যিরমিয় 5:6 - Chakma Bible

⁶ সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।

যিরমিয় 5:6 Iomraidhean Croise

২ বংশধর 36:14

ইয়েনিবাদেয়ো ধর্মগুরুগুনোর্‌ বেক্‌ নেতাগুনে আর মানুচ্চুনে অন্য জাদ ধোক্ক্যেন বজং অভ্যেস্‌ গুরি চলিনে জদবদে পাপ গুরিলাক্‌ আর লগেপ্রভু যিরূশালেমত্‌ তার্‌ যে ঘরানরে নিজোর্‌ নাঙে যুদো গোজ্যে সিয়েন্‌ অসিজি গুরিলো।

ইষ্রা 10:10

সেক্কে ধর্মগুরু ইষ্রা উদিনে থিয়্যেইনে তারারে কলঅ, “তুমি অবিশ্বেজি ওইয়ো, অন্য জাদর্ মিলেগুনোরে লোইনে তুমি ইস্রায়েলীয়গুনোর্ পাপ সমারে আর পাপ মিজেয়ো।

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

ইয়োব 10:16

যুনি মুই মাধা অজল্‌ গরং সালে তুই সিংহ ধোক্ক্যেন্ মত্তেই হাপ্‌ দি থেবে আর মরে আরঅ তর্‌ দর্‌গরেপারা বল্‌ দেগেবে।

গীতসংহিতা 104:20

তুই আন্ধারান্ আনিলে রেত্ অয়, ঝারর্ বেক য়েমানুনে সেক্কে ঘুরি ঘুরি বেড়ান্।

গীতসংহিতা 80:13

ঝার্‌বো শুগোরুনে এইনে সিগুন হেই ফেলান্; মাদ্‌অ প্রাণিগুনেয়ো সিগুন খান।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 59:12

ও লগেপ্রভু, তঅ চোগেদি আমার অন্যেয়ানি বোউত্ বেশ্; আমা পাপ্‌পানিয়ে আমা বিরুদ্ধে সাক্ষি দে। আমা অন্যেয়ানি আমা সমারে সমারে আগে আর আমা দুষ্‌চানি আমি হবর্ পেই।‌

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিরমিয় 2:15

সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

যিরমিয় 2:17

তর্ গোজেন লগেপ্রভু যেক্কে তরে ঠিগ্ পধেদি চালেয়্যে সেক্কে কি তুই তারে ছাড়িনে ইয়েনি বেক্কানি নিজো উগুরে ন-আনস্?

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

যিরমিয় 25:38

তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 30:15

তঅ ঘা-গান যেক্কে গম্ গরা ন-যেবঅ সেক্কে তঅ পীড়েগানত্তে কিত্তে তুই কিজেক্ কাড়র্? তর্ বোউত্ অন্যেয় আর পাপত্তে মুই তঅ উগুরে ইয়েনি গোজ্যং।

যিরমিয় 30:24

লগেপ্রভু যেদক্কন সং তা মনর্ আজাগান্ গমেডালে কামত্ ন-লাগায় সেদক্কন সং তার্ দর্‌গরেপারা রাগ্‌কান ফিরি ন-যেবঅ। আগামিদি তুমি ইয়েন বুঝি পারিবা।‌‌‌‌‍‌‌‌‌‌‍‌

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

যিরমিয় 8:5

সালে কিত্তে যিরূশালেমর এ মানুচ্চুনে ভান্ন্যেই পধেদি যেইনে আর ফিরি ন-এজন্? তারা ছলনাগানরে আজাবোদে ধুরি রাগান; তারা ফিরি এত্তে অস্বিগের্ গরন।

যিরমিয় 8:7

সারস পেগ্‌‌কোয়ো নিজো সময়ান হবর্ পায়, আর কঅ, চাতক আর শালিক পেগ্‌কুনেয়ো তারার যেবার সময়ান ইন্দি খিয়েল রাগান, মাত্তর্ মঅ মানুচ্চুনে মর্ সুদোমানি ইন্দি মনযোগ ন-দুয়োন।‌

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

যিহিষ্কেল 16:25

দবদা পধত্ মূত্তির্ আসন বানেইনে তর্ দোলানরে তুই অগমান গোজ্যস্। যে কনজনে তঅ কায়-কুরেদি গেলে তারে তর্ কিয়্যেগান দান গুরিনে তুই তর্ ব্যভিচারর কামান বাড়েয়োচ্।

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 23:19

গাবুজ্যে কালত্ যেক্কে তে মিসরত্ বেশ্যে এলঅ সে দিনুনোর্ কধা ইদোত্ তুলিনে তে আরঅ বেশ্ বেভিচের্ গরা ধুরিলো।

দানিয়েল 7:4

পৌইল্যাবো এলঅ সিংহ ধোক্ক্যেন আর তার সাড়াল্যে চিলো ধোক্ক্যেন ডুয়ো এলঅ। রিনি চাদে চাদে তার ডুয়ো দ্বিয়েন ছিনি দিয়্যে অলঅ আর তারে মাদিত্তুন্ উগুরে তুলো অলঅ। সেক্কে সিবে মান্‌জ্য‌ ধোক্ক্যেন দ্বিয়েন টেঙোই থিয়্যেল আর তারে মান্‌‌জ্যর মন দিয়্যে অলঅ। ‌‌‌

দানিয়েল 7:6

সে পরেদি মুই রিনি চেইনে আর এক্কো য়েমান দেগিলুং। সিবে রিনি চাদে হোক্যে বাঘ ধোক্ক্যেন্ এলঅ। তা পিদোত্ পেগো ডুয়ো ধোক্ক্যেন চেরান ডুয়ো এলঅ। এ য়েমান্নোর চের্‌‌‌বো মাঢা এলঅ আর তারে কাবিদ্যঙগিরি গুরিবার খেমতা দিয়্যে অলঅ।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

হবক্‌‌‌‌কূক 1:8

তারার্ ঘোড়াগুন হোক্যে বাঘত্তুন্অ বেশ্ যান, সিগুন সাজোন্যে নেকড়ে বাঘত্তুন্অ বেশ্ দর্‌‌‌গরেপারা। তারার্ ঘোড়া চালেয়্যেগুনে দূরত্তুন্ দাবা এজন্; গিলিবাত্তে তারা শকুনো ধোক্ক্যেন যাদিমাদি এজন্।

সফনিয় 3:3

তার রাজার্ কামগুরিয়্যেগুনে যেন গুজুরেদে সিংহ আর শাজন্‌গুরিয়্যেগুন সাজোন্যে অক্তত্ হোক্যে বাঘ; তারা বেন্যে মাদানত্তে কিচ্ছু ফেলেই ন-রাগান্।

গণাণা 32:14

“আর তুমি, পাপীগুন, তমার বাপ-দাদাগুনোর্‌ জাগাত্‌ এইনে থিয়েইয়ো আর ইস্রায়েলীয়গুনো উগুরে লগেপ্রভুর রাগর্‌ আগুনান আরঅ বাড়েই দুয়ো।

ফগদাং পেইয়্যে 13:2

সেই য়েমান্নো দেগদে হোক্ক্যেবাঘ ধোক্ক্যেন, আর তার্ টেঙানি এলদে ভালুগো টেঙ ধোক্ক্যেন আর মুয়োন এলদে সিংহ মুয়ো ধোক্ক্যেন। সেই দানপ্পো তার বল্, সিংহাসন আর খেমতা সেই য়েমান্নোরে দিলো।