যিরমিয় 5:31 - Chakma Bible

³¹ ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 5:31 Iomraidhean Croise

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

গম্ উপদেজ্ 17:4

পাজি মান্‌জ্যে ভান্ন্যেই কধা শুনে; মিজে কধা কোইয়্যে সর্বনাশ কধা শুনে।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 20:6

সেদিন্যে সাগর পার আদাম্মেগুনে কবাক্, ‘চঅ, যিগুনো উগুরে আমি বিশ্বেজ্ গোজ্যেই আর বল্ পেবাত্তে আর আসিরিয়ার রাজা আঢত্তুন্ রোক্ক্যে পেবাত্তে যিগুনো ইদু যেইয়্যেই তারার অবস্থা কি ওইয়্যে। সালে আমি কেধোক্ক্যেন গুরি বাঁজিবোং?’ ”

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিশাইয় 43:27

তর্ আগ বাব্‌পো পাপ গোজ্যে; তর্ তপ্পে যিগুনে কধা কোইয়োন তারা মঅ বিরুদ্ধে পাপ গোজ্যন্।‌‌‍‍

যিশাইয় 47:7

তুই কোইয়োচ্চে, মুই জিংকানিবর্ রাণী থেম্। মাত্তর্ তুই এ পৌইদ্যেনে চিদেয়ো ন-গরচ্, বা ইয়েনর শেজ্ ফলান কি সিয়েন্অ ভাবি ন-চাজ্।

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 14:14

সেক্কে লগেপ্রভু মরে কলঅ, ভাববাদীগুনে মঅ নাঙে মিজে আগাম্‌ কধা কদন্। মুই তারারে ন-পাদাং, তারারে উগুম ন-দুয়োং বা তারা ইধু কনঅ কধায়ো ন-কং। তারা তমা ইধু মিজে দর্শন, মিজে গোণেই দেনা আর নিজোর্ মনেমন্‌জক্কাগুরি মিজে কধা কন্।‍‍

যিরমিয় 26:7

লগেপ্রভুর ঘরত্ যিরমিয় যেক্কে এ কধানি কলঅ সেক্কে ধর্মগুরু, ভাববাদী আর বেক মানুচ্চুনে সিয়েন শুনিলাক্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

আবিলেচ্ 4:18

মান্‌জ্যে আমাত্তেই হাফ্ দি থেদাক্, সেনত্তে আমি আমা মেলা জাগানিত্ আঢি ন-পারিদোং। আমা শেজ কাল কায়-কুরে এলঅ, আমা দিনুন্ ফুরেই যেইয়্যে, কিত্যে আমার শেজ সময়ান্ লুম্মেগি।

যিহিষ্কেল 13:10

যেক্কে কনঅ সুগ্-শান্দি নেই সেক্কে ভাববাদীগুনে কবাক্, সুগ্-শান্দি আঘে, আর এবাবোত্যেগুরি তারা মঅ মানুচ্চুনোরে ভান্ন্যেই পধেদি নেযেয়োন। তারা যেন মানুচ্চুনোর বানেয়্যে এধোক্ক্যেন দেবাল উগুরে চিবিদি দিয়্যে যিয়েন দরমর নয়।

যিহিষ্কেল 13:6

তারার্ দর্শনান্ মিজে আর তারার্ গোণানা-পড়িদেনাগানি ঠিগ্ নয়। তারা কন্দে, মুই এ কধানি কঙর্, অদচ মুই তারারে ন-পাদাং; তো তারা আজা গরন তারার্ কধানি ফলিবো।

যিহিষ্কেল 22:14

মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

হোশেয় 4:9

যেবাবোত্যেগুরি মানুচ্চুনোরে সেবাবোত্যে ধর্মগুরুগুনোরেয়ো সাজা দিয়্যে অবঅ; তারার্ আচার-বেবহারত্তে তারারে বেক্কুনোরে মুই সাজা দিম আর তারার্ কাম মজিম্ ফল দিম।

হোশেয় 6:10

ইস্রায়েল ভিদিরে মুই এক্কান জঘন্য বেপার দেখ্যং। সিয়েনত্ ইফ্রয়িমে বেভিচের্ গোজ্যে আর ইস্রায়েল অসিজি ওই যেইয়্যে।

হোশেয় 9:5

তারার্ পরবর্ দিনোত্ আর লগেপ্রভুর উৎসব-দিনোত্ তারা কি গুরিবাক্?

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

মীখা 2:6

তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

দ্বি’লম্বর বিররণ 32:20

তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।