যিরমিয় 5:15 - Chakma Bible

¹⁵ লগেপ্রভু কোইয়্যেদে, “ও ইস্রায়েলীয়গুন, মুই তমা বিরুদ্ধে দূরত্তুন এক্কো জাদরে আনিম্। সিবে এক্কো পুরোণি আর টিগি থেইয়্যে জাদ্; সে মানুচ্চুনোর ভাষা তুমি হবর্ ন-পেবা আর তারা কধানি তুমি ন-বুঝিবে।

যিরমিয় 5:15 Iomraidhean Croise

পত্থম 11:7

সেনত্তে এজঅ, আমি তলে লামিনে তারা কধানিত্‌ যাগুলুক্‌ বাজেই দিই যেনে তারা একজন কধা আরেকজনে বুঝি ন-পারন।”

গীতসংহিতা 81:5

যেক্কেনে তে সাজা দিবাত্যে মিসর দেজ বিরুদ্ধে নিগিলিলো সেক্কেনে যোষেফ-বংশবোত্যে তে এ পরব্‌পো সাক্ষি ইজেবে থিদেবর্ গুরিলো। মুই এন্ এক্কান কধা শুনেলুং যিয়েন আগে ন-বুঝোং।

যিশাইয় 28:11

বেশ্, সালে লগেপ্রভু বিদেশীগুনোর মুয়োত্ আমক্ অবার্ ভাষালোই এ মানুচ্চুনো ইদু কধা কবঅ।

যিশাইয় 29:3

মুই তঅ চেরোকিত্তে তঅ বিরুদ্ধে তাম্বুল ফেলেম্, তাম্বুল ঘর্ তুলিনে তরে ঘিরিম্, আর তঅ বিরুদ্ধে অজল্ গুরি বিদে বানেম্।

যিশাইয় 33:19

সেই দেমাগ-ভরা মানুচ্চুনোরে তুই আর্ ন-দেগিবে; ন-দেগিবে সেই ন-জান্যে ভাষা কোইয়্যে মানুচ্চুনোরে, যিগুনোর্ কধা অদ্ভুদ আর বুঝো ন-যায়।

যিশাইয় 39:3

পরেদি ভাববাদী যিশাইয় রাজা হিষ্কিয় ইদু যেইনে পুযোর্ গুরিলো, “সেই মানুচ্চুনে কি কলাক্, আর কুত্তুন্ বা তারা এচ্চ্যন্?” হিষ্কিয় কলঅ, “তারা দূরো দেজত্তুন্, বাবিল দেজত্তুন্ এচ্চ্যন্।”

যিশাইয় 5:26

তে দূরো জাদ্‌তুনোত্তে এক্কান বাবতা উড়েব আর পিত্‌থিমীর শেজ্ দুযিত্ সেই মানুচ্চুনোরে ডাগিবো। দেগিবা, তারা যাদিমাদি গুরি দাবা দাবা এবাক্।‌

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 4:16

জাদ্তুনো ইধু আর যিরূশালেম ইধু এ কধাগান ফগদাং গরঅ, “ঘিরিবাত্তে সৈন্যগুনে দূর দেজত্তুন্ এত্তন্; তারা যিহূদার শঅরানির বিরুদ্ধে যুদ্ধোর্ ডাগ দেদন্।‌

যিরমিয় 5:11

ইস্রায়েল আর যিহূদার মানুচ্চুন মঅ উগুরে অমকদ অবিশ্বেজি ওইয়োন। মুই লগেপ্রভু এ কধাগান কঙর্।”

যিরমিয় 6:22

লগেপ্রভু এ কধাগান কোইয়্যেদে, “চঅ, উত্তোরে দেজত্তুন একদল সৈন্য এত্তন্; পিত্‌থিমীর শেজ্ দুযিত্তুন এক্কো দাঙর্ জাদ রাগে গং দি এজের্।

যিহিষ্কেল 18:31

তমা বেক্ অন্যেয়ানি তমা নিজোত্তুন্ দূর গরঅ আর তমা রিবেঙানি আর মনানি নুয়ো গুরি তুলো। কিত্তে তুমি মুরিবা?

দানিয়েল 1:4

সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

আমোষ 6:14

বেগত্তুন্ খেমতাবলা গোজেন লগেপ্রভু কোইয়্যেদে, “ ইস্রায়েলর মানুচ্চুন, মুই তমা বিরুদ্ধে এক্কো জাদরে পাদেম। সে জাদ্‌তো‌‌ হমাৎ চাগালাত্তুন ধুরি দোগিণেদি অরাবা কলগ সং বেক্ জাগানিত্ তমা উগুরে অত্যেচার গুরিবো।”

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

১ করিন্হীয় 14:21

মোশির আইন-কানুনোত্ প্রভু কয়, “অন্য ভাষার্ মানুচ্চুনোরে দিইনে আর অন্যগুনোর মুয়োদি মুই এ জাদ ইধু কধা কোম্, মাত্তর্ তো তারা মঅ কধা ন-শুনিবাক্।”

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।