যিরমিয় 5:22 - Chakma Bible

²² তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

যিরমিয় 5:22 Iomraidhean Croise

পত্থম 1:9

ইয়েন পরেদি গোজেনে কলঅ, “আগাজ তলেদি বেক্‌ পানিগান এক্কান জাগাত্‌ জমা ওক্‌ আর শুগুনো জাগা দেগা দুয়োগ্‌।” আর সিয়েনই অলঅ।

১ রাজাবলী 13:28

সে পরেন্দি তে যেইনে দেগিলোদে পথ্‌তান উগুরে কিয়্যেগান পড়ি আঘে আর তার্‌ কায়-কুরে থিয়্যেই আগেদে গাধা আর সিংহবো। সিংহবো সে মরাকিয়্যেগান ন-হায় আর গাধাবোরেয়ো আঘাত্‌ ন-গরে।

ইয়োব 26:10

পহর্ আর আন্ধারানে যিয়েনত্ যেইনে মিজেই সিয়েনত্ তে আগাজ আর সাগর সংমোধ্যে দুযি টান্যে।

ইয়োব 37:24

ইয়েনত্তে মান্‌জ্যে তারে ভোক্তি গুরিনে দরান্; যিগুনে নিজোরে জ্ঞানি মনে গরন তারান্দি তে কনঅ নজর্ ন-দে।”

ইয়োব 38:8

যেক্কেনে পিত্‌থিমীর পেদত্তুন বড় গাঙান্ নিগিলি এচ্চ্যে সেক্কেনে কন্না তারে দোরান্দোই বন্ধ গোজ্যে?

গীতসংহিতা 104:9

এধোক্ক্যেন্ গুরি তুই পানির দুযিগান ঠিগ্ গুরি দুয়োচ্, যেনে পানিয়ে আর্ কনদিন্‌অ দুযিগান পার্ ওইনে পিত্‌থিমীগানরে ঢাগি ন-ফেলায়।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 33:7

তে সাগর পানিগান এগত্তর্ গুরিনে তুবেয়্যে, আর নানান্ ভান্ডালত্ সে গভীন পানিগান রাগায়।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

গম্ উপদেজ্ 8:29

তে যেক্কেনে সাগর দুযিগান থির্ গোজ্যে যেন পানিগান তা পরিমান বারেদি পার্ ওই ন-এজে, যেক্কেনে তে পিত্‌থিমীর গড়াগান ঠিগ্ গোজ্যে,

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 64:2

আগুনানে যেধোক্ক্যেন ডেলাগুনোরে জ্বালায় আর পানি সিজাইদ্যে সেধোক্ক্যেন তুই লামি এইনে তঅ শত্রুগুনো ইদু নিজোরে ফগদাং গর্, যেন জাদ্‌‌তুনে তঅ মুজুঙোত্ দরে গির্‌‌গিরেন।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 31:35

যিবে দিনোত্ বেলানরে আর রেদোত্ চান্নোরে আর তারাগুনোরে পহ্‌র দিবাত্তে উগুম দে, যিবে সাগরানরে উলোত্ পালত্ গরে যেনে তার তুবোলুন গুজুরি উদে, যিবের্ নাঙান বেগত্তুন্ খেমতাবলা লগেপ্রভু, ‍‍‍‍‍‍‍‍‍‍‍

দানিয়েল 6:26

মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্‌অ থুম্ ন-অবঅ।

আমোষ 4:12

সেনত্তে ও ইস্রায়েল, মুই হামাক্কায় তমা লগে এবাবোত্যে বেবহার গুরিম। সেনত্তে ও ইস্রায়েল, তুই গোজেন মুজুঙোত্ থিয়্যেবাত্তে তুই যুক্কোল্ অ।”

আমোষ 9:6

তে আগাজত্ তা অজল্ ঘরান বানেয়্যে আর পিত্‌থিমীগান উগুরে চানান ধোক্ক্যেন আগাজ্‌চানরে থিদেবর্ গোজ্যে; তে সাগর পানিগানরে ডাগিনে ভূইয়ো উগুরে ঢালি দে। যিবে ইয়েনি গরে তা নাঙান্ লগেপ্রভু।

যোনা 1:16

সেক্কে সে মানুচ্চুনে লগেপ্রভুরে অমকদ দরা ধুরিলাক্। তারা লগেপ্রভুর নাঙে য়েমান উৎসর্ব গুরিলাক্ আর তাইদু কয়েক্কান মানত্ গুরিলাক্।

নহূম 1:4

তে সাগরানরে ধমক্ দিইনে শুগেই ফেলায়; বেক্ গাঙানিরে তে পানি নেইয়্যে গুরি দে। বাশন আর কর্মিলান্ শুগেই যায় আর লেবাননর্ বেক ফুলুন্ শুগেই যান।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

মার্ক 4:39

যীশু উদিনে বোইয়্যেরানরে ধমক্ দিলো আর সাগরানরে কলঅ, “থাম্, জুরঅ অ।” সেক্কে বৌইয়্যেরান্ থামেল আর বেক্কানি জদবদে জুরঅ ওই গেলঅ।

লূকে লেখ্যে গম্ হবর্ 12:5

কারে দোরেবা মুই তমারে সিয়েন্ কোই দোঙর্। তমারে মারে ফেলেবার্ পরেদি নরগত্ ফেলে দিবার্ খেমতা যার্ আঘে তারেই দোরেয়ো। অয়, মুই তমারে কঙর্, তারেই দোরেয়ো।

দ্বি’লম্বর বিররণ 28:58

এ বোইবোত্‌ যেদক্কানি রীদি-সুুদোম লেগা আঘে সিয়েনি যুনি তুমি গমেডালে মানি ন-চলঅ, অত্তাৎ তমার গোজেন লগেপ্রভু বিলিনে ইয়েন যে বাঈনী ‍গুরিবার আর দর্‌ জাগেয়্যে নাঙান্‌ রোইয়্যে যুনি তুমি সে নাঙানরে সর্মান ন-গরঅ,

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”