ্রভু কত্তে, “ও নীনবী, মুই তঅ বিরুদ্ধে; মুই মুয়োন সং তঅ কাবড়ান্ তুলিম। তর্ লাংটাগান মুই জাদ্‌তুনোরে দেগেম আর রেজ্যগানিরে দেগেম তর্ লাজানা।‌

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”