যিরমিয় 5:26 - Chakma Bible

²⁶ মঅ মানুচ্চুনো ভিদিরে এন্ পাজি মানুচ্ আগন যিগুনে পেগ্ শিগেরি ধোক্ক্যেন উৎ পাদিনে থান; তারা ফাল্ পাদিনে মানুচ্ ধরন।

যিরমিয় 5:26 Iomraidhean Croise

গীতসংহিতা 64:5

তারার বজং সল্লাগানি তারা দরমর গুরি নেযান, আর হবর্ ন-পেইয়্যেগুরি ফাল্ পাদিবার সল্লা গরন্; তারা কন্দে, “কনজনে ইন্দি খিয়েল্ ন-গুরিবাক।”

গম্ উপদেজ্ 1:11

ধোজ্য, কনজনে কলঅ, “আমা লগে এজঅ, খুন গুরিবাত্তে যেই আমি হাপ্ দি থেই, কনঅ নিদ্দুযি মান্‌জ্যরে ধুরিবাত্তে পোল্ল্যেই থেই।

যিশাইয় 32:7

বদ্‌মাইশচুনোর কামর ধারাবো বজং; এমন্ কি, অভাবীগুনোর্ কোজোলীগানি যগাজ্যে অলেয়ো তে মিজে কধালোই তারারে ভস্ত গুরিবাত্তে বজং ফন্দি গরে।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 18:20

ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

যিরমিয় 18:22

তুই তারা বিরুদ্ধে অদাদত্ আক্রমন আনিলে তারার ঘরত্তুন কানানার্ রঅ শুনো যোক্, কিত্তে মরে ধুরিবাত্তে তারা গাদ্ খুজ্যন আর মঅ টেঙানিত্তে ফাল্ পাদি রাগেয়োন।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 9:8

তারার জিলানি দর্‌গরেপারা সেল ধোক্ক্যেন; সিয়েনে ছলনার কধা কয়। পত্তিজনে মুয়োদি পাড়াল্যেগুনো লগে মিদে কধা কন মাত্তর্ মন ভিদিরে সিয়েনর বিরুদ্ধে ফাল্ পাদন। ‌‌‌‌‍

মীখা 6:10

পাজি মানুচ্চুনোর্ ঘরত্ অসৎ উপায়ে পেইয়্যে ধন-সোম্বোত্তি আর ঠোগেবার মাবেদে আড়ি আঘে যিবে মুই ঘিনাং।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

লূকে লেখ্যে গম্ হবর্ 5:10

শিমোন বেবসার্ ভাগীদার্ যাকোব আর যোহন নাঙে সিবদিয়র্ দ্বিবে পুয়োও আমক্ অলাক্। সেক্কে যীশু শিমোনরে কলঅ, “ন-দোরেস্; ইক্কিনেত্তুন্ ধুরি তুই গোজেনত্তে মানুচ্ ধুরিবে।”