যিরমিয় 5:28 - Chakma Bible

²⁸ তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিরমিয় 5:28 Iomraidhean Croise

ইয়োব 12:6

লুদেয়্যেগুনোর্‌ তাম্বুলোত্‌ কনঅ হাঙেলেত্যে নেই; যিগুনে গোজেনরে হাঙেলেত্যে গরন্‌ তারা গমেডালে থান্‌; গোজেনেয়ই যেনে তারারে বেক্কানি দের্‌।

গীতসংহিতা 119:70

তারার মনানি পেদডাম ধোক্ক্যেন দাঙর্, মাত্তর্ মুই তর্ বেক উগুমানিলোই হুজি অং।

গীতসংহিতা 72:4

তা রেজ্যর অত্যেচারগুরিয়্যে মানুচ্চুনো উগুরে তে ন্যায়বিচের গোরোক্; নাদা মানুচ্চুনোরে বাঁজা আর অত্যেচারগুরিয়্যেগুনোরে বিঝেই ফেলা।

গীতসংহিতা 73:12

ইগুনে অলাক্ সেই পাজি মানুচ্চুন যিগুনে আরামে থেইনে ধন-সোম্বোত্তি বাড়েয়োন্।

গীতসংহিতা 73:4

কিত্তে মুরিবার কাদাল্যে তারা দুঘ্ ন-পান্ আরে তারার কিয়্যেগানিয়ো বেশ্ পক্তামক্তা থায়।

গম্ উপদেজ্ 15:25

লগেপ্রভু বাড়্‌বো গুরিয়্যেগুনোর ঘরানি ভাঙি ফেলায়, মাত্তর্ তে রানিমিলে দুযিগান ঠিগ্ রাগায়।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 2:33

“ও যিহূদা, তুই কোচ্‌‍‍পানা ইন্দি কত্তমান কাবিল্! বেগত্তুন্ ভান্ন্যেই মিলেয়ো তঅ পথ্‌‌‌‌তান দেগিনে শিগি পারে।

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

যিরমিয় 7:6

যুনি বিদেশি, মা-বাপ নেইয়্যে বা রানিমিলেগুনোরে অত্যেচার ন-গোজ্য আর এ দেজত্ নিদ্দুযিগুনোর লো ন-ঝোরেয়ো আর দেব-দেবেদাগুনোর পিজেদি যেইনে নিজোরে খেতি ন-গোজ্য,

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

সখরিয় 7:10

তুমি রানিমিলে, মা-বাপ নেইয়্যে, বিদেশী আর নাঢা মানুচ্চুনো উগুরে অত্যেচার ন-গোজ্য; মনে মনে এক আর একজন বিরুদ্ধে কুজুরোমি ন-গোজ্য।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।