যিরমিয় 49:32 - Chakma Bible

³² তারার উট্‌‌তুন লুদেয়্যে মাল অবঅ আর তারার দাঙর্ য়েমান পাল লুদেয়্যে জিনিস অবঅ। যিগুনে মাঢাবোর দ্বিকিত্তেদি চুল কাবন্ তারারে মুই চেরোকিত্তে চিদি দিম্ আর বেক্কানিত্তুন্ তারা উগুরে দযা অনিম।

যিরমিয় 49:32 Iomraidhean Croise

যিরমিয় 25:23

দদান, টেমা, বূষ দেজর্ মানুচ্চুনোরে; মাঢাবোর দ্বিকিত্তেদি চুল কাবা মানুচ্চুনোরে;

যিরমিয় 49:36

মুই আগাজ চেরোকিত্তেত্তুন্ চেরান্ বোইয়্যের্ এলম বিরুদ্ধে আনিম। সে বোইয়্যেরত্ মুই তারারে চেরোকিত্তে ছিদি দিম; এলমর দূর্ গুরি দিয়্যে বন্দীগুনে বেক্ জাদ্‌‌‌তুনো ইধু যেবাক্।

যিরমিয় 9:25

লগেপ্রভু কোইয়্যেদে, “এমন দিন এজের্ যেক্কে মুই মিসর, যিহূদা, ইদোম, অম্মোন, মোয়াব আর ধূল্যেচর-চাগালাত্ বজত্তি গুরিয়্যে যিগুনে মাঢাবোর দ্বি ডাগেদি চুল কাবন্ তারারে বেক্কুনোরে সাজা দিম। তারারে বানা কিয়্যেদি চুনুগুলোবোর মাঢাবো চামান্ কাবা ওইয়্যে, মনেদি চুনুগুলোবোর্ মাঢাবোর্ চামান্ কাবা ন-অয়; আর ইস্রায়েলীয়গুনোরেয়ো মনেদি চুনুগুলোগুনোর্ মাঢাগুনোর্ চামান্ কাবা ন-অয়।”

যিহিষ্কেল 5:10

সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।