যিরমিয় 49:5 - Chakma Bible

⁵ মুই বেগত্তুন্ খেমতাবলা প্রভু লগেপ্রভু কঙর্, তঅ চেরোকিত্তে বেক্কুনোত্তুন্ মুই তঅ উগুরে অমকদ দর্‌‌‌‌বুগ আনিম। তমারে পত্তিজনরে ধাবেই দিয়্যে অবঅ; ধেই যেইয়্যে মানুচ্চুনোরে এগত্তর্ গুরিবাত্তে কনজন ন-থেবাক্।

যিরমিয় 49:5 Iomraidhean Croise

২ রাজাবলী 19:7

শুন্‌, মুই তা ভিদিরে এন্‌ এক্কান্‌ মনোভাব জাগেই দিম্‌ যিয়েনত্তে তে এক্কান্‌ হবর্‌ শুনিলে তা দেজত্‌ ফিরি যেবঅ আর সিদু মুই তারে লাম্বা ছুড়িলোই শেজ্‌ গুরি দিম্‌।’ ”

ইয়োব 15:21

তা কানত্‌ দর্‌গরেপারা রঅ সুমিবো; যেক্কেনে বেক্কানি গম্‌ চলের্‌ বিলিনে মনে অবঅ সেক্কে লুদেয়্যেগুনে তারে আক্রমণ গুরিবাক্।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

যিশাইয় 16:3

তারা কবাক্, “আমারে সল্লা দে; কি গরানা উজিত্ কঅ। তর্ দিবুজ্যেমাদান ছাবাবোরে রেদো আন্ধার ধোক্ক্যেন গর্-যিগুনে ধেই যাদন্ তারারে লুগেই রাগা, আর যিগুনে রোক্ক্যে পেবাত্তে আশ্রয় চান তারারে ধুরি ন-দিচ্।

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

যিরমিয় 16:16

“মাত্তর্ ইক্কিনে মুই বোউত্ জাল্যেরে ডাগিনে পাদেম্ আর তারা তারার মাছ ধোক্ক্যেন ধুরিবাক্। সে পরেদি মুই বোউত্ শিগেরিরে ডাগিনে পাদেম্ আর তারা পত্তিজনে দাঙর্ আর চিগোন মুড়ো আর পাত্তর ফাদাত্তুন্ তারা শিগের্ গুরি আনিবাক্।

যিরমিয় 20:4

কিত্তে লগেপ্রভু কোইয়্যেদে, ‘মুই তরে তর্ নিজোর আর তঅ সমাজ্যেগুনো ইধু অমকদ দর্‌গরেপারা গুরিম। তুই নিজো চোগেদি যুদ্ধোত্ শত্রুগুনো আঢত্ তারারে মুরি যেবাত্তে দেগিবে। বেক্ যিহূদাগুনোরে মুই বাবিলো রাজা আঢত্ তুলি দিম। তে তারাত্তুন ভালোক্কুনোরে বাবিলোত্ নেযেব আর বাদবাগি মানুচ্চুনোরে মারে ফেলেব।‌

যিরমিয় 46:5

মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 49:29

মানুচ্চুনে তারার বেক্ তাম্বুলানি আর য়েমান পালুন নেযেবাক্ আর তারার বেক্ পযাপিরানি, তাম্বুলো পর্দানি আর উট্‌তুন নেযেবাক্। তারা রঅ ছাড়িনে তারারে কবাক্, ‘চেরোকিত্তে অমকদ দর্!’ ”

যিরমিয় 6:25

তুমি মাদত্ ন-যেয়ো বা পদথ্ ন-আত্য, কিত্তে শত্রুগুনো আঢত্ তলোয়ার আঘে আর চেরোকিত্তেদি রোইয়্যেদে অমকদ দর্।

আবিলেচ্ 4:15

মান্‌জ্যে যগার্ পারিনেই তারারে কদন্, “সরি যঅ, তুমি ফি-বলা। সরি যঅ, সরি যঅ, আমারে ন-ধোজ্য।” তারা ধেই যেইনে ঘুরি বেড়েয়োন্; অন্য জাদ মানুচ্চুনে কধন্, “তারা ইধু আর থেই ন-পারিবাক্।”

আমোষ 4:3

তুমি পত্তিজনে দেবালর্ ভাঙা জাগানদি উজুগুরি নিগিলি যেবা আর হার্মোন ইন্দি তমারে ফেলেই দিয়্যে অবঅ। মুই লগেপ্রভু এ কধাগান কঙর্।