যিরমিয় 50:21 - Chakma Bible

²¹ “ও বাবিল শত্রুগুন, মুই লগেপ্রভু কঙর্, তুমি মরাথয়িম দেজ্‌‌‌‌‌‌চানরে আর যিগুনে পকোদত্ বজত্তি গরন তারারে আক্রমণ গরঅ। তারারে লড়অ, মারে ফেল আর পুরোপুরি ভস্ত গুরি দুয়ো; মুই তমারে যে যে উগুমানি দুয়োং সিয়েনি বেক্কানি তুমি পালেবে।

যিরমিয় 50:21 Iomraidhean Croise

২ শমূয়েল 16:11

দায়ূদে সেক্কে অবীশয় আর তার বেক্‌ কামগুরিয়্যেগুনোরে কলঅ, “মঅ নিজোর পূঅবো যেক্কে মঅ পরাণান নিবাত্তে চেট্ট্যা গরের্‌ সেক্কে বিন্যামীন-গুট্টির এ মানুচ্চো দঅ আরঅ বেশ্‌ গুরিনে সিয়েন্‌ গুরিবো। তে যিয়েনি গোজ্যে তারে সিয়েনি গুরিবাত্তে দে; গেইল্ দিবাত্তে দে, কিত্যে লগেপ্রভু তারে সিয়েনি গুরিবাত্তে কোইয়্যে।

২ রাজাবলী 18:25

সিয়েন্‌ বাদে মুই কি লগেপ্রভুত্তুন্‌ অনুমতি ন-নিইনে এ জাগায়ান্‌ আক্রমণ আর ভস্ত গুরিবাত্তে এচ্চ্যং? এ দেজ বিরুদ্ধে যুদ্ধো গুরিনে সিয়েন্‌ ভস্ত গুরি ফেলেবাত্তে লগেপ্রভু নিজেই মরে কোইয়্যে। ”

২ বংশধর 36:23

“পারস্যের রাজা কোরসে এই কধাগান কোইয়্যেদে, ‘স্বর্গর গোজেন লগেপ্রভু পিত্‌থিমীর পুরো রেজ্যগান্‌ মরে দিয়্যে আর যিহূদা দেজর্‌ যিরূশালেমত্‌ তাত্তেই এক্কান্‌ ঘর্‌ বানেবাত্তে মরে নেযেয়্যে। তা মানুচ্চুনো ভিদিরে, অত্তাৎ তমা ভিদিরে যে যিয়েনত্‌ যেবাত্তে চায় তে সিয়েনত্‌ যোক্‌ আর তার্‌ গোজেন লগেপ্রভু তা লগে থোক্‌।’ ”

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 48:14

তুমি বেক্কুনে এগত্তর্ ওইনে শুনো। মূত্তিগুনো ভিদিরে কুবো ইয়েনি পৌইদ্যেনে আগে কোইয়্যে? বাবিলো বিরুদ্ধে লগেপ্রভুর বেঈ লোইয়্যে মানুচ্চো তা নিজোর আওজ্‌‌চান পুরেব; লগেপ্রভুর আঢ্‌তানি বাবিলিয়গুনোর বিরুদ্ধে উদিবো।‌

যিশাইয় 48:15

মুই, মুই লগেপ্রভু কধা কোইয়োং; অয়, মুয়ই তারে ডাক্যং। মুই তারে আনিম আর তে তা কামত্ ফোলেব।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 48:10

লগেপ্রভু কোইয়্যেদে, মঅ কামত্ যে মানুচ্চো আলেয়্যে গরে তা উগুরে অভিশাব্ পোড়োক্। যে তার তলোয়ারানরে লো জোড়েবাত্তে ন-দে তা উগুরে অভিশাব্ পোড়োক্।

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

যিরমিয় 50:9

মুই উত্তোরেদি দেজত্তুন্ দাঙর্ দাঙর্ জাদ্‌‌‍‍তুনোরে এগত্তর্ গুরিম আর তারারে রাগ্ তুলি দিইনে বাবিল বিরুদ্ধে আনিম। তারা বাবিল বিরুদ্ধে সৈন্যগুনোরে সাজেবাক্ আর সিয়েন গজক্ গুরিবাক্। কাবিল্ যোদ্ধাগুনে ধোক্ক্যেন তারার সেলুন্ বিফল ন-অবাক্।

যিহিষ্কেল 23:23

তারা অলাক্ বাবিলীয়গুন, বেক্ কল্‌দীয়গুন, পকোদ, শোয়া আর কোয়ার মানুচ্চুন আহ্ তারা সমারে বেক্ আসিরিয়গুন। তারা বেক্কুনে দোল্ দোল্ গাবুজ্যে; তারা বেক্কুনে শাজন্‌গুরিয়্যে, সেনাপতি, রথর কামগুরিয়্যে, দাঙর্ পোজিশন মানুচ্ আর ঘোড়াচালেয়্যে।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”