যিরমিয় 5:17 - Chakma Bible

¹⁷ তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

যিরমিয় 5:17 Iomraidhean Croise

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিশাইয় 62:9

যিগুনে খেত্-খেত্তি কাবিনে তুবেবাক্ তারা সেই খেত্-খেত্তিগানি হেবাক্ আর লগেপ্রভুরে নাঙ্ গিনিবাক্। যিগুনে আংগুর তুবেবাক্ তারা মর্ সুদ্ধো-সাংগ জাগানর উদোনত্ তার রস্‌চান হেবাক্।” ‌‌‌

যিশাইয় 65:22

তারা ঘর্ বানেলে অন্যগুনে আর সিদু বজত্তি ন-গুরিবাক্, বা গাজ্ লাগেলে অন্যগুনে ফল ন-হেবাক্। মঅ মানুচ্চুনোর আয়ুগান এক্কো গাজর্ আয়ুর সং সং অবঅ; মর্ বেঈ লোইয়্যে মানুচ্চুনে ভালোক্ দিন ধুরিনে তারার আঢর্ কাম ফলুন্ ভোগ গুরিবাক্।

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 25:37

লগেপ্রভুর দর্‌গরেপারা রাগর্ কারনে গম্ গম্ মাদ্‌‌‌‌‌‌‌তুন ফেলা যেইয়্যে ভূই ওই থেবঅ। ‌‌‌‌

যিরমিয় 4:26

মুই রিনি চেলুং লগেপ্রভুর মুজুঙোত্, তার দর্‌গরেপারা রাগর্ মুজুঙোত্ বোল্‌‌‍‌‍বোল্যে দেজ্‌‌‍চান ধূল্যেচর ধোক্ক্যেন ওই যেইয়্যে; তার বেক্ শঅরানি ভস্ত ওই পড়ি আঘে।

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 5:18

লগেপ্রভু কোইয়্যেদে, “তো সেই দিনুনোত্ মুই পুরোপুরিগুরি তরে ভস্ত ন-গুরিম।

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

যিরমিয় 8:13

লগেপ্রভু কোইয়্যেদে, “তারারে মুই শেজ্ গুরি দিম। আংগুর লুদিত্ কনঅ আংগুর ন-থেবাক্, ডোমোর গাজত্ ডোমোর গুলো ন-থেবাক্ আর সিগুনোর পাদানি শুগেই যেবঅ। মুই তারারে যিয়েনি দুয়োং সিয়েনি আর ন-থেবঅ।”

যিরমিয় 8:16

দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

আবিলেচ্ 2:12

তারা তারার্ মাগুনোরে কন্, “রুটি আর আংগুর-রস কুদু?” ইয়েন কোইনে তারা শঅরর্ খুলো জাগায়ানিত্ আহত মান্‌‌জ্য ধোক্ক্যেন অজ্ঞান ওই পোজ্যন; মা করত্ তারার্ জিংকানিগানি শেজ্ ওই যার্।

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

যিহিষ্কেল 36:4

সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

হোশেয় 2:12

যেদক্কানি আংগুর-লুদি আর ডোমোর্ গাজ পৌইদ্যেনে তে কোইয়্যে, তার পাওনা ইজেবে তা লাঙুনে দুয়োন, সিয়েনি মুই বর্‌‌বাত্ লাগেম; সিয়েনি মুই ঝারত্ ফেলেই দিম্বোই আর য়েমানুনে সিয়েনি হেই ফেলেবাক্।

হোশেয় 8:14

ইস্রায়েলর মানুচ্চুনে নিজো গোজেনরে ভুলি যেইনে দাঙর্ দাঙর্ ঘর বানেয়োন; যিহূদার মানুচ্চুনে ভালোক্কানি শঅর্ দেবাল্লোই ঘিজ্যন্। মাত্তর্ মুই তারার্ শঅরানি উগুরে আগুন পাদেম্ যিয়েনে তারার্ বেক ঘরানিরে পুড়ি ফেলেব।”

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।

লেবীয় 26:16

সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

সফনিয় 3:6

লগেপ্রভু কত্তে, মুই জাদ্‌তুনোরে শেজ্ গুরি দুয়োং; তারার্ অজল্ চুগিদার ঘরানি ভস্ত ওই যেইয়্যে। মুই তারার্ পথ্‌‌‌তানি মানুচ্ নেইয়্যে গোজ্যং; কনজনে সিন্দি আর ন-যান। তারার্ বেক শঅরানি ভস্ত ওই যেইয়্যে; সিয়েনিত্ কনজন নেই, কনজনে বজত্তি ন-গরন্।

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।