যিরমিয় 5:19 - Chakma Bible

¹⁹ যেক্কে মান্‌জ্যে পুযোর্ গুরিবাক্, ‘আমা গোজেন লগেপ্রভু আমা উগুরে ইয়েনি কিত্তে গুরিলো?’ সেক্কে তুই তারারে কবে, ‘যেবাবোত্যে তুমি মরে ছাড়িনে তমা দেজত্ দেব-দেবেদাগুনোরে সেবা গোজ্য সেবাবোত্যেগুরি যে দেজ্‌‌‌চান তমার নিজোর নয় সে দেজত্ যেইনে ইক্কিনে তুমি বিদেশিগুনোরে সেবা গুরিবে।’ ”

যিরমিয় 5:19 Iomraidhean Croise

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 16:13

সেনত্তে মুই এ দেজত্তুন্ তমারে এমন এক্কান দেজত্ ছিদি ফেলেই দিম্ যে দেজ্‌‌চানর কধা তুমিয়ো হবর্ ন-পঅ, তমা পুরোণি মানুচ্চুনেয়ো হবর্ ন-পেদাক্। সিয়েনত্ তুমি দিন-রেদ দেব-দেবেদাগুনোরে সেবা গুরিবা, কিত্তে মুই তমারে কনঅ দোয়্যে ন-দেগেম।’ ”

যিরমিয় 17:4

যে অধিকারান্ মুই তরে দুয়োং, তর্ নিজো দুষে তুই সিয়েন আরেবে। যে দেজ্‌চান কধা তুই হবর্ ন-পাজ্ সে দেজত্ মুই তরে তঅ শত্রুগুনোর চাগর্ বানেম, কিত্তে তুই মর্ রাগর্ আগুনান জ্বালেয়োচ্ আর সিয়েন জিংকানিবর্ জুলিবো।‍

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিরমিয় 2:14

ইস্রায়েলে কি চাগর্? তে কি জর্মত্তুন ধুরি চাগর্? কিত্তে তে শিগেরর্ জিনিস্ ওইয়্যে?

যিরমিয় 5:18

লগেপ্রভু কোইয়্যেদে, “তো সেই দিনুনোত্ মুই পুরোপুরিগুরি তরে ভস্ত ন-গুরিম।

যিরমিয় 5:20

লগেপ্রভু যাকোবর্ বংশবোরে এ কধাগান কবাত্তে আর যিহূদা ইধু এ কধাগান ফগদাং গুরিবাত্তে কোইয়্যে,

যিরমিয় 9:12

কন্ মানুচ্চো এমন জ্ঞানী যে, এ কধাগান বুঝি পারে? কন্না লগপ্রভুর ইত্তুন শুনিনে সিয়েন অন্যগুনোরে জানেই পারে? কিত্তে দেজ্‌চান ভস্ত ওইনে ধূল্যেচর ধোক্ক্যেন এমন পুজ্যে ভূইয়ো ধোক্ক্যেন রোইয়্যে, কনজনে সিয়েন পার ওই ন-যান?

যিরমিয় 9:13

লগেপ্রভু কোইয়্যেদে, “সিয়েনর কারনান্ অলঅ, মুই যে সুদোমানি তারারে দুয়োং সিয়েনি তারা ছাড়ি যেইয়োন; তারা মর্ বাধ্য ন-অন বা মঅ কধানিয়ো মানি ন-চলন্।

আবিলেচ্ 5:8

চাগরুনে আমারে শাজন্ গত্তন্; তারা আঢত্তুন্ আমারে উদ্ধোর্ গুরিবার্ কনজন নেই।