যিরমিয় 49:29 - Chakma Bible

²⁹ মানুচ্চুনে তারার বেক্ তাম্বুলানি আর য়েমান পালুন নেযেবাক্ আর তারার বেক্ পযাপিরানি, তাম্বুলো পর্দানি আর উট্‌তুন নেযেবাক্। তারা রঅ ছাড়িনে তারারে কবাক্, ‘চেরোকিত্তে অমকদ দর্!’ ”

যিরমিয় 49:29 Iomraidhean Croise

পত্থম 37:25

ইয়েন পরেদি যোষেফ ভেইয়ুনে হানা-বিনে হেবাত্তে বুয়োইনে দেগিলাক্ গিলয়দত্তুন্‌ একদল ইশ্মায়েলীয় বেবসা গুরিয়্যে এত্তন্। উদো পিদিত্‌ গুরি তারা তুম্‌বাচ্‌ মজলা, গুগ্‌গুলু আর গন্ধরসছোই মিসর দেজত্‌ যাদন্।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

গীতসংহিতা 120:5

হায়! কি দুর্‌ভাগ্যত্তে মুই! মুই মেশকীয়গুনো ধোক্ক্যেন মান্‌জ্য ইদু বজত্তি গরঙর্, কেদরীয়গুনো ধোক্ক্যেন মান্‌জ্য তাম্বুলো ইদু আগং।

গীতসংহিতা 31:13

মঅ পৌইদ্যেনে ভালোক্ জনর ইংসে-নিন্দের কধা মঅ কানত্ এচ্ছ্যে, মর্ চেরোকিত্তে অমকদ দর্‍গরেপারা। তারা মঅ বিরুদ্ধে একসমারে সল্লা গত্তন্, মরে মারে ফেলেবাত্তে কুজুরোমি গত্তন্।

যিশাইয় 13:20

সিয়েন ভিদিরে আর কনদিন্‌অ থেবার্ জাগা ন-অবঅ বা বংশর পর বংশ ধুরিনে কনজনে সিয়েনত্ বজত্তি ন-গুরিবাক্। কনঅ আরবীয় সিয়েনত্ তাম্বুল্ ন-ফেলেবাক্, কনঅ গরগে সিয়েনত্ তা এ্যামানুনোরে জিরেবাত্তে ন-দিবাক্।

যিশাইয় 60:7

কেদরর ভেড়া পালুন্ তঅ মুজুঙোত্ তুবেবাক্, নবায়োতর ভেড়াগুন তঅ কামত্ লাগিবাক্; মঅ পূজোবো উগুরে উৎসর্ব ইজেবে মুই সিগুন গুজি লোম্, আর মর্ বাঈনী গরেদে ঘরানি মুই আরঅ বাঈনী গরে পারা গুরিম।

যিরমিয় 10:20

মঅ তাম্বুলান ভস্ত ওইয়্যে; সিয়েনর বেক্ দুড়িগানি ছিনি যেইয়্যে। মঅ পুয়োগুনে মত্তুন্ যেয়োন্দোই, তারা আর নেই; মঅ তাম্বুলান আরঅ টাঙেবার বা তা পর্দানি টাঙেবাত্তে ইক্কিনে আর কনজন নেই।

যিরমিয় 4:20

দজার্ পর দজা এজের্; বেক্ দেজ্‌‌‌চান যেন ভস্ত ওই পড়ি আঘে। কানক্কণ্ ভিদিরে মর্ তাম্বুলো ঘরানি, এক মুহূত্তো ভিদিরে মঅ তাম্বুলো ঘরানির পর্দাগানি যেন ভস্ত ওই যার্।‌

যিরমিয় 46:5

মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 49:24

দামেস্কগান বল্‌‍‍‌‌‌‌‌‌পোজ্যে ওইয়্যে, তে ধেই যেবাত্তে ফিজ্যে আর তারে আজাবোদে ধোজ্যে; পুয়ো ফুদেয়্যে মিলে ধোক্ক্যেন পীড়ে আর যন্ত্রনা তারে ধোজ্যে।

যিরমিয় 49:5

মুই বেগত্তুন্ খেমতাবলা প্রভু লগেপ্রভু কঙর্, তঅ চেরোকিত্তে বেক্কুনোত্তুন্ মুই তঅ উগুরে অমকদ দর্‌‌‌‌বুগ আনিম। তমারে পত্তিজনরে ধাবেই দিয়্যে অবঅ; ধেই যেইয়্যে মানুচ্চুনোরে এগত্তর্ গুরিবাত্তে কনজন ন-থেবাক্।

যিরমিয় 6:25

তুমি মাদত্ ন-যেয়ো বা পদথ্ ন-আত্য, কিত্তে শত্রুগুনো আঢত্ তলোয়ার আঘে আর চেরোকিত্তেদি রোইয়্যেদে অমকদ দর্।

হবক্‌‌‌‌কূক 3:7

মুই কূশন মানুচ্চুনোরে দুদ্দশাত্ দেগিলুং, আর দেগিলুং মিদিয়ন আদাম্মেগুনে গির্‌গিরাদন্।

২ করিন্হীয় 4:8

বেক্কানিত্তুন্ আমা উগুরে চাপ্ পরের্, তো আমি ভাঙি ন-পুরির্। বুদ্ধি-নেইয়্যে অলেয়ো আমি পুরোপুরি আজা নেইয়্যে ন-ওর্;

২ করিন্হীয় 7:5

ম্যাসিডোনিয়াত্ লুমিনেয়ো আমা কিয়্যেগানি জিরেন্ ন-পায়; বেক্কানিত্তুন্ আমি দুঘ্ পেইয়্যেই-চেরোকিত্যেদি এলঅ গন্ডগুল আর মনত্ দর্‌বুগ্ এলঅ।

বিচের গুরিয়্যেগুন 6:5

তারা তারার্‌ য়েমান পালুন্‌ আর তাম্বুলানি লোইনে পংগপালুনোর ঝাগঅ ধোক্কেন্‌ এদাক্‌; তারার্‌ মানুচ্চুন আর উট্‌তুন্‌ গুণি ন-পুড়েইয়্যে। তারা দেজ্‌চান শেজ্‌ গুরি দিবার আজালোই এদাক্‌।

বিচের গুরিয়্যেগুন 7:12

মিদিয়নীয়, অমালেকীয় আর পূগঅ দেজর মানুচ্চুনে সেই কিজিঙো ভিদিরে পুগ্‌-যুগঅ ঝাঁগঅ ধোক্কেন্‌ এলাক্‌। তারার উট্‌‌তুন্‌ সাগর পার ধূল্যেচর ধোক্কেন্‌ গুণি ন-ফুরেইয়্যে।

বিচের গুরিয়্যেগুন 8:21

সেক্কে সেবহ আর সল্‌মুন্ন কলাক্‌, “তুই নিজে এইনে আমারে মারে ফেলা, কিত্যে যেধোক্কেন্‌ মানুচ্‌ সেধোক্কেন্‌ তার কাম।” সেনত্তেই গিদিয়োনে নিজেই উজে যেইনে তারারে মারে ফেলেল আর তারার উট্‌‌তুনোর গত্তনাগুনোত্তুন্ অলংকারানি খুলি নেযেল।

বিচের গুরিয়্যেগুন 8:26

সেক্কে যেত্তমান্‌ সোনা তে পেলঅ সিয়েনি মাবিনে অলঅ প্রায় কুড়ি কেজি পাঁচশত্‌ গ্রাম। ইয়েনিবাদে তার পেইয়্যে চান ধোক্কেন্‌ নেগেলেচ্‌, ঝুঙো, মিদিয়নীয় রাজাগুনোর উরোন্দে বিগুনো রঙর্‌ পোজাক্ আর উদোর্‌ গত্তনার নেগেলেচ্‌ছো ইয়েনি ভিদিরে ধরা ন-অয়।