যিরমিয় 50:2 - Chakma Bible

² তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিরমিয় 50:2 Iomraidhean Croise

গীতসংহিতা 64:9

সেক্কেনে বেক্কুনোর মনত্ দর্‌বুক লাগিবো; গোজেনে যিয়েন গোজ্যে তারা সিয়েন ফগদাং গুরিবাক্ আর সেই কধাগান ভাবিবাক্।

গীতসংহিতা 96:3

নানান্ জাদর ইদু তার মহিমার কধানি ফগদাং গরঅ; বেক মানুচ্চুনো ইদু তার বেক আমক্ অবার কামানি ফগদাং গরঅ।

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 13:2

লগেপ্রভু কোইয়্যেদে, “তুমি গাজ্ বাজ্ নেইয়্যে মুড়োবো মাঢা উগুরে এক্কান্ বাবতা তুলো; রঅ ছাড়িনে যোদ্ধাগুনোরে ডাগ আর আজল্ মানুচ্চুনোর গেদো ইন্দি সোমেবাত্তে আঢ্‌তোই যোদ্ধাগুনোরে ইজিরে দুয়ো।‌

যিশাইয় 21:9

চঅ, জড়ায় জড়ায় ঘোড়া চালেয়্যে এজদন্।” সে পরেদি তে কবদে, “বাবিলোর পতন ওইয়্যে, পতন ওইয়্যে। তার বেক্ দেবেদাগুনোর মূত্তিগুন্ চুরমার ওইনে মাদিত্ পড়ি আগন্।”

যিশাইয় 39:1

এ অক্তত্ বাবিলোর রাজা বলদনর পুয়ো মরোদক-বলদনে হিষ্কিয়র অসুগ্ আর গম্ অবার্ হবরান শুনিনে তাইদু চিদি আর বক্‌‌‌‍শিজ্ পাধেই দিলো।

যিশাইয় 46:1

লগেপ্রভু কোইয়্যেদে, বেল দেবেদাবো তলে অবঅ আর নবো দেবেদাবো মাঢা নিগিরিনে পড়িবো; তারার মূত্তিগুন্ ভারান্ বোইয়্যে এ্যামানুনে বুয়োই নিবাক্। যে মূত্তিগুন্ বাবিলীয়গুনে পূজো গুরিদাক্ সিগুন বুদি ধোক্ক্যেন অবাক্, বল্ পোজ্যে য়েমানুনোত্তে গুয়োর্ অবঅ।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 48:6

তুমি ইয়েনি শুন্ন্য; সে বেক্কানি পৌইদ্যেনে তুমি চেই থাগঅ। তুমি কি সিয়েন মানি ন-নিবা? ইক্কিনেত্তুন্ ধুরি মুই তমারে নুয়ো নুয়ো পৌইদ্যেনে কধা কোম্ যিয়েনি তমার হবর্ ন-পেইয়্যে আর গুমর বেপার।

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 31:10

“ও জাদ্‌তুন, মঅ কধানি শুনো; তুমি দূরোর দেজ্‌ছানিত এ কধাগান ফগদাং গরঅ, ‘যিবে ইস্রায়েলরে ছিদি দিয়্যে তে তারারে তুবেব আর গরগ ধোক্ক্যেন গুরি তা পাল্লো রোক্ষ্যে গুরিবো।’‌‌‌‍‌‌‌‍

যিরমিয় 4:16

জাদ্তুনো ইধু আর যিরূশালেম ইধু এ কধাগান ফগদাং গরঅ, “ঘিরিবাত্তে সৈন্যগুনে দূর দেজত্তুন্ এত্তন্; তারা যিহূদার শঅরানির বিরুদ্ধে যুদ্ধোর্ ডাগ দেদন্।‌

যিরমিয় 4:6

সিয়োনত্ যেবার পথ্‌তান দেগেবাত্তে চিহ্নো থিদেবর্ গরঅ। দিরি ন-গুরিনে গমেডালে থেবাত্তে ধেই যঅ, কিত্তে মুই উত্তোরেত্তুন দজা আর দর্‌গরেপারা ভস্ত গরানাগানরে আনিবাত্তে যাঙর্।‍‍‍‍‍

যিরমিয় 46:14

সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’

যিরমিয় 50:46

“বাবিলান গজক্ গরা ওইয়্যে,” এই কিজেগ রবোলোই পিত্‌‌থিমীগান গির্‌‌‌গিরেব; জাদ্‌তুনো ভিদিরে তা কানানার্ রবো শুনো যেবঅ।‌‌

যিরমিয় 51:12

বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

যিরমিয় 51:27

“তুমি দেজ ভিদিরে বাবতা তুলো। জাদ্‌‌‌তুনো ভিদিরে শিঙে বাজঅ। তা বিরুদ্ধে যুদ্ধোত্তে জাদ্‌‌‌তুনোরে যুক্কোল্ গরঅ; তা বিরুদ্ধে অরারট, মিন্নি আর অস্কিনস রেজ্যগানিরে ডাগঅ। তা বিরুদ্ধে এক্কো সেনাপতিরে নেযঅ; পুগ্-যুগ ধোক্ক্যেন ভালোক্কুন ঘোড়া পাধেই দুয়ো।

যিরমিয় 51:31

হবর্ কোইয়্যেবোর পর হবর্ কোইয়্যে আর দূতোর্ পরেদি দূত যাদন্দে বাবিল রাজার ইধু ফগদাং গুরিবাত্তে, তার পুরো শঅরান্ গজক্ গরা ওইয়্যে,

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

যিরমিয় 51:47

এমন সময়ান হামাক্কায় এজের্ যেক্কে মুই বাবিল মূত্তিগুনোরে সাজা দিম্; তার পুরো দেজ্‌‌‌‌‌‌‌চানই অসর্মান অবঅ আর সিয়েনর মুরি যেইয়্যে মানুচ্চুন বেক্কুনে সিয়েন ভিদিরে পড়ি থেবাক্।

যিরমিয় 51:52

মাত্তর্ মুই কঙর্, দিন এজের্ যেক্কে মুই বাবিল মূত্তিগুনোরে সাজা দিম্ আর বাবিল বেক্ জাগানিত্ অমকদ আহত মানুচ্চুনে বুগ্ চাবেরেবাক্।

যিরমিয় 51:8

বাবিল অদাদৎ পড়ি যেইনে ভাঙি যেইয়্যে। তাত্তে আবিলেচ্ গরঅ। তার্ পীড়েগানত্তে মলম আনঅ; অয়ত তে গম্ অবঅ।

যিরমিয় 52:31

যিহূদার রাজা যিহোয়াখীনর বন্দী অনার্ সাত্রিশ বজরত্ ইবিল-মরোদকে বাবিলোর্ রাজা অলঅ। তে সে বজরর্ বার মাজর্ পোজোস্ দিনোত্ যিহোয়াখীনরে জেলখানাত্তুন্ ইরি দিলো।

যিরমিয় 6:18

সেনত্তে ও অন্য জাদ্‌তুন, শুনো; মঅ মানুচ্চুনোর যিয়েন অবঅ সিয়েন রিনি চঅ।‍‍‍

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

দানিয়েল 3:14

নবূখদ্‌নিৎসরে তারারে কলঅ, ও শদ্রক, মৈশক আর অবেদ্‌-নগো, ইয়েন কি সত্য যে, তুমি মর্ দেবেদাবোরে সেবা ন-গরঅ আরঅ মুই যে সোনার মূত্তিবো থিদেবর্ গোজ্যং তারেয়ো জু জু ন-জানঅ?

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,