যিরমিয় 50:26 - Chakma Bible

²⁶ ও বাবিল শত্রুগুন, তুমি দূরোত্তুন্ তা বিরুদ্ধে এজঅ। তা গোলাঘরানি খুলি ফেলঅ; এগত্তর্ গোজ্যে শোজ্য ধোক্ক্যেন সিয়েনরে কুড়্ বান। তারে পুরোপুরিভাবে ভস্ত গরঅ, সিয়েনর কিচ্চু বাগি ন-রাগেয়ো।

যিরমিয় 50:26 Iomraidhean Croise

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 45:3

মুই তরে আন্ধার জাগাত্ থোইয়্যে ধন-সোম্বোত্তি আর লুগেয়্যে জাগাত থুবেই থোইয়্যে ধন দিম, যেনে তুই হবর্ পাজ্, মুয়ই লগেপ্রভু, ইস্রায়েলর গোজেন, যিবে তঅ নাঙান্ ধুরিনে ডাগে।

যিশাইয় 5:26

তে দূরো জাদ্‌তুনোত্তে এক্কান বাবতা উড়েব আর পিত্‌থিমীর শেজ্ দুযিত্ সেই মানুচ্চুনোরে ডাগিবো। দেগিবা, তারা যাদিমাদি গুরি দাবা দাবা এবাক্।‌

যিরমিয় 50:10

বাবিলানরে লুদো অবঅ; যিগুনে তারে লুদেবাক্ তারা বেক্কুনে হুজি অবাক্। মুই লগেপ্রভু এ কধাগান কঙর্।

যিরমিয় 50:13

লগেপ্রভুর রাগর্ কারনে সিয়েন ভিদিরে কনজনে বজত্তি ন-গুরিবাক্, সিয়েন এক্কুবারে ভস্ত ওইয়্যে জাগা অবঅ। যিগুনে বাবিল কায়-কুরেদি যেবাক্ তারা বেক্কুনে আমক্ অবাক্ আর সিয়েনর বেক্ আঘাত্‌‌তানি দেগিনে ঠাট্টা-মশ্‌‌কারি গুরিবাক্।

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

যিরমিয় 50:23

পুরো পিত্‌থিমীর আদুড়োবু কিবাবোত্যেগুরি ভাঙিনে কট্টা কট্টা ওই গেলঅ। বাবিল অবস্থাগান্ দেগিনে বেক্ জাদ মানুচ্চুনে কেধোক্ক্যেন আমক্ ওই যেইয়োন।

যিরমিয় 50:41

“চাহ্, একদল সৈন্য উত্তোরেত্তুন এত্তন্; পিত্‌‌‌‌থিমীর শেজ্ দুযিত্তুন এক্কো দাঙর্ জাদে আর ভালোক্কুন রাজায় উত্তেজিত ওইনে এত্তন্।

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

যিরমিয় 51:64

সে পরেদি কবে, ‘এবাবোত্যেগুরি বাবিলান ডুবিবো, আর ন-উদিবো, কিত্যে লগেপ্রভু সিয়েন উগুরে দযা আনিবো। তে এক্কুবারে শেজ্ ওই যেবঅ।’ ” যিরমিয়র কধা ইয়োদোই থুম্ অলঅ।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

মথি লেখ্যে গম্ হবর্ 6:26

আগাজ পেক্কুনো ইন্দি রিনি চঅ; তারা বীজি ন-ফেলান্, ন-কাবন্, গোলাঘরত্অ ন-থুবোন্, আর তো তমা স্বর্গর বাপ্পো তারারে হাবেই থায়। তুমি কি তারাত্তুন্অ বেশ্ আরঅ দামী নয়?

ফগদাং পেইয়্যে 14:19

সেক্কে সেই স্বর্গদূত্‌তো পিত্‌থিমীত তার্ চারিগান্ বাজেল আর পিত্‌থিমীর আঙ্গুর গাজত্তুন্ বেক্‌ আঙ্গুরুন কাবিনে থুবেল। যেরেদি সিগুন আঙ্গুর মাড়িবার গাঢ ভিদিরে ফেলেই দিলো। এই আঙ্গুর মাড়িবার গাঢ্‌তো অলঅ গোজেনর্ দর্‌গরেপারা রাগ্।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।