যিরমিয় 49:7 - Chakma Bible

⁷ ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিরমিয় 49:7 Iomraidhean Croise

পত্থম 25:30

তে যাকোবরে কলঅ, “মত্তুন অমকদ বল্‌পোজ্যে। তর্‌ সে রাঙা জিনিসছানত্তুন্‌ মরে কিজু হেবাত্তে দে।” এ কধাগানত্তে এষৌর আরঅ এক্কান নাঙ্‌ অলঅ ইদোম (যিয়েনর ভেদতান্‌‍‌ “রাঙা”)।

পত্থম 27:41

যাকোবে তা বাবত্তুন্‌ বর্ পেইয়্যে বিলিনে এষৌ তারে ইংসে গরা ধুরিলো। তে মনে মনে কলঅ, “আমা বাপ্পোত্তে আবিলেজ্ গুরিবার দিনুন ঘোনেই এজের্‌। সে পরেদি মুই মঅ ভেই যাকোবরে মারে ফেলেম।”

পত্থম 32:3

যাকোবে তা আগে আগে সেয়ীর, অত্তাৎ ইদোম দেজত্‌ তার্ ভেই এষৌ ইধু কয়েক্কো মানুচ্ পাদেল।

পত্থম 36:11

ইলীফস পুয়োগুন অলাক তৈমন, ওমার, সফো, গয়িতম আর কনস।

পত্থম 36:15

এষৌর পুয়োগুনো ভিদিরে কয়েকজনে গুট্টির নেতা ওইয়োন। এষৌ দাঙর্‌ পুয়োবো ইলীফসর যে পুয়োগুন্‌ নেতা ওইয়োন্‌ তারা অলাক তৈমন, ওমার, সফো, কনস,

পত্থম 36:34

যোববে মুরি যানার্‌ পরেদি তৈমনীয়গুনো দেজত্‌ হূশমে তা জাগানত্‌ রাজা ওইয়্যে।

পত্থম 36:8

সেনত্তে এষৌ সেয়ীরো মুড়ো-মুড়ি চাগালাত্‌ যেইনে গমেডালে বজত্তি গরা ধুরিলো। এষৌর আর এক্কান্‌ নাঙ্‌ এলদে ইদোম।

ইয়োব 2:11

তৈমনীয় ইলীফস, শূহীয় বিল্‌দদ আর নামাথীয় সোফর নাঙে ইয়োবর তিন্নো সমাজ্যে যেক্কেনে ইয়োবর বেক্‌ দযার্‌ কধানি শুনিলাক্‌ সেক্কে তারা ঘরত্তুন্‌ যাহ্ ধুরিলাক্‌। তারা এগত্তর্‌ ওইনে সল্লা গুরিলাক্‌, তারা যেইনে তা সমারে আবিলেচ্‌ হেবাক্‌ আর তারে বুঝেবাক্‌।

ইয়োব 4:1

এ কধাগান শুনিনে তৈমনীয় ইলীফসে জোবত্‌ কলঅ,

গীতসংহিতা 137:7

ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

যিশাইয় 21:11

দূমা, অত্তাৎ ইদোম পৌইদ্যেনে আগাম্ কধা ইয়েন; সেয়ীরত্তুন্ কনজনে মরে ডাগিনে কলঅ, “চুগিদার্‌বো, রেত্তো আর কদক্কন্ আঘে?”

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিরমিয় 12:14

লগেপ্রভু কোইয়্যেদে, “মুই অধিকার ইজেবে যে জাগায়ান মঅ মানুচ্চুনোরে দুয়োং মর্ বেক পাজি পাড়াল্যেগুনে সিয়েনত্ হানা দুয়োন। সেনত্তে মুই তারার দেজত্তুন্ তারারে তুলি দিম্ আর তারাত্তুন যিহূদার মানুচ্চুনোরে তুলি আনিম।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 25:21

ইদোম, মোয়াব আর অম্মোনর মানুচ্চুনোরে;

যিরমিয় 25:23

দদান, টেমা, বূষ দেজর্ মানুচ্চুনোরে; মাঢাবোর দ্বিকিত্তেদি চুল কাবা মানুচ্চুনোরে;

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 49:20

সেনত্তে ইদোম বিরুদ্ধে লগেপ্রভু কি পরিকল্পনা গোজ্যে, তৈমন আদাম্মেগুনো বিরুদ্ধে তে কি ঠিগ্ গোজ্যে সিয়েন শুনো-পালর ছঅগুনোরে টানি নেযা অবঅ; তারার কামানিত্তে তারার চোড়েয়্যে জাগায়ানি তে এক্কুবারে ভস্ত গুরি দিবো।

যিরমিয় 8:9

জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

যিহিষ্কেল 32:29

ইদোম, তার রাজাগুনে আর তার বেক শাজন্‌গুরিয়্যেগুনে সিয়েনত্ আগন; তারার্ খেমতা থেলেয়ো যুদ্ধোত্ মোজ্যন্দে মানুচ্চুনো সমারে তারারে থুয়ো ওইয়্যে। যিগুনে মরণ জাগাত্ লাম্যন্ সেই সুন্নত ন-গোজ্যে মানুচ্চুনো সমারে তারা পড়ি আগন্।

দানিয়েল 11:41

তে দোল্ দেজ্‌‌‌‌চান আক্রমণ গুরিবো। ভালোক্কানি দেজ্ উদি যেবঅ, মাত্তর্ পুরো ইদোম্ আর মোয়াব আহ্ অম্মোনর বেগত্তুন্ গম মানুচ্চুনে তা আঢত্তুন্ উদ্ধোর পেবাক্।

যোয়েল 3:19

মাত্তর্ মিসরান ভস্তর্ জাগা অবঅ আর ইদোমান ভস্ত ওই যেইয়্যে ধূল্যেচর-চাগালা অবঅ, কিত্যে যিহূদার মানুচ্চুনো উগুরে অত্যেচার গরা ওইয়্যে আর তারার্ দেজত্ নিদ্দুজির্ লো ঝরা ওইয়্যে।

হবক্‌‌‌‌কূক 3:3

গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

দ্বি’লম্বর বিররণ 23:7

মাত্তর্‌ ইদোমীয়গুনোরে তুমি ন-ঘিনেবা, কিত্যে তারা তমার ভেই। মিসরীয়গুনোরেয়ো ন-ঘিনেবা, কিত্যে তারার্‌ দেজত্‌ তুমি বিদেশী ইজেবে বজত্তি গোজ্য।