যিরমিয় 50:11 - Chakma Bible

¹¹ ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

যিরমিয় 50:11 Iomraidhean Croise

গীতসংহিতা 22:12

মর্ চেরোকিত্তে রোইয়োন যেন বলদ্ গোরুর পাল; যেনে বাশন দেজর্ বোলী বলদ্ গোরুগুনে মরে ঘিরি ধোজ্যন্।

গম্ উপদেজ্ 17:5

যে মানুচ্চো নাঢা মান্‌জ্যরে ঠাট্টা গরে তে তারার গোজেনরে অগমান গরে; যে অন্যগুনোর দযাত্ হুজি অয় তে সাজা পেবদে পেবঅ।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 47:8

ইক্কিনে, ও ভোগ্ গুরিয়্যে মিলেবো, শুন; তুই নিশিদে আরামে বোইনে মনে মনে কত্তে, বানা মুয়ই আগং, মুই বাদে আর কনজন নেই। মুই কনদিন্অ রাণিমিলে ন-ওম্ বা পুয়ো-ছা আরেবার দুঘ্‌কান্ ন-পেম্।

যিরমিয় 12:14

লগেপ্রভু কোইয়্যেদে, “মুই অধিকার ইজেবে যে জাগায়ান মঅ মানুচ্চুনোরে দুয়োং মর্ বেক পাজি পাড়াল্যেগুনে সিয়েনত্ হানা দুয়োন। সেনত্তে মুই তারার দেজত্তুন্ তারারে তুলি দিম্ আর তারাত্তুন যিহূদার মানুচ্চুনোরে তুলি আনিম।

যিরমিয় 46:20

“মিসরান যেন এক্কান দোল্ মাদাম্ গোরু, মাত্তর্ উত্তোরেত্তুন্ তা বিরুদ্ধে এক্কো ডাঁশ-মাছি এজের্।

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিরমিয় 5:8

তারা পেট ভুরি হেইয়্যে তেজী কামুক ঘোড়া ধোক্ক্যেন এক্কো আর এক্কোর মোগো লগে মিজেবাত্তে ডাগি উঠ্যন্।

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

আবিলেচ্ 1:21

মান্‌জ্যে মর্ ভঅ নিজেস্‌চো শুন্যন্, মাত্তর্ মরে বুঝেবার কনজন নেই। বেক্ শত্রুগুনে মঅ দুঘো কধানি শুন্যন্; তুই যিয়েন গোজ্যস্ সিয়েন দেগিনে তারা ফুত্তি গরদন্। যে দিন্নোর্ কধা তুই ফগদাং গোজ্যস্ সেই দিন্নো আন্ যেনে তারা মঅ ধোক্ক্যেন ওই পারন্।

যিহিষ্কেল 35:15

ইস্রায়েল জাদে অধিকার ইজেবে যে দেজ্‌‌‌‌‌‌‌চান পেইয়্যে সিয়েন মানুচ্ নেইয়্যে দেগিনে তুই যেবাবোত্যে ফুত্তি গোজ্যস্ সেবাবোত্যেগুরি মুই তঅ লগে বেবহার গুরিম। ও সেয়ীর মুড়োবো, তুই আর ইদোমর বাদবাগি বেক জাগায়ানি মানুচ্ নেইয়্যে অবাক্। সেক্কে মানুচ্চুনে হবর্ পেবাক যে, মুয়ই লগেপ্রভু।”

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

হোশেয় 10:11

ইফ্রয়িমে এক্কো দোঙেয়্যে পাড়ি গোরু যে শোজ্য মাড়দে গম্‌‌‌‌‌পায়, মাত্তর্ মুই তার্ দোল্ গত্তনাবো উগুরে জুঙোল্ তুলি দিম। ইফ্রয়িমে অবদে মর্ চাজ্ গুরিবার গোরু আর যিহূদা মঅ নাঙলান্ টানিবো, আর যাকোবে মাদিঢলা ভাঙিবার কাম গুরিবো।”

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

ওবদিয় 1:12

তঅ ভেইবোর্ দুঘোত্ তুই হুজি ওইয়োচ্, যিহূদা মানুচ্চুনোর্ ভস্তর্ দিনোত্ তারা পৌইদ্যেনে ফুত্তি গোজ্যস্ আর তারার্ দুঘো দিনোত্ বাড়্‌‌বো গোজ্যস্।

হবক্‌‌‌‌কূক 1:15

বাবিলীয়গুনে বুজ্জিলোই তারারে বেক্কুনোরে টানিনে তুলোন্ বা জাল্লোই তারারে ধরন বা টান্যে-জাল্লোই তারারে এগত্তর্ গরন্; আর সেনত্তে তারা ফুত্তি গরন, হুজি অন্।

সখরিয় 14:12

যিদুক্কুন জাদে যিরূশালেম বিরুদ্ধে যুদ্ধো গুরিবাক্ লগেপ্রভু ভানা দিইনে তারারে আঘাত্ গুরিবো। তারা থিয়্যেই থাগদে থাগদে তারার্ কিয়্যের্ য়েরানি পুযি যেবঅ আর তারার্ চোগো গাঢ ভিদিরে চোগ্‌কুন পুযি যেবাক্ আর মুয়ো ভিদিরে জিলান্ পুযি যেবঅ।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।