যিরমিয় 50:10 - Chakma Bible

¹⁰ বাবিলানরে লুদো অবঅ; যিগুনে তারে লুদেবাক্ তারা বেক্কুনে হুজি অবাক্। মুই লগেপ্রভু এ কধাগান কঙর্।

যিরমিয় 50:10 Iomraidhean Croise

যিশাইয় 33:23

ইক্কিনে তমা পাল হেবাগুন্ শস্ ওই যেইয়োন্; সিয়েনত্ মাত্তুলুন দরমর গুরি আক্‌‌সোয়ে নেই, পালান্অ টাঙা ন-যায়। পরেদি লুদেয়্যে বোউত্ পযাপিরা ভাগ্ গরা অবঅ; এমন্ কি, লেং-আদুড়ুনেয়ো লুদেয়্যে পযাপিরা নেযেবাক্।

যিশাইয় 33:4

পুগ্-যুগ্‌‌কুনে যেবাবোত্যেগুরি শোজ্যগানি বর্‌‌বাত গরন্, সেবাবোত্যেগুরি ও ভস্ত গুরিয়্যেবো, তমা পযাপিরানিয়ো লুদো অবঅ। মানুচ্চুনে এক ঝাক্ পুগ্-যুগ ধোক্ক্যেন সিগুনো উগুরে এইনে পড়িবাক্।

যিশাইয় 45:3

মুই তরে আন্ধার জাগাত্ থোইয়্যে ধন-সোম্বোত্তি আর লুগেয়্যে জাগাত থুবেই থোইয়্যে ধন দিম, যেনে তুই হবর্ পাজ্, মুয়ই লগেপ্রভু, ইস্রায়েলর গোজেন, যিবে তঅ নাঙান্ ধুরিনে ডাগে।

যিরমিয় 25:12

মাত্তর্ সত্তুর বজর্ অলে পরেদি মুই বাবিলোর রাজা আর তা জাদ্‌তুনোরে তারার অন্যেয়ত্তে সাজা দিম আর বাবিলীয়গুনোর দেজ্‌‌‌চান উমরত্তে ভস্তর্ জাগা বানেম।

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 50:26

ও বাবিল শত্রুগুন, তুমি দূরোত্তুন্ তা বিরুদ্ধে এজঅ। তা গোলাঘরানি খুলি ফেলঅ; এগত্তর্ গোজ্যে শোজ্য ধোক্ক্যেন সিয়েনরে কুড়্ বান। তারে পুরোপুরিভাবে ভস্ত গরঅ, সিয়েনর কিচ্চু বাগি ন-রাগেয়ো।

যিরমিয় 50:37

তার বেক্ ঘোড়া, রথ আর বিদেশী সৈন্যগুনো বিরুদ্ধে রোইয়্যেদে তলোয়ার; তারা মিলে ধোক্ক্যেন বল্‌‌পোজ্যে ওই যেবাক্। তা ধন-সম্পদ বিরুদ্ধে রোইয়্যেদে তলোয়ার; সিয়েনি বেক্কানি লুট্ ওই যেবঅ।

যিরমিয় 51:24

লগেপ্রভু কোইয়্যেদে, “বাবিল আর বাবিলোত্ বজত্তি গুরিয়্যে বেক্কুনে সিয়োনত্ যেদক্কানি অন্যেয় কাম্ গোজ্যন্ তমা চোগো মুজুঙোত্ মুই সিয়েনির ফল দিম।”

যিরমিয় 51:35

সিয়োনর আদাম্মেগুনে কদন্, “আমা কিয়্যেনি উগুরে যে অত্যেচার গরা ওইয়্যে সিয়েনি বাবিল উগুরেয়ো গরা ওক্। যিগুনে বাবিলোত্ বজত্তি গরন্ আমা লোগানিত্তে তারা দায়ী থাদোক্।”

যিহিষ্কেল 11:24

সে পরেদি গোজেনর আত্মাগানে মরে তুলি নিলো আর তার দিয়্যে দর্শনর ভিদিরেদি আরঅ বাবিলোত্ বন্দীগুনো ইধু নেযেল। যে দর্শনান্ মুই দেখ্যং ইয়েনর পরেদি সিয়েন শেজ্ ওই গেলঅ।

হবক্‌‌‌‌কূক 2:8

তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।