যিরমিয় 49:37 - Chakma Bible

³⁷ যিগুনে তারারে মারে ফেলেবাত্তে চান্ সেই শত্রুগুনো মুজুঙোত্ মুই এলমীয়গুনোরে চুরমার গুরি দিম; মর্ অমকদ রাগত্ মুই তারা উগুরে দযা আনিম। তারারে শেজ্ গুরি ন-ফেলানা সং মুই তারা বিরুদ্ধে তলোয়ার পাদেম্।

যিরমিয় 49:37 Iomraidhean Croise

যিরমিয় 30:24

লগেপ্রভু যেদক্কন সং তা মনর্ আজাগান্ গমেডালে কামত্ ন-লাগায় সেদক্কন সং তার্ দর্‌গরেপারা রাগ্‌কান ফিরি ন-যেবঅ। আগামিদি তুমি ইয়েন বুঝি পারিবা।‌‌‌‌‍‌‌‌‌‌‍‌

যিরমিয় 48:2

মোয়াবরে আর বাঈনী গরা ন-অবঅ; তা পতনত্তে মান্‌‌জ্যে হিশ্‌বোনত্ কুজুরোমী গুরি কবাক্, ‘এজঅ, আমি সেই জাদ্‌‌‍তোরে শেজ্ গুরি দিই।’ ও মদ্‌মেনা, তরেয়ো ভস্ত গরা অবঅ; তলোয়ারানে তঅ পিজেদি লোড়েব। ‌‌‍

যিরমিয় 48:39

তে কিবাবোত্যেগুরি চুর্‌‌মার্ ওইয়্যে! মান্‌‌‌‌জ্যে কেধোক্ক্যেন্‌গুরি তাত্তে আবিলেচ্ গত্তন! মোয়াবে লাজে কেধোক্ক্যেন্‌গুরি তা পিঠ্‌‌‌‌তান ফিরেইয়্যে! মোয়াবে তা চেরোকিত্তে বেক্ মানুচ্চুনো ইধু আজি-ঠাট্টার মানুচ্ ওইয়্যে, আর তা অবস্থা দেগিনে সে মানুচ্চুনে আমক্ ওইয়োন।”

যিরমিয় 49:22

চঅ, তারার শত্রুগুন ঈগল ধোক্ক্যেন গুরি অজলত্ উড়িবাক্ আর বস্রাগান উগুরে ডুয়ো মিলিনে শো গুরিনে তলেদি লামি এবাক্। সেদিন্যে ইদোম যোদ্ধাগুনোর মনত্ পুয়ো ফুদোইদ্যে মিলে মনান ধোক্ক্যেন অবঅ।

যিরমিয় 49:24

দামেস্কগান বল্‌‍‍‌‌‌‌‌‌পোজ্যে ওইয়্যে, তে ধেই যেবাত্তে ফিজ্যে আর তারে আজাবোদে ধোজ্যে; পুয়ো ফুদেয়্যে মিলে ধোক্ক্যেন পীড়ে আর যন্ত্রনা তারে ধোজ্যে।

যিরমিয় 49:29

মানুচ্চুনে তারার বেক্ তাম্বুলানি আর য়েমান পালুন নেযেবাক্ আর তারার বেক্ পযাপিরানি, তাম্বুলো পর্দানি আর উট্‌তুন নেযেবাক্। তারা রঅ ছাড়িনে তারারে কবাক্, ‘চেরোকিত্তে অমকদ দর্!’ ”

যিরমিয় 49:38

মুই এলমত্ মর্ সিংহাসনান্ থিদেবর্ গুরিম আর তার রাজা আর রাজার চাগরুনোরে ভস্ত গুরিম,

যিরমিয় 49:5

মুই বেগত্তুন্ খেমতাবলা প্রভু লগেপ্রভু কঙর্, তঅ চেরোকিত্তে বেক্কুনোত্তুন্ মুই তঅ উগুরে অমকদ দর্‌‌‌‌বুগ আনিম। তমারে পত্তিজনরে ধাবেই দিয়্যে অবঅ; ধেই যেইয়্যে মানুচ্চুনোরে এগত্তর্ গুরিবাত্তে কনজন ন-থেবাক্।

যিরমিয় 50:36

তার্ ভন্ড ভাববাদীগুনো বিরুদ্ধে রোইয়্যেদে তলোয়ার; তারা ভুল্ ওই যেবাক্। তা যোদ্ধাগুনোর বিরুদ্ধে রোইয়্যেদে তলোয়ার; তারা অমকদ দোরেবাক্।

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

যিরমিয় 9:15

সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্, ‘চঅ, মুই এ মানুচ্চুনোরে তিদে হানা আর বিষবলা পানি হেবাত্তে বাধ্য গুরিম।

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

যিহিষ্কেল 12:14

মুই তার চেরোকিত্তে বেক্কুনোরে, অত্তাৎ তার কামগুরিয়্যেগুনোরে আর তার বেক্ সৈন্যদলুনোরে চেরোকিত্তে ছিদি দিম্ আর খুলো তলোয়ারলোই মুই তারারে লোড়েম্।

যিহিষ্কেল 32:23

তারার গোরান্ মরণ জাগার্ গভীনোত্ আঘে আর তার সৈন্যদলুন তা গোরানর্ চেরোকিত্তে পড়ি আগন্। জেদাগুনো দেজত্ যিগুনে দর্‌‌বুক ছোরেয়োন্ তারার বেক্কুনোরে যুদ্ধোত্ মারে ফেলা ওইয়্যে।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:2

যেক্কে শঅরর্ ঘিরি থোইয়্যে দিনুন্ থুম্ ওই যেবঅ সেক্কে সেই চুলোর তিন ভাগর্ এক ভাগ চুল নিইনে শঅর ভিদিরে পুড়িবে। তিন ভাগর এক ভাগ চুল নিইনে ছুরিলোই শঅর চেরোকিত্তে সিয়েনি কুজি কুজি গুরি কাবিবে, আর তিন ভাগর্ এক ভাগ চুল নিইনে বোইয়্যেরত্ উড়েই দিবে। যেরেদি খুলো তলোয়ারলোই মুই মানুচ্চুনোরে লোড়েম্।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।