যিরমিয় 49:8 - Chakma Bible

⁸ ও দদানর আদাম্মেগুন, তুমি পিজেদি ফিরিনে ধেই যঅ, গুমুরো জাগানত্ যেইনে পৌল্যেই থাগঅ, কিত্তে এষৌরে সাজা দিবার অক্তত্ মুই তা উগুরে দযা আনিম।

যিরমিয় 49:8 Iomraidhean Croise

যিশাইয় 2:21

লগেপ্রভু যেক্কে পিত্‌থিমীর মানুচ্চুনোরে দর্ জিনিস্‌ছান দেগেবাত্তে এবঅ সেক্কে তার দর্‌গরেপারা আর তার মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।

যিশাইয় 21:13

আরব পৌইদ্যেনে আগাম্ কধা ইয়েন: ও দদানীয় যেইয়্যে দল্লো, তুমি যিগুনে আরবর্ ধূল্যেচর-চাগালাত্ তাম্বুল টাঙ,

যিশাইয় 34:5

মঅ তলোয়ারান্ স্বর্গত্ পুরোপুরি গুরি যুক্কোল্; চঅ; বিচেরত্তে সিয়েন ইদোম উগুরে, অত্তাৎ যে মানুচ্চুনোরে মুই ভস্তর্ অভিশাব তলেদি রাগেয়োং তারা উগুরে লামি এজের্।

যিরমিয় 25:23

দদান, টেমা, বূষ দেজর্ মানুচ্চুনোরে; মাঢাবোর দ্বিকিত্তেদি চুল কাবা মানুচ্চুনোরে;

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 48:28

ও মোয়াবর আদাম্মেগুন, তুমি শঅরান ছাড়িনে মুড়োত্ যেইনে বজত্তি গরঅ। তুমি এমন কোদোর ধোক্ক্যেন অ, যে মুড়োমুড়ি গাদ মুয়োত্ তা ঘরান বানায়।

যিরমিয় 48:44

যে মানুচ্চো দরে ধেই যেবঅ তে গাদত্ পুরিবো, যে মানুচ্চো গাদত্তুন্ উদি এবঅ তে ফালত্ ধরা পুরিবো; কিত্তে মুই মোয়াবর সাজাগানর্ সময়ান্ ঠিগ্ গুরি রাগেয়োং। মুই লগেপ্রভু এ কধাগান কঙর্।

যিরমিয় 48:6

ধেই যেই, যার্ যার্ পরাণান্দোই দাবা দুয়ো; ধূল্যেচর-চাগালার ঝুবো ধোক্ক্যেন অ।

যিরমিয় 49:30

লগেপ্রভু কোইয়্যেদে, “ও হাৎসোরর আদাম্মেগুন, তুমি যাদিমাদি ধেই যঅ। তুমি গুমুরো জাগাত্ যেইনে থাগঅ। বাবিল রাজা নবূখদ্‌নিৎসরে তমা বিরুদ্ধে কুজুরোমি গোজ্যে, তমা বিরুদ্ধে এক্কান পরিকল্পনা গোজ্যে।

যিরমিয় 49:32

তারার উট্‌‌তুন লুদেয়্যে মাল অবঅ আর তারার দাঙর্ য়েমান পাল লুদেয়্যে জিনিস অবঅ। যিগুনে মাঢাবোর দ্বিকিত্তেদি চুল কাবন্ তারারে মুই চেরোকিত্তে চিদি দিম্ আর বেক্কানিত্তুন্ তারা উগুরে দযা অনিম।

যিরমিয় 50:27

তার বেক্ বলদ্ গোরুগুন মারে ফেলঅ; সিগুনোরে জবাই গরেদে জাগানত্ লামি যাদোক্। হায়! তারার সাজা পেবার অক্ত এচ্চ্যে।”

যিরমিয় 6:1

লগেপ্রভু কোইয়্যেদে, “ও বিন্যামীনর মানুচ্চুন, রোক্ষ্যে পেবাত্তে ধেই যঅ। যিরূশালেমত্তুন্ ধেই যঅ। তকোয় শঅরত্ শিঙে বাজঅ। বৈৎ-হক্কেরমত্ ইজিরে দুয়ো, কিত্তে উত্তোরেত্তুন্ দজা আর দর্‌‌‌‌গরেপারা ভস্তগানে ইজিরে দের্।

যিহিষ্কেল 25:13

সেনত্তে মুই প্রভু লগেপ্রভু কঙর্, ইদোম বিরুদ্ধে মুই মঅ আঢ্‌‌‌‌‌‌তানি বাড়েম আর সিদুগোর্ বেক মানুচ্চুন আর এ্যামানুন্ মারে ফেলেম। মুই সিয়েন ভস্তর্ জাগা গুরি রাগেম আর তৈমনত্তুন্ দদান সং মান্‌‌‌‌‌‌জ্যে যুদ্ধোত্ মুড়িবাক্।

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

ফগদাং পেইয়্যে 6:15

পিত্‌থিমীর বেক্‌ রাজাগুনে আর বেগ দাঙর্ নেতাবো, সেনাপতি, থাগোইয়্যে আর খেমতাবলা মানুচ্‌, পত্তি চাগর আর চাগর নয়দে মানুচ্‌ মোন্‌মুড়ো হুলুঙে হুলুঙে আর পাত্তর আন্দলে আন্দলে নিজোরে লুগেলাক্।

বিচের গুরিয়্যেগুন 6:2

ইস্রায়েলীয়গুনো উগুরে মিদিয়নীয়গুনোর অত্যেচার এদক্‌ বাড়িলোদে, ইস্রায়েলীয়গুনে মুড়োবোর ফাদা জাগানত্‌, গাদত্‌ আর মুড়োবো উগুরে তাম্বুলানিত্‌ আশ্রয়র্‌ জাগা গুরিলাক্‌।

১ শমূয়েল 13:6

ইস্রায়েলর সৈন্যগুনে যেক্কে দেগিলাক্, তারা অমহদ চাপর্‌ মুয়োত্‌ পুরিনে দযাদ্‌ পড়ি যেইয়োন সেক্কে তারা যেইনে চুরুঙোত্‌, ঝুব-ঝাড়ত্‌, মুড়ো-মুড়ির ফাদা জাগাত, খাত্তো আর গাদত্‌ লুগিই রলাক্।