যিরমিয় 5:3 - Chakma Bible

³ ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 5:3 Iomraidhean Croise

পত্থম 19:34

তার্‌ কেল্যে দাঙর্‌বো চিগোন্নোরে কলঅ, “চাহ্, কেল্যে রেদোত্‌ মুই বাবা লগে ঘুম্‌ যেয়োং। আদিচ্‌, এচ্চ্যে রেদোত্‌অ তারে সেধোক্ক্যেন গুরি মাত্তল্‌ গুরিই, সে পরেদি তুই যেইনে তা লগে ঘুম্‌ যেবেগোই। সেক্কে বাবারে দিইনে আমি আমা বংশবো রোক্ষ্যে গুরি পারিবোং।”

১ রাজাবলী 13:33

ইয়েন পরেন্দিয়ো যারবিয়ামে তার্‌ ভান্ন্যেই পধত্তুন্‌ ন-ফিরিলো বরং পূজোর্‌ অজল্‌ জাগানিত্তেই বেক্‌ মানুচ্চুনো ভিদিরেত্তুন্‌ ধর্মগুরু নেযেল। যে কনজনে ধর্মগুরু অবাত্তে চেলে তারে তে পূজোর্‌ অজল্‌ জাগায়ানিত্‌ ধর্মগুরু ইজেবে নেযেদ।

২ রাজাবলী 1:13

ইয়েন পরেন্দি রাজা আর ইক্কো সেনাপতি আর তার্‌ পঞ্চাশজন সৈন্যরে পাধেই দিলো। এ তিন লম্বর সেনাপতিবো উগুরে উদিনে এলিয়ো মুজুঙোত্‌ মাঢা নিগিরিনে কোজোলী গুরি কলঅ, “ও গোজেন মানুচ্‌, তুই দোয়্যে গুরি আমা পঞ্চাশজন চাগর পরাণানি রোক্ষ্যে গর্‌।

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

২ বংশধর 28:22

তার্‌ এ দুগোত্‌ রাজা আহসে লগেপ্রভু উগুরে আরঅ অবিশ্বেজি অলঅ।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গীতসংহিতা 51:8

মরে হুজির্ রঅ আর রঙ্গ-ফুত্তির রঅ শুনিবাত্তে দে; তর্ গুড়ি গোজ্যে মর্ এই আড়ুনে ফুত্তি গোরোদোক্।

গীতসংহিতা 55:20

মর্ সেই সমাজ্যেবো সমারে যিগুনে সুগে-শান্দিয়্যে এলাক্ তারার উগুরেয়ো সেই সমাজ্যেবো আত্ তুল্যে আর তার চুক্তিবো ভাঙ্যে।

গম্ উপদেজ্ 21:29

পাজি মান্‌জ্যর মুয়োদি কনঅ লাজাইদে ধোক্ক্যেন ন-লাগে, মাত্তর্ গম্ মান্‌জ্যে তা জিংকানি-পধেদি চলানা পৌইদ্যেনে বিশ্বেজ্ থায়।

গম্ উপদেজ্ 22:12

লগেপ্রভু জ্ঞানান্ রোক্ষ্যে গরে, মাত্তর্ তে অবিশ্বেজিগুনোর কধা -বাত্তানি ফোলেই ন-দে।

গম্ উপদেজ্ 23:35

তুই কবে, “তারা মরে আঘাত্ গোজ্যন্ মাত্তর্ মুই পিড়ে ন-পাং, মরে তারা মাজ্যন্ মাত্তর্ মুই তার্ ন-পাং। কক্কনে মুই জাগি উদিনে আরঅ মদ্ তোগেবাত্তে যেম্?”

গম্ উপদেজ্ 27:22

বাজে-বিবেক্ মান্‌‌‌‌জ্যরে যুনিয়ো শোজ্যলোই হামানদিস্তালোই গুড়ি গরা অয়, তো তার ভুলানে তারে ছাড়ি ন-যেবঅ।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 42:25

সেনত্তে তে তার জোল্‌‌‌‌জোল্যে রাগ্‌কান আর যুদ্ধোর দর্‌‌‌‌গরেপারাগান্ ইস্রায়েল উগুরে ঢালি দিয়্যে। সেক্কে সেই আগুনানে সিয়েনর্ চেরোকিত্তে জ্বুলি উদিলো, তো তে বুঝি ন-পারিলো; আগুনান্ তা কিয়্যেত্ বাঁজিলো, মাত্তর্ সিয়েনত্ তে মনান্ ন-দিলো।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিশাইয় 9:13

মাত্তর্ যিবে তারারে আঘাত্ গোজ্যে তাইদু মানুচ্চুনে ফিরি ন-এজন্, বেগত্তুন্ খেমতাবলা লগেপ্রভুর আওজ্ মজিম ন-চলে।

যিরমিয় 15:7

দেজর শঅর-গেদো ইধু মুই কুলোত্ গুরিনে তঅ মানুচ্চুনোরে ঝারিম। মঅ মানুচ্চুনো উগুরে মুই পুয়ো-ছা মরানার দুঘ্ আনিম আর তারারে ভস্ত গুরিম, কিত্তে নিজো পথ্‌‍তানিত্তুন তারা ন-ফিরোন্।‍

যিরমিয় 17:23

তমা পুরোণি মানুচ্চুনে সে কধা নয়ো শুনোন্, সিয়েনত্ মনযোগ্‌‌অ ন-দুয়োন। তারা তারার গত্তনাবো দরমর গোজ্যন; তারা মঅ কধানি শুনিবাত্তে আর মঅ শাজনান্ মানিবাত্তে অস্বিগের গোজ্যন।

যিরমিয় 19:15

“ইস্রায়েলর বেগত্তুন খেমতাবলা লগেপ্রভু কলঅ, ‘শুন, মুই এ শঅরানর আর তা কায়-কুরে আদামানি উগুরে যেদক্কানি দজা ঘোদেবার কধা কোইয়োং মুই সেই বেক্কানি তারা উগুরে ঘোদেম্, কিত্তে তারা গত্তনা দরমর গোজ্যন আর মঅ কধাগান ন-শুনোন।’ ”

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

যিরমিয় 44:10

এজঅ সং তুমি নিজোর মনান ভাঙিনে কট্টা কট্টা ন-গরঅ বা মরে ভোক্তিগুরিনে নয়ো দরঅ; তমার বা তমা পুরোণি মানুচ্চুনো ইধু মুই যে রীদি-সুদোমানি দুয়োং সিয়েনিয়ো তুমি ন-পালঅ।

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

যিরমিয় 7:28

সেনত্তে তুই তারারে কবে, ‘তুমি সেই জাদ্, যে তার গোজেন লগেপ্রভুর আওজ্ মজিম ন-চলে বা তার সংশোধনত্ ন-শুনোন্। সত্যগান ভস্ত ওই যেইয়্যে; কনজনে সে পৌইদ্যেনে মুয়োদিয়ো ন-আনন্।’ ”

যিরমিয় 8:5

সালে কিত্তে যিরূশালেমর এ মানুচ্চুনে ভান্ন্যেই পধেদি যেইনে আর ফিরি ন-এজন্? তারা ছলনাগানরে আজাবোদে ধুরি রাগান; তারা ফিরি এত্তে অস্বিগের্ গরন।

যিহিষ্কেল 2:4

যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে।

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

দানিয়েল 9:13

মোশির সুদোমত্ যেবাবোত্যে লেগা আঘে সেবাবোত্যেগুরি এই বেক্ দযানি আমা উগুরে এইচ্চ্যে, তো আমি আমা পাপত্তুন্ ফিরিনে আমা গোজেন লগেপ্রভুর দোয়্যে পেবার চেট্ট্যা ন-গরন্; তর্ সত্য উগুরে আমি মনযোগী ন-ওই।

লেবীয় 26:23

এদক্কানি ঘটনার্‌ পরেদিয়ো যুনি তুমি মর্‌ শাজনানি মানি ন-নেযেইনে মর্‌ বিপক্ষে আদঅ,

আমোষ 4:10

মিসরত্ যেবাবোত্যেগুরি পাদেয়োং সেবাবোত্যেগুরি মুই তমা ভিদিরে ভানা পাদেলুং। মুই যুদ্ধোর্ মাধ্যমে তমা গাবুজ্যেগুনোরে মারে ফেলেলুং আর তমা ঘোড়াগুন নেযেলুং। তমা তাম্বুলানির্ পজাবাজ্‌‌চান্ তমা নাগত্ ভোরেই দিলুং; তো তুমি মইদু ফিরি ন-এলা।

আমোষ 4:11

মুই তমা গোজেন যেবাবোত্যেগুরি সদোম আর ঘমোরাগানরে ভস্ত গোজ্যং সেবাবোত্যেগুরি তমারে বোউত্ জনরে ভস্ত গুরিলুং। তুমি ওইয়ো আগুনোত্তুন্ তুলি লোইয়্যে জ্বোল্‌‌‌জোল্যে দার্‌‌‌বো ধোক্ক্যেন, তো তুমি মইদু ফিরি ন-এলা।

আমোষ 4:6

“মুই আরঅ কঙর্, পত্তি শঅরত্ মুই তমারে খালি পেদে রাগেলুং আর পত্তি আদামত্ রুটির অভাব দিলুং; তো তুমি মইদু ফিরি ন-এলা।

আমোষ 4:8

পানিত্তে মানুচ্চুনে দুলোদে দুলোদে আদামে আদামে গেলাক্ মাত্তর্ যগাজ্যে পানি হেই ন-পেলাক্; তো তুমি মইধু ফিরি ন-এলা।

আমোষ 4:9

মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

সফনিয় 3:7

মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।

রোমীয় 2:2

আমি কোই পারিই যিগুনে এবাবোত্যে কাম্ গরন্ গোজেনে তারারে উজিত্ বিচের্ গরে।

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?